სკანდალი უკრაინაში: ორი ჩინოვნიკის ბინიდან 6 მლნ დოლარია ამოღებული - ჩხრეკისას ბრალდებულებმა 500 000 დოლარით სავსე ტომრები ფანჯრიდან გადაყარეს (ვიდეო)

სამართალდამცავებმა ხმელნიცკის სამედიცინო და სოციალური ექსპერტიზის რეგიონალური ცენტრის (MSEC) ხელმძღვანელის და მისი ვაჟის ბინიდან უკანონოდ მოპოვებული 6 მილიონი დოლარი ნაღდი ფული ამოიღეს, რომელსაც ოჯახი სხვადასხვა ვალუტაში, თითქმის ყველა კუთხე -კუნჭულში მალავდა.

MSEC-ის სახლში აღმოაჩნდა ყალბი სამედიცინო დოკუმენტაცია, სიები სახელებით და ფიქტიური დიაგნოზით, რაც წვევამდელებს სამხედრო სამსახურის თავის არიდების საშუალებას აძლევდა. გარდა ამისა, მის კაბინეტში 100 ათასი დოლარიც აღმოაჩინეს.

ბრალდებულის ვაჟის სახლში კი, რომელსაც სახელმწიფო საპენსიო ფონდის უფროსის თანამდებობა უკავია, მათ აღმოაჩინეს 5 მილიონ 244 ათასი დოლარი, 300 ათასი ევრო და 5 მილიონზე მეტი გრივნა.

• ჩხრეკის დროს თანამდებობის პირმა 500 ათასი დოლარით სავსე ორი ტომარა ფანჯრიდან გადაყარა.

ჩხრეკისას სამართალდამცველებმა ძვირფასი ნივთებიც ამოიღეს.

“სამართალდამცავებმა ბინაში ფული თითქმის ყველა კუთხეში იპოვეს - კარადებში, უჯრებში. ასევე ამოიღეს დოკუმენტები, რომლებიც ადასტურებენ თანამდებობის პირთა უკანონო საქმიანობას და მათი ფულის გათეთრებას სხვადასხვა ბიზნესპროექტების მეშვეობით“, - აცხადებს უკრაინის უსაფრთხოების სამსახური.

გარდა ამისა, აღმოჩნდა, რომ ოჯახი საკმაოდ დიდ ქონებას ფლობს.

“ისინი ფლობენ 30 უძრავ ქონებას ხმელნიცკში, ლვოვსა და კიევში, 9 ძვირად ღირებულ მანქანას, სასტუმრო-რესტორნის კომპლექსს თითქმის ხმელნიცკის ერთ-ერთ პარკში, აქვთ უძრავი ქონება ავსტრიაში, ესპანეთსა და თურქეთში. ოჯახს აქვს თითქმის 2,3 მილიონი აშშ დოლარი უცხოური ვალუტის ანგარიშებზე“, - ნათქვამია მოხსენებაში.

დადგინდა, რომ მათ აღნიშნული ქონება დეკლარაციაში არ ჰქონდათ შეტანილი.

მანამდე გავრცელდა ინფორმაცია, რომ უკრაინის უსაფრთხოების სამსახურმა დააკავა ბიზნესმენები, რომლებმაც 40 მილიონზე მეტი გრივნა გამოიმუშავეს ჯარისკაცებისგან. ჩხრეკისას აღმოაჩინეს 1000-ზე მეტი სამედიცინო ცნობა, სამხედრო აღრიცხვის დოკუმენტი და 250 ბეჭედი.

წყარო