16
მაისიდღის ზოგადი ასტროლოგიური პროგნოზი
ავღანეთში, მკვლელობაში მსჯავრდებული მამაკაცი მსხვერპლის მამამ მოკლა - "თალიბანის" წარმომადგენელმა განაცხადა, რომ მამაკაცი ხალხმრავალ სპორტულ სტადიონზე სამხრეთ-დასავლეთ ფარაჰის პროვინციაში მოკლეს, მას მსხვერპლის მამამ სამჯერ ესროლა. უმძიმეს მომენტს ათასობით ადამიანი უყურებდა.
"თალიბანის" ცნობით, სიკვდილით დასჯილმა თაჯმირმა დაახლოებით ხუთი წლის წინ დანით დაჭრა მამაკაცი, სახელად მუსტაფა. მოგვიანებით ის თალიბანის სამმა სასამართლომ გაასამართლა და მისი სასჯელი მულა ახუნძადამ დაამტკიცა. აღსრულებამდე გამოქვეყნდა ცნობა ღონისძიების გასაჯაროების შესახებ და „ყველა მოქალაქეს მოეთხოვა სპორტულ მოედანზე გამოცხადება".
მოკლულის დედამ BBC-ს განუცხადა, რომ "თალიბანის" ლიდერები სთხოვდნენ დამნაშავისთვის ეპატიებინა, მაგრამ იგი დაჟინებით მოითხოვდა მის სიკვდილით დასჯას.
სროლას ესწრებოდა ჯგუფის ათობით ლიდერი. ეს არის პირველი შემთხვევა, როდესაც თალიბებმა საჯაროდ აღიარეს სიკვდილით დასჯა. მათი სპიკერის ზაბიჰულა მუჯაჰიდის თქმით, აღსრულებას ესწრებოდნენ უზენაესი სასამართლოს რამდენიმე მოსამართლე, სამხედრო პერსონალი და უფროსი მინისტრი - მათ შორის იუსტიციის, საგარეო საქმეთა და შინაგან საქმეთა მინისტრები.
თალიბანის უზენაესმა ლიდერმა ჰაიბათულა ახუნდზადამ გასულ თვეში გამოსცა ბრძანება, რომელიც მოსამართლეებს უფლებას აძლევს, გამოიყენოს ისეთი სასჯელი, როგორიცაა საჯაროდ სიკვდილით დასჯა, ამპუტაცია და ჩაქოლვა. თუმცა, ზუსტი დანაშაულები და შესაბამისი სასჯელები ოფიციალურად არ არის განსაზღვრული.
გაეროს გენერალურმა მდივანმა ანტონიო გუტერეშმა მომხდართან დაკავშირებით "ღრმა შეშფოთება" გამოთქვა:
„ჩვენ მოვუწოდებთ ავღანეთში სიკვდილით დასჯის მორატორიუმის დაბრუნებას“, - თქვა მან.
აბა ფოტოები, რა გეშველებათ
არა ციხეში გაეშვათ და ეჩივლა ცივი ყავა მომიტანესო, სწორეა მოკვლას ვერავინ გაბედავს