“რატომ აწყობდნენ სამარცხვინო ცირკს და ატყუებდნენ ქართულ საზოგადოებას ამ მანიპულატორი ნარცისის გამო“ - თამარ ჩერგოლეიშვილი სააკაშვილზე

“2 წელი პოლიტიკური სპექტრი საზოგადოებას ატყუებდა რომ სააკაშვილი მოწამლეს და კვდება.

ორი წლის განმავლობაში, ყველა ეთერიდან, ჟურნალისტები და პოლიტიკოსები, ერთ ხმაში გვაბრალებდნენ, რომ "სააკაშვილს ვკლავთ". ახლა ეგ "მომაკვდავი" საქართველოს ევროპულ მომავალს უქმნის საფრთხეს, შეთანხმებულ ქარტიას შლის, რომ მომავალი პრემიერობა არავის დაუთმოს - "ხალხი გადაწყვეტს" - "მე ვიქნები" - ს ევფემიზმია,“ - ამის შესახებ პარტია “ფედერალისტების“ დამფუძნებელი თამარ ჩერგოლეიშვილი წერს.

მისი თქმით, მიხეილ სააკაშვილი და მისი გარემოცვა საზოგადოებას წლების განმავლობაში ატყუებს.

“დათვი არ მოუკლავს და ტყავს ინაწილებს - ეროვნულ ამოცანას აზიანებს და მისი ხელიდან მარცხისთვის გვწირავს.

თუ თვითონ არ იქნება, ქვა ქვაზე ნუ დარჩება. არცერთ ოპო ტელეჟურნალისტს კითხვა არ დაუსვამს ნაცმოძრაობისთვის და გვარამიასთვის, რატომ აწყობდნენ ამ სამარცხვინო ცირკს და რატომ ატყუებდნენ, შეურაცხყოფდნენ და ადანაშაულებდნენ ქართულ საზოგადოებას ამ მანიპულატორი ნარცისის გამო.

და აი ამ დუმილის ფონზე, ეს ანტიჟურნალისტები, იაგოსთან და გახარიასთან უნიჭო ძიძგილაობას ასაღებენ ჟურნალისტიკად და ბაბლში საღდება ეს “ალიექსპრესის ტავარი“.

თავისუფლების დაცვა ღირსეულ ხალხს შეუძლია,“ - წერს თამარ ჩერგოლეიშვილი.

იხილეთ ასევე:

• "მიშამ გაიგო ჭორი, რომ გვარამიას ფულს გილაური აძლევს, ისიც გაიგო, რომ გვარამიას ბევრი გარე ბანერი აქვს"- რას წერს ჩერგოლეიშვილი