კიმ ჩენ ინი ბირთვული იარაღის გამოყენებით იმუქრება
ჩრდილოეთ კორეის ლიდერი კიმ ჩენ ინი აცხადებს, რომ "პროვოცირების" შემთხვევაში, სამხრეთ კორეის წინააღმდეგ ბირთვულ იარაღს გამოიყენებს.
ოთხშაბათს ქვეყნის დასავლეთ ნაწილში არმიის ბაზაზე ვიზიტისას კიმმა თქვა, რომ თუ სამხრეთი ჩრდილოეთის სუვერენიტეტს შელახავდა, ფხენიანი "უყოყმანოდ გამოიყენებდა ყველა ძალას, რომელსაც ფლობს, მათ შორის ბირთვულ იარაღს“.
მან მწვავედ გააკრიტიკა სამხრეთ კორეის პრეზიდენტი, რომელმაც რამდენიმე დღის წინ ჩრდილოეთ კორეის რეჟიმის შეცვლის აუცილებლობაზე ისაუბრა. "თუ ასეთ ვითარებაში აღმოვჩნდით, სეულისა და კორეის რესპუბლიკის [სამხრეთ კორეის ოფიციალური სახელწოდება] მუდმივი არსებობა შეუძლებელი იქნება“, - განაცხადა კიმ ჩენ ინმა.
ამ განცხადებას სამხრეთ კორეის ლიდერიც გამოეხმაურა:
"თუ ჩრდილოეთ კორეა შეეცდება გამოიყენოს ბირთვული იარაღი, ის წააწყდება ჩვენი სამხედროების და SK-აშშ-ის ალიანსის მტკიცე და აბსოლუტურ პასუხს“, - თქვა იუნმა შეერთებული შტატების, როგორც ქვეყნის მთავარი სამხედრო პარტნიორის შესახებ და დაამატა:
”ჩრდილოეთ კორეის რეჟიმი უნდა გათავისუფლდეს იმ ილუზიისგან, რომ ბირთვული იარაღი დაიცავს.”