18
მაისიდღის ზოგადი ასტროლოგიური პროგნოზი
ბათუმის საქალაქო სასამართლომ 2000-ლარიანი გირაო შეუფარდა ბათუმის მოსწავლე ახალგაზრდობის სასახლის ცეკვის მასწავლებელს, რომელმაც 12 წლის მოზარდი სცემა. კადრები "ბათუმელებმა" გაავრცელა. მათი ინფორმაციით, ერთი გაკვეთილის განმავლობაში მასწავლებელმა ბავშვზე არაერთხელ იძალადა, როგორც ფიზიკურად, ისე ფსიქოლოგიურად და ფაქტს სხვა ბავშვებიც ესწრებოდნენ.
- მასწავლებელი, რომლის კადრებმა დილიდან სოციალური ქსელები მოიცვა, მერაბ დოლიძეა. მას ცეკვის მასწავლებლად მუშაობის 25-წლიანი გამოცდილება აქვს. ის სამსახურიდან უკვე გაათავისუფლეს.
თამარ მესხიძე, ბათუმის მოსწავლე-ახალგაზრდობის სასახლის დირექტორი:
- ვადასტურებ, რომ სამწუხარო ფაქტი მოხდა. მერაბ დოლიძე 2001 წლიდან მუშაობს ქორეოგრაფად, მე 2013 წლიდან დირექტორი ვარ და მსგავსი ფაქტის არც მომსწრე გავმხდარვარ, არც ზეპირი და წერილობითი განცხადებით მოუმართავს ვინმეს ამ ადამიანზე. მერაბი ძალიან დადებითი ადამიანია, ჩვენ კარგი მეგობრები ვიყავით. საერთოდ, ჩვენთან ოჯახური გარემოა, ამ ფაქტამდე მერაბზე უარყოფითის თქმა არ შემიძლია. ქორეოგრაფებს რომ სჩვევიათ ხმის აწევა, მერაბი პირიქით, ყოველთვის ძალზე მოკრძალებული, ქალის, ბავშვის და ზოგადად ადამიანის პატივისმცემელი იყო. ცეკვის დარბაზი ჩემი კაბინეტის გვერდითაა და იმდენად მიყვარს ქართული ცეკვა, ხელოვნება (მე თვითონ ქორეოგრაფ მოღვაწეთა შემოქმედებითი კავშირის საპატიო წევრი ვარ), ამ მიმართულებისადმი დიდი ინტერესი მაქვს და ხშირად ვესწრებოდი რეპეტიციებს. ყოველთვის გაოცებული ვიყავი, ბავშვებს ისე უყვართ, რეპეტიციები ჩახუტების გარეშე არ სრულდებოდა, ასე ემშვიდობებოდნენ მასწავლებელს.
- რა გახდა მომხდარის მოტივი?
- ეს მოხდა 10 სექტემბერს. იმ საღამოს, სტუმრები მყავდა თბილისიდან და 6 საათის მერე წავედი (ზოგადად, 9-მდე ვარ). იმ დღეს ინციდენტის შესახებ არაფერი გამიგია. პოლიცია 7-ის მერე მისულა. მეორე დღეს მივიღე ინფორმაცია, რომ სასწრაფო წესით უნდა მივსულიყავი, პატრული იყო გამოძახებული. ადგილზე მშობელი დამხვდა, რომელმაც იჩივლა და მას გამოუძახებია პოლიცია. ვთხოვე, დამლაპარაკებოდა, მაგრამ არ შემომყვა შენობაში, ანუ ჩემთან არანაირი განცხადება არ გააკეთა და პირდაპირ დაურეკა სამართალდამცველებს. როცა ისინი მოვიდნენ, ერთად ამოვიღეთ და ვნახეთ ძალადობის კადრები. მასწავლებელი ამბობდა, დავსაჯე ბავშვი და მშობელმა უშვერი სიტყვებით მომმართაო. ფაქტია, კამერების ამონაწერი მქონდა და ზედმეტი შეკითხვა არ დამისვამს, როგორც კი ჩანაწერი გავხსენით, მყისიერად მივიღე მისი გათავისუფლების გადაწყვეტილება. როგორც თავად მერაბ დოლიძე ამბობდა, ეს ბავშვი სხვაზე ძალადობდა და ამან გააღიზიანა.
