მნიშვნელოვანი ინფორმაცია
18
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ისევ ვმკურნალობ, საკმაოდ მძიმე შედეგები აქვს მოწამვლას, მაგრამ საქართველოს ხელისუფლება ნუ ინერვიულებს..." - რას პასუხობს მამუკა მამულაშვილი ბოლოდროინდელ ბრალდებებს?
12:59 / 26-09-2024
"უკრაინული სპეცსამსახურები საქმის კურსში არიან, საომარი მოქმედებების დროს პროვოკაციები და სიცრუის ტირაჟირება დასჯადია", - ამბობს, "ქართული ლეგიონის“ მეთაური, მამუკა მამულაშვილი. შეგახსენებთ, რომ ამ ცოტა ხნის წინ ქართულმა სამთავრობო ტელეკომპანიებმა გამოცემა "უკრაინა თუდეის“ სტატიაზე დაყრდნობით მოამზადეს სატელევიზიო სიუჟეტი, რომელშიც საუბარია იმის შესახებ, რომ მამუკა მამულაშვილმა მოწამვლის ფაქტი გამოიგონა და მისი სისხლის მაჩვენებლები ნორმის ფარგლებშია. სტატიის თანახმად, კონკრეტული პირები ფინანსური დონაციის მოზიდვის მიზნით, თაღლითურ სქემებს მიმართავდნენ და რეალურად დონაციით შემოსული თანხების ნაწილი უკრაინის ნაცვლად, მათ ანგარიშებზე მიდიოდა. სტატიაში ნათქვამია, რომ "უკრაინა თუდეი“ დაუკავშირდა "ქართულ ლეგიონს“ და საქმესთან შემხებლობაში მყოფ ყველა პირს, თუმცა პასუხი დღემდე არ მიუღია. რა მოხდა სინამდვილეში, რა რეაქცია მოჰყვა ქართველი მეომრის მადისკრედიტირებელ სტატიას უკრაინაში და რას ფიქრობს ამ საკითხთან დაკავშირებით სტატიისა და სატელევიზიო სიუჟეტების გმირი, ამის შესახებ მამუკა მამულაშვილი გვესაუბრება:
- ეს იყო კარგად დადგმული რუსული პროპაგანდის ნაწილი. თქვენს მიერ ნახსენებ სატელევიზიო გადაცემებსა და სტატიებში წარმოდგენილი ბრალდებები არის აბსოლუტური სიცრუე. გაინტერესებთ, ვინ არის და რას წარმოადგენს ჩემი მადისკრედიტირებელი სტატიის ავტორი, ჯეი ბიჩერი და მისი "უკრაინა თუდეი“? ჩვენ ყველაფერი გავარკვიეთ. ბიჩერის "უკრაინა თუდეის“ არაფერი არ აქვს საერთო უკრაინაში ნამდვილად მოქმედ ინტერნეტგამოცემა "უკრაინა თუდეისთან“, ის არის ბრიტანეთში დარეგისტრირებული დომეინი, რომელიც რუსული პროპაგანდის სამსახურშია. უკრაინული მედიის ყველა წარმომადგენელმა უარყო ჯეი ბიჩერთან რაიმე ტიპის კავშირი და თანამშრომლობა. სიტყვიერადაც უარყვეს ამ პროვოკატორთან ურთიერთობა და წერილობითი განმარტებაც გამოგვიგზავნეს იმის შესახებ, რომ ჯეი ბიჩერი მუშაობდა "კიევ პოსტში“ თარჯიმნად, მაგრამ პროვოკაციების გამო გააძევეს. ე.ი. ჟურნალისტიც კი არ არის, თარჯიმანია.
ამასთანავე, გაირკვა ისიც, რომ ბიჩერი ბრიტანეთში მოქმედი პრორუსული პარტიის წარმომადგენელი და ნაცისტური მოძრაობის გულმხურვალე დამცველია. ამ ადამიანმა ჩამოწერა სიცრუის ბლოგები და სათაურად დააწერა - "ქართული ლეგიონის“ მეთაური ცრუობს.“ ასეთი ქმედება უკრაინაში კანონით ისჯება, სპეცსამსახურები უკვე საქმის კურსში არიან და რაც საჭიროა, იმას გააკეთებენ. უკვე დიდი ხანია, მონდომებით ცდილობენ "ქართული ლეგიონის“ დისკრედიტაციას, მაგრამ მინდა იცოდნენ, რომ ამაოდ ირჯებიან, ეს არის დიდი ორგანიზაცია, რომელსაც ჰყავს იურისტები და საჭიროების შემთხვევაში, შესაბამისად იმოქმედებენ.
- თქვენი ვერსიით, ქართული მედიის ყურადღების არეალში როგორ მოხვდა ჯეი ბიჩერი და მისი სტატია?
- საკითხავიც ეს არის, იმიტომ რომ "იმედმა“ და "პოსტივიმ“ ტელევიზიის, პრესის ან ინტერნეტ გამოცემის კი არა, კერძო ადამიანის შექმნილ რესურსზე დაიწყეს პროვოკაციის მოწყობა. შესაბამისად, არ გამოვრიცხავ, რომ ბიჩერის ეს ცრუ სტატია "ქართული ოცნების“ დაკვეთილი იყოს. მართლა არ ვიცი, რაში დასჭირდათ ეს ავანტიურა, არჩევნებში მე არ ვმონაწილეობ და პოლიტიკაში მოსვლაზე განაცხადი არ გამიკეთებია.
