19
მაისიდღის ზოგადი ასტროლოგიური პროგნოზი
ავარიის შედეგად დაშავებულ დებს საზოგადოების დახმარება ესაჭიროებათ. ინფორმაცია ოჯახმა და ახლობლებმა სოციალურ ქსელში გაავრცელეს.
- ცნობილია, რომ შემთხვევა გასულ თვეში ოსიაური-ხაშურის მონაკვეთზე მოხდა. 15 წლის ნიაკოს და 8 წლის თათულის მსუბუქი ავტომობილი იმ დროს დაეჯახათ, გზაზე გადადიოდნენ. მაშინ თვითმხილველები ამბობდნენ, რომ "ბავშვები ექსკურსიის მარშუტკიდან ჩამოვიდნენ, გზაზე გადასვლას, რომ ცდილობდნენ, მანქანა მაშინ დაეჯახათ".
რეჟისორი სანდრო ელოშვილი, რომელიც აქტიურად არის ჩართული თანხის შეგროვების პროცესში, სოციალურ ქსელში წერს, რომ საზოგადოების დახმარებით 60 ათასი ლარი შეაგროვა და გოგონების დედას გადაურიცხა.
"ყველაზე ზღაპრულ 12 საათზე უნდა მოგიყვეთ... დილით მეგობარმა გამიზიარა ასეთი ამბავი! უმტკივნეულესი ისტორიაა... ექსკურსიაზე ორ ანგელოზს, 15 და 8 წლის ნიაკოს და თათულის ერთი თვის წინ დაეჯახათ ავტომობილი და მას მერე მძიმე დაზიანებებით პატარებისთვის სიცოცხლისთვის და ჯანმრთელობისთვის იბრძოდა მთელი ქართული მედიცინა, განსაკუთრებით კი იაშვილისა და ნიუ ჰოსპიტალის კლინიკები.
მაგრამ ახლა დადგა დრო, როდესაც გოგონებს ხანგრძლივი და საკმაოდ რთული რეაბილიტაციის პროცესი სჭირდებათ საზღვარგარეთ.რა თქმა უნდა ეს ყველაფერი დიდ ხარჯებთანაა დაკავშირებული და ამიტომაც გთხოვეთ დილით გვერდში დგომა... ცუდი გამოცდილებით, სხვის ანგარიშს არ ვდებ ხოლმე, ამიტომაც ჩემი ანგარიშები მივუთითე და თან ქალბატონ სოფოს დავუკავშირდი, ჩვენი პატარა მეგობრების არაჩვეულებრივ დედას და დიდსულოვან ქალბატონს.
მთელი დღე ვუმალავდი თანხას და 00:00 ზე ერთიანად, ჩვენი დღევანდელი გიჟური თავდადების და უზომოდ დიდი სიყვარულის შედეგად 60 000 (!!!) 60 000 (!!!) 60 000 (!!!) ლარი ჩავურიცხე... და ამ დროს ისეთი რამ მოხდა, მართლა რომ ხვდები, ღმერთმა შექმნა ეს სამყარო და ადამიანი თავის ხატად... ქალბატონი სოფო 1000 ლარს მირიცხავს და მეუბნება, გთხოვთ, არ შემეწინააღმდეგოთ, ნუ დამაფიცებინებთ შვილებს და ეს თხოვნა შემისრულეთ, მოძებნეთ ბავშვები, რომლებსაც ახლა ძალიან სჭირდებათ გვერდში დგომა და ეს საჩუქარი გაუკეთეთ მზის გოგონებისგან...
ჰოდა მივხვდი, მზე რომ ანათებს და ათბობს, ისეთი ოჯახია ხოდა ღმერთს ვთხოვ და მზის გოგონებს, ახლა ყველაზე დიდი სასწაული მოახდინონ ნათელმა გაიმარჯვოს ბნელზე!ყველა სიახლეს დავწერ ხოლმე ბავშვებზე! წარმოუდგენლად დიდი მადლობა! უბედნიერესი დავიძინებ, ზუსტად ვიცი რომ არასდროს გამიჭირდება, როდესაც თქვენ არსებობთ, მანამდე კი... მზის გოგონებს გაუმარჯოთ!გაგვინათებენ და გაგვითბობენ დარჩენილ ცხოვრებას!" - წერს ელოშვილი.
წაიკითხეთ ასევე:
მალე გამოჯანმრთელება პატარებს🧡რატომ არ ვითხოვთ მთავრობისგან რომ დააფინანსონ სრულად ასეთი შემთხვევები? როდემდე უნდა იყვნენ ადამიანები მძიმე განსაცდელისას სხვისი ხელის შემყურეები?
უფალო დაიფარე ეს ბავშვები! დედა ღვთისა მიეცი ძალა გამოჯანმრთელების!