უსკო-ს წინასწარი მონაცემები ცნობილია: აჭარაში "ქართული ოცნება" 56.66%-ით ლიდერობს - "დღეს ვარ უბედნიერესი ადამიანი"

აჭარის ავტონომიურ რესპუბლიკაში 251 ელექტრონული უბნიდან, ამ დროისთვის, დათვლილია 242 უბნის მონაცემები , - ამის შესახებ უმაღლესი საარჩევნო კომისიის თავმჯდომარემ უსკო-ს თავმჯდომარე პარმენ ჯალაღონიამ ბრიფინგზე განაცხადა.

• მისი ინფორმაციით, „ქართული ოცნება” 56.66%-ით ლიდერობს. „კოალიცია ცვლილებებისთვის გვარამია, მელია, გირჩი, დროამ”- 8.68% მიიღო; „ერთიანობა ნაციონალური მოძრაობა”- 14.03%; „ძლიერი საქართველო ლელო ხალხისთვის, თავისუფლებისთვის”- 6.26%; ,,გახარია საქართველოსთვის”- 8.92%.

"აჭარის ავტონომიურ რესპუბლიკაში 317 საარჩევნო უბანზე რეგისტრირებული 317 119 ამომრჩევლიდან კენჭისყრაში მონაწილეობა მიიღო 197 814 ამომრჩეველმა, რაც ამომრჩეველთა საერთო რაოდენობის 62.38%-ია. 251 ელექტრონული უბნიდან ამ დროისთვის დათვლილია 242 უბანი.

"ქართული ოცნების“ ბათუმის საარჩევნო შტაბის უფროსი, ირაკლი ჭეიშვილი სოციალურ ქსელში პოსტს აქვეყნებს და ამომრჩეველს მადლობას უხდის:

"დღეს ვარ უბედნიერესი ადამიანი. მე ვინც მიცნობს, იცის თუ რას ნიშნავს ჩემთვის არჩევნებში გამარჯვება და თან როგორი გამარჯვება. ამდენი შრომას ფუჭად არ ჩაუვლია. მადლობა ყველას ვინც ქართულ ოცნებას მხარი დაუჭირა. მადლობა ბათუმს და ბათუმელებს" - წერს ჭეიშვილი.

ნახეთ ასევე:

• ვინ როგორ შეხვდა ეგზიტპოლის შედეგებს - მმართველი პარტიის მიმართვა სცენიდან და ოპოზიციის ემოციები (ფოტო/ვიდეო)