მნიშვნელოვანი ინფორმაცია
19
მაისიდღის ზოგადი ასტროლოგიური პროგნოზი
ორშაბათი, მთვარის ოცდამეორე დღე დაიწყება 02:56-ზე, მთვარე მერწყულშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"მშობიარობიდან რამდენიმე საათში ფარული სისხლდენა დაეწყო... ძალიან მძიმე მდგომარეობაშია, დაკარგა საშვილოსნო" - რა მოხდა ქუთაისის სამშობიაროში: 28 წლის ქალს დახმარება ესაჭიროება
13:40 / 15-11-2024
28 წლის შორენა ონიანს საზოგადოების დახმარება სჭირდება. ახალგაზრდა ქალს, რამდენიმე დღის წინ ქუთაისის მეორე სამშობიაროში ნაადრევად ტყუპი შეეძინა. მშობიარობიდან რამდენიმე საათში შორენას მდგომარეობა დამძიმდა. თბილისში გადმოყვანის შემდეგ, ოჯახს ურჩიეს, რომ სასწრაფოდ თურქეთში გადაეყვანათ. ახლა მძიმე მდგომარეობაში მყოფი ახალგაზრდა დედა ტრაპიზონის კლინიკაში იმყოფება.
რა მოხდა მშობიარობის დროს, რატომ დამძიმდა ქალის მდგომარეობა, ინტერვიუ შორენას ბიძაშვილთან, მის მოგვარესა და მოსახელეს შორენა ონიანთან ჩავწერეთ
- შორენა ჩემი ბიძაშვილია, კლასელი, ერთად გავიზარდეთ, ჩემი შვილის ნათლიაა. ორსულობა ნორმალურად მიდიოდა, ყველა პარამეტრი ნორმაში იყო, მაგრამ იქიდან გამომდინარე, რომ ტყუპებს ელოდებოდა, მაინც იყო ნაადრევი მშობიარობის რისკი. ეს შორენასთვის პირველი მშობიარობა იყო, თავს უფრთხილდებოდა, ცდილობდა, რომ მოსვენებით ყოფილიყო. ამ კვირაში ჰქონდა საკეისრო კვეთა, მაგრამ ვერ მოასწრო. ზესტაფონში ცხოვრობდა, წყლები იქ დაღვარა, მალევე წამოვიდა ქუთაისში, მაგრამ ბუნებრივად მშობიარობა მოუწია.
- სად იმშობიარა?
- ქუთაისის მეორე სამშობიაროში, ბავშვები ჯანმრთელები დაიბადნენ. თვითონაც ნორმალურად გრძნობდა თავს. ჩვენი ერთ-ერთი მეგობარი დაესწრო მშობიარობას, ნორმალურად ჩაიარა, შემდეგ პალატაში გადაიყვანეს, მეგობარიც მასთან ერთად იყო პალატაში. სუსტად გრძნობდა თავს, თავბრუსხვევას. რამდენიმე საათში გულყრის ეპიზოდი ჰქონდა, გონება დაკარგა. ექოსკოპიაზე შეიყვანეს და ფარული სისხლდენა იყო დაწყებული მუცლის ღრუში. მაშინვე საოპერაციოდ შეიყვანეს.
- სოციალურ ქსელში გავრცელებულ პოსტებში ექიმების ბრალზეა მინიშნება, ვის აბრალებთ?
- ამ ეტაპზე ვერაფერს ვიტყვით, იმდენად ვართ გადართული რომ შორენა გადავარჩინოთ, ეგ საკითხი გვერდზე გვაქვს გადადებული. არ ვიცით, რა მოხდა რეალურად. დაადგინოს რა მოხდა, ვარაუდის დონეზე ვერაფერს ვიტყვი.
ახლა შორენა ძალიან მძიმე მდგომარეობაშია, მთელი რიგი გართულებები მოჰყვა. დაკარგა საშვილოსნო, მაგრამ მაგას ვინ დაეძებს, მთავარია გადარჩეს. ახლა თურქეთში იმყოფება.
- რას ამბობენ იქაური ექიმები?
- დღეს გამთენიისას ტრაპიზონში ჩაიყვანეს, მეუღლე და ძმა ახლავს თან. აქედან რეანიმობილით წაიყვანეს. გზაში რაიმე გართულება არ ყოფილა, ექიმებიც გაჰყვნენ, ღმერთის წყალობით მშვიდობით ჩავიდნენ. იქ ჯერჯერობით პასუხს არ ეუბნებიან. გამოკვლევები ჩაუტარეს და საღამოს იქნება ზუსტი შეფასება რას უნდა ველოდოთ. ახლა შორენა გონზე არ არის.
- ტყუპების მდგომარეობა როგორია?
- დღენაკლულად ითვლებიან და ექიმების მეთვალყურეობა სჭირდებათ. ახლა იაშვილის კლინიკაში არიან. შორენაც ღუდუშაურის კლინიკაში იყო გადმოყვანილი. ტვინის დაზიანება აქვს მიღებული, სჭირდება სერიოზული მკურნალობა. ოჯახს ურჩიეს, რომ უმჯობესი იქნებოდა მკურნალობა თურქეთში გაეგრძელებინა.
- შორენა ქუთაისიდან არის?
- მშობლები, ოჯახი, ძმა სვანეთში ჰყავს, მაგრამ ბოლო პერიოდი ქუთაისში სწავლობდა და მუშაობდა. იანვარში დაოჯახდა და მას შემდეგ ზესტაფონში ცხოვრობდა.
ოჯახს ახლა საზოგადოების დახმარება ძალიან სჭირდება, რადგან თითოეული ლარი, შორენას სიცოცხლის გადასარჩენად მნიშვნელოვანია. რეკვიზიტები:
საქართველოს ბანკი:#GE11BG0000000014434600
თი ბი სი ბანკი:#GE71TB7024745064300049
მიმღები:გიგა ცხელიშვილი
მკითხველის კომენტარები /
11 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ზესტაფონში ძალიან ძლიერი გინეკოლოგები გვყავს.ნეტავ აქ მისულიყო,იქნებ არც გართულებულიყო
ღმერთმა უშველოს და გამოაჯანმრთელოს. უბედურება იმაშია, რომ ალბათ, ზესტაფონშიც, როგორც სხვა რეგიონებში, არაა სამშობიარო და დროულად არ მოხდა ჩარევა, თან ამხელა მუცლით გოგო ქუთაისამდე მანქანით აჯაყჯაყეს.