"ჩვენი მიზანია მთის რეგიონებში მცხოვრებ ახალგაზრდებს თანამედროვე ტექნოლოგიებსა და ლიტერატურაზე ჰქონდეთ წვდომა" – "ნიკორა ჯგუფი" განათლების მხარდასაჭერად

„ნიკორა ჯგუფი“ რამდენიმე წელია მაღალმთიანი რეგიონების სკოლებსა და მოსწავლეებს ეხმარება. კორპორაციული სოციალური პასუხისმგებლობის ფარგლებში განათლების მხარდაჭერა კომპანიის ერთ-ერთი ძირითადი მიმართულებაა. „ნიკორა ჯგუფი“ სკოლების შესარჩევად განათლების სამინისტროსთან თანამშრომლობს და სწორედ მათი დახმარებით დგება იმ სკოლების სია, რომლებსაც თანადგომა სჭირდებათ. სკოლებს საჩუქრად გადაეცემა კომპიუტერები და წიგნები სასკოლო ბიბლიოთეკისთვის. პირველიდან მერვე კლასამდე მოსწავლეები კი პირადი სასკოლო ნივთებით საჩუქრდებიან.

როგორც „ნიკორა ჯგუფის“ მარკეტინგის დეპარტამენტის დირექტორი ნონა ძნელაძე განმარტავს, ეს პროექტი უკვე რამდენიმე წელია, რაც ხორციელდება და სკოლების დახმარება სამომავლოდაც გაგრძელდება.

· როგორ გაჩნდა პროექტის განხორციელების იდეა? ზოგადად, რატომ გადაწყვიტეთ, რომ სოციალური პასუხისმგებლობის ფარგლებში მთის რეგიონალურ სკოლებს დახმარებოდით?

განათლების მხარდაჭერა „ნიკორა ჯგუფის“ კორპორაციული სოციალური პასუხისმგებლობის სტრატეგიის ერთ-ერთი ძირითადი მიმართულებაა. ჩვენ გაცნობიერებული გვაქვს ჩვენი წილი სოციალური პასუხისმგებლობა ქვეყნის წინაშე. კარგად გვესმის იმ გამოწვევების, რომელიც საზოგადოებას აქვს ამ მიმართულებით და განსაკუთრებით მთის რეგიონალურ სკოლებს. რეგიონალური სკოლები ნამდვილად საჭიროებენ თანადგომას. ჩვენი მიზანია, მთის რეგიონებში მცხოვრებ ახალგაზრდებს თანამედროვე ტექნოლოგიებსა და ლიტერატურაზე ჰქონდეთ წვდომა. მათი განათლების მიღების შესაძლებლობები არ უნდა ჩამორჩებოდეს ქალაქში მცხოვრები მოსწავლეების შესაძლებლობებს. ამიტომ „ნიკორა ჯგუფი“ განათლების მხარდამჭერი“ პროექტის ფარგლებში, ვახორციელებთ მთის რეგიონალური სკოლების დახმარების პროგრამას, რაც ვფიქრობთ, მომავალ თაობას უკეთესი მომავლის შექმნაში ეხმარება.

· როგორ ხდება მონაწილე სკოლების შერჩევა?

წლებია, რაც ვთანამშრომლობთ განათლების სამინისტროსთან და სწორედ მათი დახმარებით დგება იმ სკოლების სია, რომლებიც საჭიროებენ თანადგომას. დახმარება მოიცავს კომპიუტერების, სასკოლო ბიბლიოთეკის, პირველიდან მერვე კლასის ჩათვლით მოსწავლეებისთვის სასკოლო ნივთების შეძენას.

პირველ ეტაპზე, როდესაც ეს პროექტი დავიწყეთ და სკოლის დირექტორებს ვატყობინებდით სტუმრობის შესახებ არც კი სჯეროდათ. ხშირად გაგვიგია ფრაზა მათთგან, რომ პირველად ხდება მსგავსი რამ მათ სკოლაში. საოცრად ემოციურია, როდესაც სტუმრობისას ვხედავთ პედაგოგების, მოსწავლეების დამოკიდებულებას. როგორ უხარიათ, როგორ გამოხატავენ მადლიერებას. ეს კი ჩვენთვისაც კიდევ უფრო მეტი სტიმულის მომცემია.

ამ დროისთვის რამდენ და რომელ სკოლებს დაეხმარეთ? ჯამში რამდენ მოსწავლეს გადაეცა პირადი საჩუქრები?

საქართველოს ძალიან ბევრ მაღალმთიან რეგიონს ვესტუმრეთ და არაერთი სკოლა მოვიარეთ. კერძოდ, სოფელი ვახანი (ხარაგაული), წესი (რაჭა), ზოტი (გურია), მცხეთა-თიანეთი, ნაკრი (მესტია), დაბა ფასანაური, საყდრიონი (წალკა), საციხური (ხულო), ითხვისი (ჭიათურა), სპასოვკა (ნინოწმინდა), გომარეთი (დმანისი), წინწყარო (თეთრიწყარო), დარბაზი (ბოლნისი). რამდენიმე დღეში მივდივართ ახმეტის მუნიციპალიტეტის სოფელ საკობიანოს საჯარო სკოლაში. ჯამში 1500–ზე მეტ მოსწავლეს დავეხმარეთ.