- და ასეთი ფორმით მოაგვარა პრობლემა? ბავშვს დაზიანებები ჰქონდა?
- ფაქტია, მკაცრად დასაჯა. ბავშვი 11 წლისაა, მას, როგორც ასეთი, სხეულზე დაზიანებები არ აქვს. სკოლიდან მაქვს ინფორმაცია, რომ ბავშვი დადიოდა გაკვეთილებზე, სულ ვკითხულობდი მის მდგომარეობას.
- ქორეოგრაფს ორი საჩივარი შეუტანია - დედის და მამიდის გარდა, თქვენთანაც აქვს პრეტენზია...
- ჩივის იმიტომ, რომ ბავშვის დედა და მამიდა რეპეტიციაზე შესულან და შეურაცხყოფა მიუყენებიათ (ამის კადრები არ გავრცელებულა) - ქალბატონები შედიან და ქორეოგრაფს განმარტებას სთხოვენ, ძალზე არასასიამოვნო კადრებია... ჩივის იმასთან დაკავშირებით, რომ მათ გამო ბავშვებმა რეპეტიციაზე სტრესი მიიღეს. მეორე საჩივარი ჩემს გადაწყვეტილებას ეხება, მისი ადვოკატი გათავისუფლების გადაწყვეტილებას ასაჩივრებს. მერაბის მეუღლე მოვიდა და მითხრა, ვასაჩივრებთ, ადვოკატმა გვირჩიაო. მზად ვარ ყველაფრისთვის, ვინაიდან ვფიქრობ, სწორი გადაწყვეტილება მივიღე. მას ვურჩიე, ადვოკატი გამოეცვალათ, საქმე არასწორი მიმართულებით მიჰყავს-მეთქი, მხოლოდ ეს ვუთხარი. როცა გავიგე, მეორე მხარეს უჩიოდა, ეს ქმედებაც არასწორია. ჩემს გადაწყვეტილებას როცა ასაჩივრებს, ალბათ ამართლებს მის საქციელს, არ ვიცი, მე მასთან ამაზე საუბარი არ მქონია.
- გავრცელდა ინფორმაცია, რომ დაზარალებული ოპოზიციონერის შვილია, ამ ფაქტს მომხდართან რა კავშირი აქვს?
- ბავშვის მამა ბატონი გოჩა ხულოს მერი იყო და მას შემდეგ არ ვიცი, სად წავიდა. მე ჩემი საქმე მაქვს და პოლიტიკასთან არ მაქვს კავშირი, ასე რომ, მართლა არ ვიცოდი, მისი პოლიტიკური მოღვაწეობის შესახებ. ფაქტი ისაა, რომ მოხდა ცუდი ამბავი, ვგმობ ყოველგვარ ძალადობას, რაც არასდროს ყოფილა ჩვენთან - სასახლე არსებობის 75 წელს ითვლის და ამ შენობაში მსგავსი არაფერი მომხდარა, პირიქით, ეს სიყვარულის და სითბოს ადგილია, სადაც ბავშვები სიხარულით მოდიან, ვერავინ იტყვის, რომ მსგავსი რამ ხშირად ხდებოდა და ბავშვებს თბილი გარემო არ ხვდებოდათ. რა მოხდა ამ კონკრეტულ შემთხვევაში, ვერ გეტყვით, თუმცა სახელდება ის ფაქტი, რომ ერთი ბავშვი ძალადობდა მეორეზე და ამან გააღიზიანა მასწავლებელი.
წაიკითხეთ ასევე:
ასეთი სცენის შემდეგ, ბავშვისახლობელი ქალები შევიდოდნენ დარბაზში, აბა რა იქნებოდა და არ მისცემდნენ გაკვეთილის ჩატარების საშუალებას...ძალიან ამაზრზენი იყო ეს ვიდეო
ბათუმში მგონია რომ წესრიგი დარღვეულია აბსოლიტურად ყველა სფეროში!!! არა მოძრაობის წესები, არა ქუჩური წესრიგი! ბავშვებს ურტყავდნენ და ეს ხალხი ვიღაც პედპფილ მასწავლებელს უდგებოდეს გვერდით?! ბათუმი! სირცხვილში იწვებით!!!!