საქართველოს ამჟამინდელი ხელისუფლება, რატომღაც სულ რაღაცაში მადანაშაულებს. რა უნდათ ჩემგან და რა საფრთხეს ხედავენ ჩემში, არ მესმის. სხვათა შორის, ტყუილია ისიც, რომ თითქოს, ჟურნალისტები დამიკავშირდნენ და უარი ვთქვი კომენტარის გაკეთებაზე. ვინც დამიკავშირდა, იმას გავეცი პასუხი და ვინც არ დამიკავშირდა, აქეთ ხომ არ დავუწყებდი დევნას?
- ვინ დაგიკავშირდათ?
- გაგიკვირდებათ და "პოსტივის“ წარმომადგენელი დამიკავშირდება. სხვათა შორის, უარი არ მითქვამს ინტერვიუზე. ისიც ვუთხარი, რომ თუ ჟურნალისტები ხართ, მასალა ფაქტებზე დაყრდნობით მოამზადეთ და ჭორებს ნუ აჰყვებით-მეთქი. ვუთხარი, რომ ჩემი მოწამვლის ფაქტს ადასტურებს უკრაინაში დაწყებული გამოძიება და ტოქსიკოლოგიური დასკვნა, რომელიც ამ საქმის მასალებში დევს. საქმის მასალების ნომერიც კი ჩავუგდე. სულ რაღაც ათი წუთი იყო საჭირო, საქმის მასალების გასაცნობად და სიმართლეში გასარკვევად, მაგრამ როგორც ჩანს, სიმართლის გახმოვანება მათ ინტერესებში არ შედიოდა. ჩემი ინტერვიუ არც "იმედმა“ გამოაქვეყნა და არც "პოსტივიმ“. ახლა "ქართული ლეგიონის“ იურისტები შეაფასებენ, თუ რა ტიპის ზიანი მოგვაყენა ამ ტელევიზიების მიერ სიცრუის ტირაჟირებამ და იმის მიხედვით იმოქმედებენ.
სიმართლე რომ გითხრათ, ჭორები როგორც პირად ჩემზე, ასევე "ქართულ ლეგიონზეც“ ხშირად ვრცელდება, მაგრამ ძირითადად ისეთი ბრიყვულია და ისეა თეთრი ძაფით ნაკერი, რომ ყურადღების მიქცევა არ ღირს. ყველა აბსურდულ ბრალდებას რომ გამოვეკიდოთ, საქმეს ვეღარ გავაკეთებთ. ამიტომ ვამბობ, რომ იურისტები შეაფასებენ, "იმედისა“ და "პოსტივის“ მოყენებულ ზიანს და იმის მიხედვით ვიმოქმედებთ.
- სხვათა შორის, საქართველოში თქვენს შესახებ გავრცელებულ ჭორებს შორის ყველაზე აქტუალურია ვერსია იმის შესახებ, რომ ლეგიონის მებრძოლებს კუთვნილ ხელფასებს არ უხდით.
- სინამდვილეში, მე ხელფასს არავის არ ვუხდი. "ქართული ლეგიონის“ ყველა მებრძოლს უკრაინის შეიარაღებულ ძალებთან აქვს კონტრაქტი გაფორმებული. რაც შეეხება "ქართული ლეგიონის“ ფინანსურ საკითხებს, ამის გადამოწმებაც ძალიან მარტივია საგადასახადო რეესტრში. ყველა დაინტერესებულ პირს შეუძლია გაარკვიოს, გვაქვს თუ არა რაიმე დარღვევა, თანხების გადარიცხვასთან დაკავშირებით.
ყველას ყველაფრის გარკვევა შეუძლია, ვისაც სიმართლე მართლა აინტერესებს.
თქვენთვის როდისმე მითქვამს უარი ინტერვიუზე ან რომელიმე კითხვა პასუხის გარეშე დამიტოვებია?
- ვადასტურებ, რომ ნებისმიერი კითხვის დასმის შესაძლებლობა მაქვს და პასუხებსაც ყოველთვის ვიღებ.
- კი ბატონო, მკითხონ, სხვებმაც, გადაამოწმონ სიმართლე, აქეთ დავეხმარები სიმართლის გარკვევაში. ცუდი ის არის, რომ ზოგიერთებს სიმართლე არ აინტერესებთ. ჯეი ბიჩერის სტატია არის ჩემს წინააღმდეგ დაგეგმილი ორგანიზებული პროვოკაცია, რომელშიც, სამწუხაროდ, ქართველებმაც მიიღეს მონაწილეობა. ყველაზე დიდ ეჭვს სწორედ ის ფაქტი მიჩენს, რომ ეს ცრუ ბრალდებებზე აგებული სტატია მომენტალურად საქართველოში აიტაცეს. რუსულ მედიაში ახლაღა იწყებენ, ამ საკითხის გაშუქებას. ერთადერთი რასაც ვფიქრობ, ის არის, რომ ჩემი დის, ნონა მამულაშვილის დისკრედიტაცია უნდოდათ, რადგან ის "ნაციონალური მოძრაობის“ ყოფილი წევრი და პარლამენტარი იყო და მეც მიმაყოლეს, უბრალოდ, "ქართული ლეგიონის“ მასშტაბები ვერ გათვალეს.
- თქვენი ჯანმრთელობის მდგომარეობა ახლა როგორია?
- ისევ გავდივარ მკურნალობის პროცესს, საკმაოდ მძიმე შედეგები აქვს მოწამვლას, მაგრამ საქართველოს ხელისუფლება ნუ ინერვიულებს, ყველაფერი კარგად ჩაივლის.
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