· სკოლებში სტუმრობამდე, წინასწარ იკვლევთ მათ საჭიროებებს? რა პრინციპით ხდება საჩუქრების შერჩევა?

აღმოჩნდა, რომ მაღალმთიან რეგიონალურ სკოლებს ყველაზე მეტად კომპიუტერებისა და ბიბლიოთეკის ნაკლებობა აქვთ. ამიტომ დახმარებას ამ მიმართულებით მივმართავთ. ჩვენს მიერ სკოლებისთვის შეძენილი ტექნიკა სკოლის აღსაზრდელებს საშუალებას აძლევს გაიუმჯობესონ საოფისე პროგრამების მოხმარების წესები, გამოიყენონ სხვადასხვა პროექტების პრეზენტაციისთვის. შესაძლებლობა ეძლევათ გაეცნონ, როგორც კლასიკოსების ასევე თანამედროვე მწერლების ნაწარმოებს. რაც შეეხება ინდივიდუალურ საჩუქრებს, ეს დგება ზოგადად მოსწავლის საჭიროებიდან: რვეულები, ფლომასტერები, ფანქრები, აკვარელი, სახატავი რვეული, სახაზავი, საშლელი და ა.შ.

· როგორია თქვენი სამომავლო გეგმები ამ მიმართულებით?

2022 წელს დაიწყო ეს პროგრამა და განგრძობადია. შევეცდებით კიდევ უფრო მეტი სკოლა მოვიცვათ და დავეხმაროთ, რადგან მთის რეგიონალურ სკოლებს დახმარება ჯერ კიდევ სჭირდებათ. ასევე, გვსურს გარკვეული უკუკავშირი გვქონდეს იმ სკოლებთან, სადაც ვიყავით და ამ მიმართულებითაც ვმუშაობთ.

ასევე გაგრძელდება სხვა პროექტები, რომელსაც „ნიკორა ჯგუფი“ განათლების მხარდასაჭერად ახორციელებს.

· მოგვიყევით თქვენი სხვა პროექტების შესახებაც, რომელთა ფარგლებშიც „ნიკორა ჯგუფი“ ახალგაზრდების მხარდაჭერას ახორციელებს

2018 წელს გაფორმდა მემორანდუმი „ნიკორა ჯგუფსა“ და აგრარულ უნივერსიტეტს შორის, რომელიც ითვალისწინებს ტექნოლოგიის ფაკულტეტის წარჩინებული სტუდენტებისთვის სტიპენდიების დანიშვნასა და საწარმოო პრაქტიკას. ჩვენი მიზანია ხელი შევუწყოთ სფეროს განვითარებას, კვების ტექნოლოგიის პროფესიის პოპულარიზაციას, ტექნოლოგების პროფესიონალებად ჩამოყალიბებას.

დღემდე, არაერთი სტუდენტი გახდა „ნიკორა ჯგუფის“ სტიპენდიატი. გარდა მატერიალური დაინტერესებისა უმნიშვნელოვანესია ის, რომ მათ შეუძლიათ ცოდნის გაღრმავება, „ნიკორა ჯგუფის“ სხვადასხვა საწარმოში სტაჟირების გავლა, პრაქტიკოსი ტექნოლოგებიდან მოისმინონ, როგორც საწარმოო პროცესების შესახებ, ასევე გაეცნონ სხვადასხვა პროდუქციის დამზადების ეტაპებს. რამდენიმე ჩვენი სტიპენდიატი ადგილზევე დასაქმდა და კარიერული წინსვლის საშუალებაც გაუჩნდათ.

ზოგადად, რამდენად აქტიურად არის ჩართული „ნიკორა ჯგუფში“ სოციალური პასუხისმგებლობის პროექტებში? რატომ არის ეს თქვენთვის მნიშვნელოვანი?

კორპორაციული სოციალური პასუხისმგებლობა ბიზნესის ნებაყოფლობითი არჩევანია. წლებია, რაც ის “ნიკორა ჯგუფის” კორპორაციული კულტურის განუყოფელი ნაწილია. ჩვენ ვაცნობიერებთ ჩვენს პასუხისმგებლობას ქვეყნის წინაშე და “ნიკორა ჯგუფი“, როგორც წარმატებული, ძლიერი ბიზნესოპერატორი, ორიენტირებულია თავისი წვლილი შეიტანოს ქვეყნის განვითარებაში. ამიტომ ვახორციელებთ პროექტებს, რომლებიც ვფიქრობთ, გარკვეულ კვალს დატოვებს და დაგვეხმარება იმ გარემოს გაუმჯობესებაში, რომელშიც ვოპერირებთ.

NS