TikTok-ის ინფლუენსერი ანტისემიტური ვიდეოების გამოქვეყნებისთვის სასამართლომ დასაჯა - რა დეტალებზე წერს მედია

40 წლის ბრიტანელი ინფლუენსერი ფიონა რაიანი, რომელსაც TikTok-ზე 50 000-ზე მეტი მიმდევარი ჰყავს, სასამართლომ დამნაშავედ ცნო “უაღრესად შეურაცხმყოფელი“ კონტენტის წარმოებაში და 12-კვირიანი პირობითი პატიმრობა მიუსაჯა.

კერძოდ, ამ თვის დასაწყისში ფიონა დამნაშავედ ცნეს ოთხ ბრალდებაში.

• “მაგალითად, 2023 წლის ოქტომბერში, X-ზე ვიდეო გამოაქვეყნა, სადაც "ჰამასის ქმედებებს უჭერდა მხარს და დაჯგუფებას აქებდა“, - წერს BBC.

მას 12-კვირიანი და 8-კვირიანი პირობითი პატიმრობა მიესაჯა. სასამართლომ ფიონა დამნაშავედ ცნო “შეურაცხმყოფელი კონტენტის წარმოებისთვის“ და "რასაზე და რელიგიაზე დაფუძნებული, მტრული განწყობების დათესვისთვის“.

გარდა პირობითისა, ინფლუენსერს ასევე მიესაჯა 20 კვირიანი სარეაბილიტაციო სამუშაოების შესრულება და ფულადი ჯარიმა.