რუსეთში, უკრაინასთან საბრძოლველად გაგზავნილი ჩრდილოკორეელი ჯარისკაცები პორნოგრაფიას მიეჯაჭვნენ - რას წერს მედია?
Nypost -ის ინფორმაციით, მას შემდეგ, რაც რუსეთში, უკრაინასთან საბრძოლველად გაგზავნილმა ჩრდილოეთ კორეელმა ჯარისკაცებმა რაც ინტერნეტზე ხელმისაწვდომობა მოიპოვეს, პორნოზე დამოკიდებულები გახდნენ.
“ჩრდილოეთ კორეელი სამხედროებს, რომლებიც უკრაინასთან ომში რუსეთის სახელით იბრძვიან, პირველად აქვთ შეუზღუდავი ინტერნეტით სარგებლობის შესაძლებლობა. მათ შეუძლიათ წარმოუდგენელი რაოდენობის პორნოგრაფიულ კონტენტს უყურონ", - ავრცელებს გამოცემა მოხსენებას. თუმცა იქვე წერს, რომ აღნიშნული ფაქტის დადასტურება პენტაგონის ოფიციალურმა წარმომადგენელმა მათთან ვერ შეძლო.
იმავე მოხსენების თანახმად, მეომრები რამდენიმე დღის წინ პირველად ჩაერთნენ უკრაინასთან ბრძოლაში. თუმცა, სავარაუდოდ, მათ დამოკიდებულებასთან ბრძოლა უწევთ.
“როგორც სანდო წყარო ამბობს, ჩრდილოეთ კორეელ ჯარისკაცებს, რომლებიც რუსეთში იყვნენ განლაგებულნი, მანამდე არასოდეს ჰქონიათ ინტერნეტზე შეუზღუდავი წვდომა. შედეგად, ისინი პორნოგრაფიას უყურებენ“, - წერს Financial Times-ის საგარეო საქმეთა კომენტატორი გედეონ რაჩმანი X-ზე.
შეგახსენებთ, The War Zone- თვის მიცემულ ინტერვიუში, უკრაინის თავდაცვის სამინისტროს დაზვერვის მთავარი სამმართველოს ხელმძღვანელმა კირილ ბუდანოვმა განაცხადა, რომ უკრაინაში ომში მონაწილეობის მისაღებად რუსეთის აღმოსავლეთში მომზადებას გადის დაახლოებით 11 000 ჩრდილოკორეელი ქვეითი. ბრიუსელში ვიზიტისას, უკრაინის პრეზიდენტმა ვოლოდიმირ ზელენსკიმ დაადასტურა ეს ინფორმაცია და განაცხადა, რომ უკრაინის წინააღმდეგ შეიძლება ამოქმედდეს 10 ათასი ჩრდილოკორეელი ჯარისკაცი.
იხილეთ ასევე:
- რაში დასჭირდა რუსეთს ჩრდილო კორეელი ჯარისკაცები, რას ელის ამისგან კიმ ჩენ ინი და როგორ იმოქმედებს სამხრეთ კორეა? - უახლესი ამბები უკრაინის ფრონტიდან
- 1 მილიონზე მეტი აქტიური ჯარისკაცი და 600 000-ზე მეტი რეზერვისტი - რას წარმოადგენს ჩრდილოეთ კორეის არმია (ფოტოები)