55 წლის კეტრინ ზეტა ჯონსი გაშიშვლდა - რა ფოტოს აქვეყნებს ჰოლივუდის ვარსკვლავი საიუბილეოდ?

25 სექტემბერს კეტრინ ზეტა-ჯონსი და მაიკლ დუგლასი, რომლებიც ერთ დღეს არიან დაბადებულნი, დაბადების დღეს აღნიშნავენ.

კეტრინი 55 წლის გახდა, ხოლო მისი მეუღლე - 80 წლის. მაიკლმა კეტრინს ინსტაგრამზე მიულოცა იუბილე, მისი პორტრეტი გამოაქვეყნა და სიყვარულში კიდევ ერთხელ საჯაროდ გამოუტყდა.

კეტრინმა წყვილის საარქივო ფოტო გააზიარა და თავისი სადღესასწაულო "კოსტიუმი" აჩვენა გულშემატკივარს.

"გილოცავ მაიკლ და ჩემს თავსაც ვულოცავ დაბადების დღეს! ფოტოზე 25 წლის წინ ვართ, ჩვენს დაბადების დღეზე! მე მთელი გულით მიყვარხარ, ჩვენმა მეგობარმა გადაგვიღო ნიუ-იორკში!" - წერს ერთობლივ ფოტოზე კეტრინი.

მსახიობმა ასევე თავისი სრულიად შიშველი ფოტო გამოაქვეყნა, რომელიც აბაზანაში აქვს გადაღებული და აღნიშნა, რომ 25-წლიანი ურთიერთობის შემდეგ საჩუქრების იდეები აღარ აქვს.

"ჩემი სადღესასწაულო კოსტიუმი! 25 წელზე მეტი ხნის განმავლობაში ერთობლივი დაბადების დღის აღნიშვნის შემდეგ, საჩუქრების იდეები გამითავდა! ეს მეორე ვარიანტია, პირველი — გოლფის ბურთები, რა თქმა უნდა", - დაწერა კეტრინმა.

კეტრინ ზეტა-ჯონსი და მაიკლ დუგლასი 2000 წელს 2-წლიანი ურთიერთობის შემდეგ დაქორწინდნენ. წყვილს ორი შვილი ჰყავს: 24 წლის დილანი და 21 წლის კერისი.

2013 წელს დუგლასმა განქორწინების შესახებ განცხადება გააკეთა, მისი თქმით, კეტრინს ღრმა დეპრესია სტანჯავდა, რომელიც გამოწვეული იყო მისი ბიპოლარული აშლილობის მკურნალობით. წლის ბოლოს მეუღლეებმა ურთიერთობა აღადგინეს.