დიანა ღურწკაიას ქმრის საფლავზე სასახლის მსგავსი ძეგლი გამოჩნდა - რას წერს რუსული მედია?
გასულ წელს, დიანა ღურწკაიამ საშინელი ტრაგედია გადაიტანა - მოულოდნელად გარდაიცვალა მისი ქმარი, პიოტრ კუჩერენკო, რომელიც მხოლოდ 46 წლის იყო. ის 2023 წლის 24 მაისს, მოსკოვში, ტროეკუროვსკის სასაფლაოზე დაკრძალეს. იმ დღეს დიანა მეუღლესთან გამოსამშვიდობებლად რამდენიმე ასეულ ადამიანთან ერთად მივიდა, მათ შორის იყვნენ ოჯახის წევრები, კოლეგები და მეგობრები.
"მიუხედავად იმისა, რომ დაკრძალვიდან ერთ წელზე მეტი გავიდა, სასაფლაოზე სამუშაოები კვლავ გრძელდება. ამჟამად გარდაცვლილის საფლავზე უზარმაზარი ძვირადღირებული სვეტებიანი ძეგლი დგას, რომელიც სასახლეს მოგაგონებთ", - წერს რუსული მედია.
პეტრე კუჩერენკო ტროეკუროვსკის სასაფლაოს 34-ე მონაკვეთზეა დაკრძალული.ეს მასშტაბური მონუმენტი სხვა საფლავების ფონზე ძალიან გამოირჩევა. ძეგლის გარშემო სხვადასხვა ზომის დეკორატიულ ჭურჭელში ყვავილებია მოთავსებული. აშკარაა, რომ კუჩერენკოს საფლავს ოჯახი განსაკუთრებულად უვლის.
პიოტრ კუჩერენკო 2020 წლის 30 მარტიდან მეცნიერებისა და უმაღლესი განათლების მინისტრის მოადგილის პოსტს იკავებდა.
შეგახსენებთ, რომ 20 მაისის საღამოს, კუბიდან მივლინებიდან დაბრუნებისას, კაცმა ფრენის დროს თავი ცუდად იგრძნო. მიუხედავად იმისა, რომ რეისი დროზე ადრე, სხვა აეროპორტში დაეშვა და ექიმები ბორტზე ავიდნენ, მისი გადარჩენა ვერ შეძლეს.
დიანამ მეუღლის დაკარგვა მძიმედ გადაიტანა. წყვილმა თითქმის ოცი წელი იცხოვრა ერთად. ტრაგედიის შემდეგ, გარკვეული პერიოდი მომღერალმა უარი თქვა სცენაზე, მოგვიანებით კი საკუთარ ბლოგზე დაწერა:
"არასდროს შევეგუები, რომ აღარ იქნება ჩვენი დილის საუბრები სამზარეულოში, მოულოდნელი თაიგულები, მიზეზის გარეშე... ყოველ დღე გიხდი მადლობას იმ ბედნიერებისთვის, რომელიც მაჩუქე, ჩვენი შვილისთვის. ყოველთვის მეყვარები. ყოველთვის. და ზუსტად ვიცი, რომ სადღაც სიჩუმეში შენი ხმა ჯერ კიდევ ისმის...“
წაიკითხეთ ასევე: