მნიშვნელოვანი ინფორმაცია
19
მაისიდღის ზოგადი ასტროლოგიური პროგნოზი
ორშაბათი, მთვარის ოცდამეორე დღე დაიწყება 02:56-ზე, მთვარე მერწყულშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ჯერ კიდევ გაურკვეველია სულიერი ლიდერის ჯანმრთელობის მდგომარეობა, ამასთანავე, ენერგომატარებლებით მდიდარ ქვეყანაში ენერგოკრიზისია: რა ხდება ირანში?
15:36 / 18-11-2024
ახლო აღმოსავლეთის მრავალმხრივი კრიზისისა და მკაცრი სანქციების ფონზე, ირანში ვითარება საკმაოდ დაძაბულია.
ბოლო დღეებში აქტიურად ვრცელდება ინფორმაცია, ქვეყნის სულიერი ლიდერი გაუარესებული მდგომარეობის შესახებ. ინფორმაციის გადამოწმება საკმაოდ რთულია, თუმცა, როგორც მსოფლიოს წამყვანი მედიასაშუალებები წერენ, ის ამ დრომდე კომაში იმყოფება. თუმცა, ირანი საწინააღმდეგოს ამტკიცებს.
კვირას აიათოლა ალი ხამენეის სახელით გამოქვეყნდა ფოტო, რომელზეც თითქოს აღბეჭდილია, რომ მისი და ლიბანში ირანის ელჩის ს შეხვედრა.
შეგახსენებთ, ამ ცოტა ხნის წინ, მედიამ გაავრცელა ინფორმაცია, რომ 85 წლის ხამენეი კომაში ჩავარდნამდე, საიდუმლო შეხვედრის დროს თავის მემკვიდრედ წარადგინა 55 წლის ვაჟი, მოჯთაბა ხამენეი, რასაც მმართველ ელიტაში არსებული რიგი პოლიტიკური ჯგუფები კატეგორიულად არ იზიარებენ.
მითქმა-მოთქმა ამ საკითხზე დაიწყო, რაც The New York Times-მა ოქტომბერში განაცხადა, რომ ხამენეი "სერიოზულად ავად იყო", ერთ-ერთი ვერსიით, ის სიმსივნეს ებრძვის.
ვინ არის მოჯთაბა ხამენეი?
უზენაესი ლიდერის ალი ხამენეის თხოვნით, მიმდინარე წლის 26 სექტემბერს, ირანის ექსპერტთა ასამბლეის 60 წევრი შეიკრიბა. მათ აიათოლამ დაავალა მიეღოთ დაუყოვნებლივი და კონფიდენციალური გადაწყვეტილება მის მემკვიდრეობასთან დაკავშირებით.
მოჯთაბა, 1969 წელს მაშჰადში დაიბადა. სწავლობდა თეოლოგიას და გახდა სასულიერო პირი. ის ახლაც ასწავლის თეოლოგიას სემინარიაში და მეუღლესთან - ზაჰრა ჰადად-ადელთან ერთად, სამ შვილს ზრდის.
როგორც ცნობილია, მოჯთაბა 2009 წლის ივნისში ანტისამთავრობო დემონსტრაციების ჩახშობას ხელმძღვანელობდა.
მას ასევე აქვს წვდომა მსხვილ ფინანსურ აქტივებზე.
ენერგეტიკული კრიზისი
ბოლო ცნობებით, ირანი ენერგეტიკული კრიზისის წინაშე დგას. როგორც ადგილობრივი მედია წერს, საწვავის დეფიციტის გამო, ქვეყანაში ელექტროენერგიის გეგმური გათიშვები დაიწყო.
atalayar -ის ინფორმაციით, ირანის ისლამურმა რესპუბლიკამ, ენერგეტიკული კრიზისის გამო, რომელიც დაკავშირებულია ბუნებრივი აირისა და საწვავის დეფიციტთან, დედაქალაქ თეირანში ელექტროენერგიის მიწოდება შეზღუდა.
