დრონით თავდასხმა ჩეჩნეთზე - რას წერს კადიროვი და რა ინფორმაცია ვრცელდება "ტელეგრამზე"
ჩეჩნეთის ლიდერის, რამზან კადიროვის ცნობით, 29 ოქტომბერს, გამთენიას, 6:30 საათზე დრონით თავდასხმა განხორციელდა გუდერმესზე, რომელიც ჩეჩნეთში გროზნოს შემდეგ, სიდიდით მეორე ქალაქია.
"თავდასხმის შედეგად რუსეთის სპეცდანიშნულების უნივერსიტეტის ტერიტორიაზე მდებარე ცარიელი შენობის სახურავს ცეცხლი გაუჩნდა. მსხვერპლი და დაშავებულები არ არიან. ხანძარი ლიკვიდირებულია.
მომხდარს საგამოძიებო უწყებები იძიებენ და დანაშაულში მონაწილე პირების ვინაობას ადგენენ", - წერს კადიროვი "ტელეგრამის" არხზე.
როგორც ტელეგრამ არხი Mash წერს, თავდასხმა განხორციელდა უკრაინული უპილოტო საფრენი აპარატით.
"ეს არის დრონით პირველი თავდასხმა ჩეჩნეთზე":, - წერს Mash.