წინასწარი ვერსიით, ორი ახალგაზრდას გარდაცვალების მიზეზი, სავარაუდოდ, ნარკოტიკით ზედოზირება გახდა - რა დეტალები ხდება ცნობილი?
წინასწარი ვერსიით, თბილისში, ორი ახალგაზრდას გარდაცვალების მიზეზი, სავარაუდოდ ნარკოტიკული საშუალებით ზედოზირება გახდა.
- არსებული ინფორმაციით, 23 წლის ბიჭის და 21 წლის გოგოს ძებნა ოჯახმა და მეგობრებმა მას შემდეგ დაიწყეს, რაც ისინი გარკვეული პერიოდი კონტაქტზე არ გამოდიოდნენ.
ამის შემდეგ საქმეში ჩაერთო პოლიციაც. ახალგაზრდები ჯავახიშვილის ქუჩაზე, ნაქირავებ ბინაში სწორედ მეგობრებმა იპოვეს. ორივეს ცხედარი ექსპერტიზის ბიუროშია გადასვენებული.
ადგილობრივების ინფორმაციით, ახალგაზრდები სავარაუდოდ, რამდენიმე დღის გარდაცვლილები არიან.
ადგილზე საგამოძიებო მოქმედებები მიმდინარეობს.
როგორც AMBEBI.GE-ს შსს-ში განუცხადეს, მომხდარზე გამოძიება 115-ე მუხლით დაიწყო.
წაიკითხეთ ასევე: