მნიშვნელოვანი ინფორმაცია
30
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ზურიკოVSჟორჟი - საფრანგეთის ჩემპიონატის ყველაზე მწვავე დერბიში ქართველები ერთმანეთს დაუპირისპირდნენ: წაგების მიუხედავად დავითაშვილი საუკეთესოდ დასახელდა
12:54 / 11-11-2024
საფრანგეთის ლიგა 1-ის მე-11 ტურში ფრანგული საფეხბურთო სამყაროს ერთ-ერთი მნიშვნელოვანი დაპირისპირება გაიმართა, რომელშიც ერთმანეთს ორწლიანი პაუზის შემდეგ ლიონის "ოლიმპიკი"და "სენტ-ეტიენი" დაუპირისპირდნენ. ჩვენთვის ეს მატჩი ასევე მნიშვნელოვანი იყო, რადგან მოედანზე ორი ქართველი იმყოფებოდა. "სენტ-ეტიენის" რიგებში ზურიკო დავითაშვილმა შეუცვლელად ითამაშა, მასპინძელთა გუნდში კი გიორგი (ჟორჟ) მიქაუტაძე მე-80 წუთზე, შეცვლაზე შევიდა.
როგორ წარიმართა დაპირისპირება
მატჩის პირველი ტაიმი გარდამავალი უპირატესობით წარიმართა, 22-ე წუთზე ზურიკომ ფლანგზე ეინსლი მეიტლენდ-ნაილსი ჩამოიშორა და ჩააწოდა, თუმცა სტასინმა გოლის გატანა ვერ მოახერხა, "ლიონმა" მეტოქეს რამდენჯერმე მწვავედ შეუტია, გოტიე ლარსონერმა საკუთარი გუნდი გაშვებული გოლისგან არაერთხელ იხსნა, მაგრამ 29-ე წუთზე ანგარიში ალექსანდრ ლაკაზეტმა გახსნა.
"რონის დერბის" მეორე ტაიმში "სენტ-ეტიენი" გააქტიურდა, 51-ე წუთზე ზურიკომ საჯარიმოს გარედან დაარტყა, ქართველის მცდელობა ლუკას პერისთვის სახიფათო არ აღმოჩნდა და ბურთს დაეუფლა, 54-ე წუთზე დავითაშვილმა ფრანგი მეკარის კარის აღება საჯარიმო დარტყმით სცადა, პერი კვლავ ადგილზე იყო და ბურთი ხელებში დააფიქსირა. მე-60 წუთზე "ლიონის" კარს კვლავ ქართველი დაემუქრა და მეიტლენდ-ნაილსი ოსტატურად ჩამოიშორა, მაგრამ მისი დარტყმული ჩალეტა-ცარმა დაბლოკა.
76-ე წუთზე ზურიკოს კარგი გადაცემის შემდეგ იბრაჰიმ სისოკო მეკარესთან ერთი-ერთზე დარჩა, პერმა საკუთარი გუნდი გაშვებული გოლისგან გადაარჩინა.
85-ე წუთზე მიქაუტაძე "სენტ-ეტიენის" საჯარიმოში შეიჭრა, მისი დარტყმული ლარსონერისთვის მარტივი ნადავლი აღმოჩნდა.
მატჩის მასპინძელთა გამარჯვებით, ანგარიშით 1:0 დასრულდა.
ვინ გახდა მატჩის საუკეთესო ფეხბურთელი?
მიუხედავად "სენტ-ეტიენის“ წაგებისა, დავითაშვილმა sofascore-ს და whoscored-სგან ორივე გუნდიდან ყველაზე მაღალი შეფასებები მიიღო (შესაბამისად 8.3 და 8.0), ხოლო flashscore-მ მხოლოდ 7.7 ქულა გაიმეტა.
ცნობისათვის, ზურიკო 56-ჯერ შეეხო ბურთს, 20 ზუსტი პასი გააკეთა, 5-დან 5 წარმატებული დრიბლინგი ჰქონდა, 12-დან 7 ორთაბრძოლა მოიგო, კარში სამჯერ დაარტყა ბურთი და ერთხელ საგოლე მომენტი შექმნა.
მიქაუტაძის შეფასებები: sofascore 6.7, flashscore 6.3, whoscored 6.2.
დერბის ისტორია?
როგორც ამბობენ, ამ ორი კლუბის დერბი ფრანგული ფეხბურთის ისტორიაში ერთ-ერთი გამორჩეულია, გუნდების გულშემატკივრები კი ასევე გამორჩეულად ვერ იტანენ ერთმანეთს.
იყო დრო, როცა ქვეყნის ყველაზე დიდ ორ გუნდად სწორედ ლიონის "ოლიმპიკი" და "სენტ-ეტიენ" (ASSE) მიიჩნეოდნენ. დღესაც არაერთი ფრანგი გულშემატკივრისთვის ეს დერბი ფრანგული ფეხბურთის ყველაზე დიდი მატჩია.
მიუხედავად იმისა, რომ სენტ-ეტიენი ლიგა 1-ში წელს დაბრუნდა და წარუმატებელი დრო ედგა, დიდი ხნის განმავლობაში ლიგა 1-ის ყველაზე მეტი ტიტული სწორედ ამ არცთუ ისე პოპულარული ქალაქის კლუბს ჰქონდა. 1957-დან 1981 წლებამდე მან 10 ტიტულის მოგება მოახერხა და მხოლოდ 1 წელია, რაც პსჟ-მ ამ რეკორდის მოხსნა შეძლო.
"სენტ-ეტიენის" ეს რეკორდი ევროპული საფეხბურთო სტანდარტების მიხედვით დიდ უცნაურობად მიიჩნეოდა. სენტ-ეტიენი არა თუ ცნობილ ფრანგულ ქალაქებს შორის არ შედის, არამედ სიმდიდრითაც არ გამოირჩევა, რაც კლუბის ისტორიულ შედეგებს კიდევ უფრო უცნაურს ხდის. სენტ-ეტიენის მოსახლეობა ძირითადად მუშათა კლასს წარმოადგენდა, რომელიც ქალაქთან არსებულ მაღაროებსა და ქარხნებში მუშაობდნენ, რამაც ეს ადგილი თანდათან ინდუსტრიის ჰაბად აქცია.
გეოგრაფიულად, სენტ-ეტიენი ლიონიდან, რომელიც რეგიონის ყველაზე მეტად დასახლებული და კარგად ნაცნობი ქალაქია, 50 კილომეტრშია. კულტურულად კი ეს ორი ქალაქი ერთმანეთთან ცა და დედამიწაა. ლიონი ცნობილია თავისი კულტურით, სამზარეულოთი, არქიტექტურით, რაც აისახება მის, როგორც ქვეყნის ერთ-ერთი მდიდარი ქალაქის რეპუტაციაზეც.
"ლიონის" წარმატებულმა პერიოდმა 2000-იანების დასაწყისში ფრანგული ფეხბურთის ახალ ეპოქას დაუდო სათავე, როცა უდიდესი და უმდიდრესი ქალაქების კლუბები დომინირებენ ლიგა 1-ში. "სენტ-ეტიენის" ბოლო ტიტულიდან კი უკვე 43 წელი გავიდა.
ამ ორ კლუბს შორის დაპირისპირების ხარისხი რომ წარმოვიდგინოთ, გეტყვით, რომ სულ რაღაც 2 წლის წინ "ოლიმპიკის" გულშემატკივრები მოითხოვდნენ, რომ მათ მოთამაშეებს მწვანე ბუცები არ ჩაეცვათ, რადგან ეს "სენტ-ეტიენის" ფერია.
ქართველების წლევანდელი სეზონის მონაგარი
საფრანგეთის ჩემპიონატის მიმდინარე სეზონში გიორგი მიქაუტაძის ანგარიშზე 2 გოლი და 1 საგოლე გადაცემაა, ზურიკო დავითაშვილი კი ბრწყინვალე ფორმაშია და "სენტ-ეტიენის" უპირობო ლიდერია, მის აქტივში 5 გოლი და 2 საგოლე გადაცემაა. ამ ცოტა ხნის წინ, ლიგა 1-ის კვირის გუნდში ორივე ქართველი ერთად მოხვდა.
ქართველები აქამდე საფრანგეთში ერთმანეთს უკვე 2-ჯერ დაუპირისპირდნენ. 2022-23 წლების სეზონში ლიგა 2-ში "ბორდოსა" და "მეცის" მატჩები შედგა და ორივე შემთხვევაში ქართველებმა მონაწილეობა მიიღეს. ერთ-ერთ თამაშში "მეცმა" მეტოქე 3-0 დაამარცხა, მიქაუტაძემ კი დუბლი შეასრულა.
"სენტ-ეტიენი" ლიგა 1-ის სატურნირო ცხრილში 10 ქულით მე-16 ადგილზეა, "მწვანეები" მომდევნო ტურში 23 ნოემბერს "მონპელიეს" მიიღებს. "ლიონი" კი 18 ქულით მე-5 ადგილზეა, პიერ საჟის გაწვრთნილი გუნდი 24 ნოემბერს გასვლაზე "რეიმსს" დაუპირისპირდება.
- სტატიაში გამოყენებულია sportall.ge - ს მასალები
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
