ესპანეთის რიგ რეგიონებში გადაუღებლად წვიმს, სინოპტიკოსები ხალხს ისევ წყალდიდობის თაობაზე აფრთხილებენ - ევაკუირებულია ათასობით ადამიანი, გამოცხადებულია განგაში (ფოტო/ვიდეო)
ამინდის ეროვნულმა სააგენტომ სამხრეთ ესპანეთის მოსახლეობა მოსალოდნელი ძლიერი ნალექისა და შესაძლო წყალდიდობის შესახებ გააფრთხილა.
ხელისუფლებამ მალაგის პროვინციის მცხოვრებლებს სპეციალური შეტყობინებები გაუგზავნა, რომელშიც აღნიშნული იყო, რომ მოსალოდნელია "ძლიერი წვიმა და წყალდიდობის რისკი.“ შედეგად, რეგიონიდან ევაკუაცია გუშინვე განხორციელდა. დაახლოებით 3 000 ადამიანი იძულებული გახდა, საკუთარი სახლები დაეტოვებინათ.
მალაგის პროვინციაში დაიხურა სკოლები და მაღაზიები.
რეგიონი, რომელიც მოიცავს საკურორტო ქალაქებს: მარბელას, ველესსა და ესტეპონას, ელოდება სტიქიურ მოვლენას, რომელიც ცნობილია სახელით gota fría ("ცივი წვეთი").
შეგახსენებთ, რომ სულ რაღაც ორი კვირის წინ ვალენსიის პროვინციაში წყალდიდობას 220-ზე მეტი ადამიანი ემსხვერპლა. განადგურდა ინფრასტრუქტურა, დასახლებები და ქალაქები.
იხილეთ ასევე:
- ესპანეთს მორიგი წყალდიდობა დაატყდა თავს - "30 მანქანა წყლის ნაკადმა ზღვისპირა ქალაქ კადაკესში გამორიყა"
- რატომ არის ვალენსიის წყალდიდობა ასეთი კატასტროფული - მეცნიერების საგანგაშო პროგნოზი: "ამ ტიპის მოვლენები უფრო გაიზრდება"