აშშ - ში, 1951 წელს, 6 წლის ასაკში გატაცებული ბიჭი 70 წლის შემდეგ ცოცხალი იპოვეს - დაუჯერებელი ისტორიის დეტალები
ლუის არმანდო ალბინო 1951 წელს, მხოლოდ 6 წლის იყო, როდესაც უცნობმა პირებმა კალიფორნიის ერთ-ერთ პარკში თამაშის დროს გაიტაცეს. გაუჩინარებიდან 70 წელზე მეტი ხნის შემდეგ, ოჯახმა ის ცოცხალი იპოვა.
როგორც მედია წერს, ლუისი იპოვეს წინაპრების ონლაინ ტესტის, ძველი ფოტოებისა და გაზეთების ამონაწერების დახმარებით.
Bay Area News Group- ის ინფორმაციით, ალბინოს დისშვილმა ბიძა პოლიციის, FBI-ს, დნმ ტესტისა და სამძებრო სამუშაოების შემდეგ, ოკლენდში იპოვა. მისი დისშვილის, 63 წლის ალიდა ალეკინის თქმით, ალბინო გადამდგარი მეხანძრე და საზღვაო ქვეითთა კორპუსის ვეტერანია.
ოჯახი წლების წინ, ბავშვის დაკარგვის დეტალებსაც ასაჯაროებს. მათი თქმით, 1951 წლის 21 თებერვალს, 6 წლის ალბინო დასავლეთ ოკლენდის პარკიდან უცნობმა ქალმა გაიტაცა. ის უფროს ძმასთან ერთად თამაშობდა. ქალი ბავშვს კანფეტების ყიდვას დაპირდა და მას შემდეგ ორივე გაუჩინარდა.
როგორც აღმოჩნდა, ალბინო წყვილმა საკუთარი შვილივით გაზარდა და მას წარსულს უმალავდნენ.
70 წელზე მეტი ხნის განმავლობაში ალბინო დაკარგულად მიიჩნეოდა. ოჯახის წევრები მას მთელი ამ ხნის განმავლობაში ეძებდნენ. ყველაზე სამწუხარო კი ის არის, რომ ნაპოვნი მამაკაცის დედა 2005 წელს გარდაიცვალა. მისი ოცნება სიცოცხლის ბოლომდე ვაჟის პოვნა იყო.