მნიშვნელოვანი ინფორმაცია
16
მაისიდღის ზოგადი ასტროლოგიური პროგნოზი
პარასკევი, მთვარის მეცხრამეტე დღე დაიწყება 02:31-ზე, მთვარე თხის რქაშია
საშიში დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ დღეს, გადადეთ ნიშნობაც. განქორწინებაც კი სხვა დღეს დანიშნეთ. გაუფრთხილდით სახსრებსა და ხერხემალს, არ ამოიღოთ კბილი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ისრაელმა სამხრეთ ლიბანზე სახმელეთო შეტევა დაიწყო - როგორია "ომის შემდგომი ფაზა"?
18:51 / 01-10-2024
ისრაელმა ლიბანში სახმელეთო ოპერაცია დაიწყო. ისრაელის თქმით, ეს ომის "შემდგომი ფაზაა". ჰეზბოლას სპიკერმა მოჰამედ აფიფმა გავრცელებული ინფორმაცია უარყო და განაცხადა, რომ ისრაელის ჯარები ლიბანის ტერიტორიაზე არ იმყოფებიან.
ისრაელმა ბოლო დღეებში გააძლიერა საჰაერო თავდასხმები, რის შედეგადაც ასობით ადამიანი დაიღუპა. პარასკევს საჰაერო თავდასხმისას მოკლა "ჰეზბოლას" ლიდერი ჰასან ნასრალა.
"პოლიტიკური ეშელონის გადაწყვეტილებით, რამდენიმე საათის წინ, ისრაელის თავდაცვის ძალებმა დაიწყო შეზღუდული, ლოკალიზებული და წერტილოვანი სახმელეთო იერიშები სამხრეთ ლიბანში „ჰეზბოლას" ტერორისტული ობიექტებისა და ინფრასტრუქტურის წინააღმდეგ ზუსტი დაზვერვის საფუძველზე", - აღნიშნულია ისრაელის თავდაცვის ძალების განცხადებაში.
ჯერჯერობით გაურკვეველია შეჭრის მასშტაბი, ისრაელის ოფიციალურ პირები არ ამბობენ, თუ რამდენ ხანს გაგრძელდება ოპერაცია. ისრაელის უშიშროების ოფიციალურმა წარმომადგენელმა ჟურნალისტებთან საუბრისას განაცხადა, რომ ოპერაცია არ წარმოადგენს თავდასხმას და მას "ლოკალიზებული დარბევა" უწოდა.
მიუხედავად იმისა, რომ ლიბანის შიგნით ისრაელის სამხედრო გეგმები გაურკვეველია, პრემიერ მინისტრი ბენიამინ ნეთანიაჰუ სულ უფრო მეტად ეწინააღმდეგება საერთაშორისო მოწოდებებს თავშეკავებისა და დეესკალაციის შესახებ
- რა მოხდა შეტევის წინ?
ისრაელის მედიის ცნობით, შეჭრამდე ცოტა ხნით ადრე, ისრაელის ეროვნული უსაფრთხოების კაბინეტმა "ჰეზბოლასთან" ომის "შემდეგი ეტაპი" დაამტკიცა.
მომზადების მიზნით, ისრაელის არმიამ წამოიწყო მცირე რეიდები და საარტილერიო ცეცხლი ლიბანის საზღვრის გასწვრივ, დაკეტა რამდენიმე თემი ჩრდილოეთ ისრაელში და შეზღუდა მშვიდობიანი მოსახლეობის გადაადგილება. იმავდროულად, ისრაელის საჰაერო ძალებმა კიდევ ერთხელ დაბომბეს ლიბანის დედაქალაქ ბეირუთის სამხრეთ გარეუბნები, ძირითადად შიიტური უბნები.
- ირანის საკითხი
უახლესი მოვლენები აჩენს კითხვებს იმის შესახებ, თუ როგორ უპასუხებს ამ თავდასხმას "ჰეზბოლას" მხარდამჭერი ირანი - კიდევ ერთხელ ძლიერდება შიში ფართო რეგიონული ომის შესახებ.
"ჰეზბოლა" ირანის ხელმძღვანელობით მოქმედი ალიანსის ნაწილია, რომელიც მოიცავს იემენს, სირიას, ღაზას და ერაყს. კვირას გამართულ გამოსვლაში ნეთანიაჰუმ განაცხადა, რომ ისრაელის ერთ-ერთი მიზანი „რეგიონში ძალთა ბალანსის შეცვლაა“. მისივე თქმით, "არ არსებობს ადგილი ირანში ან ახლო აღმოსავლეთში, რომელსაც ისრაელის გრძელი მკლავი ვერ მიწვდება“.
"ჰეზბოლას ლიდერის ნასრალას მოკვლა და დაჯგუფების შესაძლებლობების მოსპობა ისრაელზე ფართომასშტაბიანი თავდასხმის განსახორციელებლად იყო აუცილებელი პირობები ამ მიზნის მისაღწევად" - თქვა მან.
ორშაბათს გამართულ ყოველკვირეულ პრესკონფერენციაზე, ირანის საგარეო საქმეთა სამინისტროს სპიკერმა ნასერ ქანაანმა ისრაელის ქმედებებს "კრიმინალური" უწოდა და აღნიშნა, რომ "ირანის ეროვნული უსაფრთხოების წინააღმდეგ ჩადენილი არცერთი ქმედება არ დარჩება უპასუხოდ."
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
