როგორ ეხმაურება ჯინ შაჰინი "ატლანტიკური საბჭოს" თანამშრომლების სახლებში ჩხრეკის ფაქტს - "...იმედია, საქართველოს მთავრობა გადახედავს ამ კონკრეტულ ცნობებს"

ვროპისა და რეგიონული უსაფრთხოების თანამშრომლობის საკითხებში აშშ-ის სენატის საგარეო ურთიერთობათა ქვეკომიტეტის თავმჯდომარე, ჯინ შაჰინი "ატლანტიკური საბჭოს" თანამშრომლების, ეთო ბუზიაშვილისა და სოფო გელავას სახლებში ჩხრეკის ჩატარებას ეხმაურება და აცხადებს, რომ ჩხრეკამ გამოიწვია შეშფოთება იმასთან დაკავშირებით, შეუძლია თუ არა საქართველოს თავისუფალი და სამართლიანი არჩევნები ჩაატაროს.

"ქართველ ხალხს და მის სამოქალაქო საზოგადოებას აქვს უფლება, მოუსმინონ და პატივი სცენ მათ ხმას - ეს არის ნებისმიერი ჯანსაღი დემოკრატიული სისტემის ცენტრალური პრინციპი. იმედი მაქვს, რომ საქართველოს მთავრობა გადახედავს ამ კონკრეტულ ცნობებს და მათ სერიოზულად მოეკიდება", - აღნიშნულია სენატორის განცხადებაში, რომელიც მან გამოცემა The Hill-ს გაუგზავნა.

შეგახსენებთ, გუშინ ფინანსთა სამინისტროს საგამოძიებო სამსახურმა „ატლანტიკური საბჭოს“ თანამშრომლების, ეთო ბუზიაშვილისა და სოფო გელავას საცხოვრებელ სახლებში ჩხრეკა ჩაატარა.

წაიკითხეთ ასევე:

• "ეს ხდება არჩევნებამდე 3 დღით ადრე, რაც ძალიან ბევრ კითხვებს ბადებს" - რას ამბობს Atlantic Council-ის თანამშრომელი, რომლის სახლშიც ჩხრეკა ჩატარდა?
• "არჩევნებამდე 2 დღით ადრე ვიღაც სიგნალს იძლევა, რომ..." - რას წერს იან კელი დღეს ჩატარებულ საგამოძიებო მოქმედებებსა და პირებზე, ვის სახლშიც ჩხრეკა ჩატარდა