“რამდენიმე დღის წინ ხელისუფლებამ განაცხადა, რომ გეგმავს ელექტროენერგიის შეზღუდვას დღე-ღამეში ორი საათის განმავლობაში დედაქალაქ თეირანში - სადაც 9,5 მილიონი ადამიანი ცხოვრობს. ხოლო დანარჩენ პროვინციებში მისი მიწოდება შეიზღუდება დღე-ღამეში რვა საათის განმავლობაში, რაც გავლენას მოახდენს არა მხოლოდ მოქალაქეების ცხოვრებაზე, არამედ ბიზნეს და სამრეწველო სექტორებზე", - წერს გამოცემა.
ელექტროენერგიის გათიშვა არის მთავრობის სტრატეგიის ნაწილი საწვავის დაზოგვისა და მაზუთზე დამოკიდებულების შესამცირებლად. ელექტროენერგიის გენერალურმა გამანაწილებელმა კომპანიამ გადაწყვეტილება “ელექტროსადგურებში საწვავად გამოყენებული გაზის შეზღუდული მიწოდებით“ ახსნა.
ოთხშაბათს დიზელის საწვავის გამოყენება აიკრძალა სამ ელექტროსადგურში, რადგან ამ ალტერნატიულმა საწვავმა ხელი შეუწყო ქვეყანაში ჰაერის დაბინძურების მაღალ მაჩვენებელს.
აღსანიშნავია, რომ OPEC-ის წევრი ირანი მსოფლიოში მესამე უდიდესი ნავთობის მარაგების მფლობელი ქვეყანაა, ვენესუელას და საუდის არაბეთის შემდეგ. ხოლო ბუნებრივი აირის სიდიდით - მსოფლიოში მეორე.
ელექტროენერგიის გამომუშავებაში არასაკმარისი ინვესტიციების და არსებული ინფრასტრუქტურის არასათანადო მოვლის გამო, ჯერ კიდევ ზაფხულში ხდებოდა ელექტროენერგიის ხშირი გათიშვა.
თუმცა, ზამთარში ტემპერატურის კლებასთან ერთად, ირანის ხელისუფლება კიდევ ერთ ენერგეტიკულ პრობლემას აწყდება - რადგან ბუნებრივი აირი არასაკმარისია, ელექტროსადგურები ნედლეულად დიზელს იყენებენ. ამის გამო, ქვეყანაში მოსალოდნელია გაზის დეფიციტიც. მთავრობამ უკვე დაიწყო მოლაპარაკებები თურქმენეთიდან იმპორტის გაზრდის შესახებ.
ირანის ენერგეტიკის სამინისტროს მონაცემებით, სადგურებზე გაზის მიწოდება წელს 2023 წელთან შედარებით 30%-ით შემცირდა, ხოლო დიზელის მარაგი წინა წელთან შედარებით 1,26 მილიარდ ლიტრზე ნაკლებია.
“ენერგეტიკული კრიზისის მოგვარების მიზნით, ირანის პრეზიდენტმა მასუდ პეზეშკიანმა სანქციების მოხსნის იმედით, შეერთებულ შტატებთან და დასავლეთის სხვა ქვეყნებთან მოლაპარაკებებისთვის გზები დაიტოვა,“ - წერს გამოცემა.
ქვეყნის ხელისუფლების ზოგიერთი წარმომადგენელი ენერგეტიკულ კრიზისში ნაწილობრივ საზოგადოებას ადანაშაულებს და აცხადებს, რომ დეფიციტი არაადეკვატურმა მოხმარებამ გამოიწვია.
იხილეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვოლოდიმირ ზელენსკი, რომში აშშ-ის ვიცე-პრეზიდენტს ჯეი დი ვენსს და სახელმწიფო მდივანს მარკო რუბიოს შეხვდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
