თბილისის ცენტრში სეირნობისას, რუსი ტურისტი მიწისქვეშა გადასასვლელში გადავარდა და დაიღუპა - რას წერენ წყაროები ტრაგიკული შემთხვევის შესახებ (ვიდეო)
ტრაგიკული შემთხვევა მოხდა თბილისის ცენტრში. რუსი ტურისტი გოგონა, რომელიც მეგობართან ერთად რესპუბლიკის მოედანზე სეირნობდა და მღეროდა სიმღერას - “უკანასკნელად“, მიწისქვეშა გადასასვლელში გადავარდა და დაიღუპა.
ვიდეო ტელეგრამარხებზე ვრცელდება. SHOT -ის ინფორმაციით, არინა გ. თბილისში მეგობრებთან ერთად, დასასვენებლად ჩამოვიდა. ისინი თბილისის ქუჩებში სეირნობდნენ, როდესაც ტრაგიკული შემთხვევა მოხდა. არინა მეგობარს უღებდა, რა დროსაც მოაჯირი ვერ შენიშნა და გადავარდა.
მეგობარმა გამოიძახა სასწრაფო დახმარება. ექიმებმა დაზარალებული საავადმყოფოში გადაიყვანეს და ქალას ძირის მოტეხილობა დაუდგინეს. გოგონა გასულ პარასკევს გარდაიცვალა.
გარდაცვლილის მშობლები გოგონას გადასასვენებლად საჭირო დოკუმენტაციას ამზადებენ.
SHOT-ის მიხედვით, არინა ცხოვრობდა მოსკოვში და პიარ სააგენტოში მუშაობდა.