პარიზში, საფრანგეთი-ისრაელის მატჩის წინ უსაფრთხოების უპრეცედენტო ზომებია მიღებული - ათასობით სამართალდამცავი ქუჩებში, მათი ელიტური ნაწილი სტადიონზე და Stade de France-ს გარშემო დაკეტილი ბარ-რესტორნები
დღეს, პარიზში, საფრანგეთსა და ისრაელს შორის უეფას ერთა ლიგის მატჩზე უსაფრთხოების დაცვას, 4000 სამართალდამცავი უზრუნველყოფს. უსაფრთხოების ზომების გამკაცრება მას შემდეგ გადაწყდა, რაც რაც ერთი კვირის წინ ამსტერდამში ისრაელის კლუბ "მაკაბის“ გულშემატკივრებს თავს დაესხნენ.
პარიზის პოლიციის უფროსის, ლორან ნუნესის თქმით, მისი თანამშრომლების ნაწილი პირდაპირ Stade de France სტადიონზე იდგება, დანარჩენი კი საფრანგეთის დედაქალაქის ქუჩებსა და საზოგადოებრივ ტრანსპორტში იმოძრავებს. გარდა ამისა, სტადიონზე კერძო დაცვის1600-მდე თანამშრომელი მორიგეობს, ხოლო ისრაელის გუნდს ანტიტერორისტული პოლიციის ელიტური განყოფილება დაიცავს.
როგორც უკვე აღვნიშნეთ,თამაში ყურადღების ცენტშია ისრაელის გულშემატკივართა წინააღმდეგ განხორციელებულ არეულობისა და ძალადობის შემდეგ, რომელიც ერთი კვირის წინ ამსტერდამში ჰოლანდიური აიაქსისა და თელ-ავივის "მაკაბის" მატჩის შემდეგ მოხდა.
7 ნოემბერს მატჩის მატჩის დასრულების ღამეს უცნობი პირების ჯგუფი თავს დაესხა ისრაელის გულშემატკივრებს. მათ იმ სასტუმროში შეჭრაც სცადეს, სადაც "მაკაბის“ მხარდამჭერები იმყოფებოდნენ.
ჰოლანდიის პოლიციამ განცხადებით, ხუთი ისრაელელი, ხოლო ისრაელის წყაროების ცნობით, სულ მცირე, ათი ადამიანი დაშავდა.
ისრაელის ხელისუფლებამ ამსტერდამის მოვლენებს ნამდვილი დარბევა და "ანტისემიტური ქმედება“ უწოდა. პრემიერ-მინისტრ ბენიამინ ნეთანიაჰუს გადაწყვეტილებით, ისრაელელები ჰოლანდიიდან სპეციალური რეისებით გაიყვანეს.
ამსტერდამის თავკაცები მიიჩნევს, რომ ვანდალიზმში თავად "მაკაბის" ფანებიც მონაწილეობდნენ. მერის მოხსენებაში ნათქვამია, რომ მათ ჩამოაგდეს პალესტინის დროშა, თავს დაესხნენ ტაქსებს და სკანდირებდნენ ანტიარაბულ ლოზუნგებს.
ევროპელი ლიდერების უმეტესობამ დაგმო ამსტერდამის მოვლენები და მათ ანტისემიტიზმის გამოვლინება უწოდა.
ულტრამემარცხენე ფრანგული პარტია France Invictus (LFI), რომელიც მხარს უჭერს პალესტინელებსა და ლიბანელებს ისრაელთან კონფლიქტში, ხუთშაბათის მატჩის გაუქმება მოითხოვა.
თუმცა, შინაგან საქმეთა მინისტრმა ბრუნო რეტაილომ განაცხადა, რომ მატჩის გაუქმება ან გადადება გამორიცხული იყო.
"საფრანგეთი არ დაუთმობს მათ, ვინც სიძულვილს ავრცელებს“, - თქვა მან.
იმავდროულად, საფრანგეთის პრეზიდენტმა ემანუელ მაკრონმა განაცხადა, რომ ის პირადად დაესწრება მატჩს ევროპელ ებრაელებთან ერთად, სოლიდარობის ნიშნად ამსტერდამის მოვლენების შემდეგ.
მას შეუერთდებიან პრემიერ-მინისტრი მიშელ ბარნიე, ასევე საფრანგეთის ყოფილი პრეზიდენტები: ფრანსუა ოლანდი და ნიკოლა სარკოზი.
გავრცელებული ინფორმაციით, პარიზში გამართულ მატჩზე სტად დე ფრანსის სტადიონზე, რომელიც 80 ათას ადამიანს იტევს, მხოლოდ მეოთხედი იქნება სავსე. ისრაელის მთავრობამ არ ურჩია თავის გულშემატკივრებს საფრანგეთში გაფრენა.
უსაფრთხოების დამატებითი ღონისძიების სახით, სტადიონის ირგვლივ ყველა ბარი და რესტორანი დღეს შუადღისას დაიხურა.