“სალომე ზურაბიშვილი სულით და გულით არის “ენჯეოშნიკი“, თუ “ენჯეოშნიცა“ - პრემიერი

“სალომე ზურაბიშვილი მართალია, სულით და გულით არის “ენჯეოშნიკი“, თუ “ენჯეოშნიცა“, არ ვიცი როგორც ჰქვია, მაგრამ თავისი თანამდებობით არის სახელმწიფო პოლიტიკური თანამდებობის პირი. მას აქვს განსხვავებული პასუხისმგებლობა, არ აქვს უფლება ზეპირად ისაუბროს“, - ამის შესახებ პრემიერ-მინისტრმა, ირაკლი კობახიძემ ჟურნალისტებს განუცხადა.

მისი თქმით, დარწმუნებულია, რომ სალომე ზურაბიშვილი ვერ გაბედავს პროკურატურაში მისვლას და უწყებისთვის ინფორმაციის მიწოდებას არჩევნებზე შესაძლო დარღვევებთან დაკავშირებით. ირაკლი კობახიძე აღნიშნავს, რომ სალომე ზურაბიშვილი ასეთ ბრალდებებს ფაქტების გარეშე, “ზეპირად აჟღერებს“.

“რაც შეეხება პროკურატურას, თუ ვინმეს რაიმე მტკიცებულება აქვს, უნდა წარუდგინოს შესაბამის სახელმწიფო უწყებებს. ხედავთ, რომ საჯაროდ ვერავითარი მტკიცებულება ვერ წარადგინეს, ახლა პროკურატურაში მისვლა და მტკიცებულებების წარდგენა მოუწევთ. თუ არ მივლენ, ეს იქნება იმის მტკიცებულება, რომ ისინი არჩევნებთან დაკავშირებით ყალბ განცხადებებს აკეთებდნენ. ერთი საინტერესო დეტალია ასევე, რაც სალომე ზურაბიშვილს უკავშირდება, მის დაბარებაზე იყო საუბარი. ეუთო/ოდირის დასკვნის თანახმად, სალომე ზურაბიშვილი უხეშად არღვევდა საარჩევნო პრინციპებს. იცით, რომ საქართველოში საპარლამენტო მმართველობის სისტემა მოქმედებს. კონსტიტუციის მიხედვით, პრეზიდენტს არ შეუძლია ეკავოს პარტიული თანამდებობა და ის უნდა იყოს ზეპარტიული. არ შეიძლება ის რომელიმე პარტიის ან პარტიების სასარგებლოს საარჩევნო კამპანიაში ერთვებოდეს. სალომე ზურაბიშვილი უხეშად არღვევდა საარჩევნო პრინციპებს, რაც ეუთო/ოდირის დასკვნაში არის ასახული. ახლა არჩევნების დელეგიტიმაციის კამპანიას სათავეში ჩაუყენეს სალომე ზურაბიშვილი, რომელიც თავად უხეშად არღვევდა საარჩევნო პრინციპებს. ასეთ კამპანიას ვერავითარი ფასი და დატვირთვა ვერ ექნება.

კეთილი ინებოს, სალომე ზურაბიშვილი იქნება თუ ნებისმიერი სხვა, თუ რაიმე მტკიცებულება აქვს, წარადგინოს პროკურატურაში, შესაბამის უწყებებში. საუბრობენ ზეპირად ისეთ რამესთან დაკავშირებით, რაც ბუნებაში არ მომხდარა.

შეგახსენებთ, სალომე ზურაბიშვილი მართალია, სულით და გულით არის “ენჯეოშნიკი“, თუ “ენჯოეშნიცა“, არ ვიცი როგორც ჰქვია, მაგრამ თავისი თანამდებობით არის სახელმწიფო პოლიტიკური თანამდებობის პირი. მას აქვს განსხვავებული პასუხისმგებლობა, არ აქვს უფლება ზეპირად ისაუბროს. თუ რაიმე ფაქტი აქვს, ეს ფაქტი უნდა წარადგინოს პროკურატურაში, შესაბამის კონსტიტუციურ ორგანოში. თუმცა, გამომდინარე იქიდან, რომ მას არავითარი ფაქტი არ აქვს, დარწმუნებული ვარ, ის ვერ გაბედავს პროკურატურაში მისვლას და ვერ მისცემს ვერავითარ ინფორმაციას პროკურატურას იმ ბრალდებებთან დაკავშირებით, რომელსაც ზეპირად აჟღერებს“,- განაცხადა კობახიძემ.

• რაც შეეხება საპარლამენტო არჩევნებს, პრემიერის თქმით, “არჩევნები უპრეცედენტო გარე ჩარევის ფონზე წარიმართა“.

როგორც მან ჟურნალისტებს განუცხადა, ამ გარე ჩარევის მიზანი იყო, რადიკალური ოპოზიციის, კოლექტიური “ნაცმოძრაობის” გამარჯვება.

“რაც შეეხება დასავლეთის სახელმწიფოების პოზიციას, თქვენ იცით, რომ ეს არჩევნები უპრეცედენტო გარე ჩარევის ფონზე წარიმართა. ამ გარე ჩარევის მიზანი იყო, რადიკალური ოპოზიციის, კოლექტიური “ნაცმოძრაობის“ გამარჯვება. ახლა კონკრეტულ ძალებს სჭირდებათ გადაწყობა, ამ ახალ რეალობაზე და ეს გადაწყობა აუცილებლად მოხდება.

ამ არჩევნების შემდეგ, უკრაინაში ომის დასრულების შემდეგ, რაც, ვფიქრობ, მოხდება ძალიან მალე, მომავალ წელს, შესაძლოა, ეს მოხდეს იანვარ-თებერვალში, ან რამდენიმე თვის შემდეგ. როგორც კი დასრულდება უკრაინაში ომი, საქართველოსა და ევროკავშირს შორის, საქართველოსა და აშშ-ს შორის ურთიერთობები მაშინვე გადაიტვირთება და ამის შემდეგ უკვე სრულად აღდგება ურთიერთობებში სამართლიანობა”, - განაცხადა ირაკლი კობახიძემ.