"ყო­ველ­თვის, სე­ზო­ნის და­წყე­ბის წინ, არაჩ­ვე­უ­ლებ­რი­ვი გან­წყო­ბა მაქვს, ვე­ლო­დე­ბი რა­ღაც ახალს, რაც უნდა და­ი­წყოს. ამი­ტომ არც ეს სე­ზო­ნია გა­მო­ნაკ­ლი­სი და მე და მთე­ლი გუნ­დი კარგ გან­წყო­ბა­ზე ვართ," - გვე­უბ­ნე­ბა იუ­მო­რის­ტი, მსა­ხი­ო­ბი, მუ­სი­კო­სი, ბენ­დის ხელ­მძღვა­ნე­ლი, პა­რო­დის­ტი თა­მუ­ნა ლეკ­ვე­იშ­ვი­ლი.

ისე­თი მრა­ვალ­მხრი­ვია, მისი წარ­დგე­ნი­სას შე­უძ­ლე­ბე­ლია, ყვე­ლა უნა­რი, რაც მას აქვს და რა­საც მა­ყუ­რე­ბე­ლის წი­ნა­შე წარ­მო­ჩენს, არ და­ა­სა­ხე­ლო... თა­მუ­ნა ლეკ­ვე­იშ­ვი­ლის მიერ შექ­მნი­ლი პერ­სო­ნა­ჟე­ბი, პო­ლი­ტი­კო­სი თუ არა­პო­ლი­ტი­კო­სი ქალ­ბა­ტო­ნე­ბი, ყო­ველ­თვის, მა­ყუ­რებ­ლის ყუ­რა­დღე­ბის ცენ­ტრში ექ­ცე­ვი­ან. პო­ლი­ტი­კო­სე­ბი­დან პირ­ვე­ლი ეკა ბე­სე­ლი­ას პა­რო­დია იყო, შემ­დეგ პრე­ზი­დენტ ზუ­რა­ბიშ­ვი­ლის, ახლა კი უკვე ჩა­მო­ნათ­ვალს ნინო წი­ლო­სა­ნის მუ­სი­კა­ლუ­რი პა­რო­დი­აც შე­ე­მა­ტა. დიდი გა­მოხ­მა­უ­რე­ბა მოჰ­ყვა და ვი­დე­ო­საც ინ­ტერ­ნეტ­ში დიდი ნახ­ვა აქვს.

რას ამ­ბობს თა­ვის ახალ პერ­სო­ნაჟ­ზე თა­მუ­ნა, ასე­ვე საქ­მე­ზე, რა­საც წლე­ბია, ემ­სა­ხუ­რე­ბა, ამას ინ­ტერ­ვი­უ­დან შე­ი­ტყობთ:

- "ვა­ნოს შოუს" სე­ზო­ნის პირ­ველ გა­და­ცე­მა­ში მა­ყუ­რე­ბელს პო­ლი­ტი­კოს ნინო წი­ლო­სა­ნის პერ­სო­ნა­ჟი შეს­თა­ვა­ზეთ, რო­მელ­საც დიდი გა­მოხ­მა­უ­რე­ბა მოჰ­ყვა. პო­ლი­ტი­კო­სის როლი თა­ვად შე­ას­რუ­ლე... რო­გორ შე­იქ­მნა ეს პერ­სო­ნა­ჟი?

- ჯერ კი­დევ ახალ სე­ზო­ნამ­დე შე­იქ­მნა. თა­ვი­დან რი­გით პერ­სო­ნა­ჟად გვქონ­და ჩა­ფი­რე­ბუ­ლი, მა­შინ პერ­ფორ­მან­სი არ გვქო­ნია, თუმ­ცა მა­ყუ­რებ­ლის ყუ­რა­დღე­ბა ვი­ზუ­ა­ლუ­რად მი­იქ­ცია.

საკ­მა­ოდ დიდი ნახ­ვა ჰქონ­და და ნო­მე­რი სე­ზო­ნის ბოლო გა­და­ცე­მა­ში წარ­ვად­გი­ნეთ. შემ­დეგ მივ­ხვდით, რომ ამ პერ­სო­ნა­ჟის მო­ნა­წი­ლე­ო­ბით ერთი მთლი­ა­ნი ნო­მე­რი უნდა გაგ­ვე­კე­თე­ბი­ნა და უკვე სე­ზო­ნის პირ­ვე­ლი გა­და­ცე­მის­თვის შევ­ქმე­ნით. ნო­მერს "მუ­სი­კა­ლუ­რი ინ­ტერ­ვიუ" და­ვარ­ქვით.

- სა­ერ­თოდ ნომ­რის შექ­მნა­ში მთე­ლი გუნ­დი მო­ნა­წი­ლე­ობთ და რო­გორ იყო ამ შემ­თხვე­ვა­ში?

- სა­ერ­თოდ ამა თუ იმ პერ­სო­ნა­ჟის შექ­მნი­სას დიდი როლი აქვთ სტი­ლისტს და ვი­ზა­ჟისტს. ჩვე­ნი სტი­ლის­ტია თეა რაზ­მა­ძე, ხოლო ვი­ზა­ჟის­ტი - ნინი ჩო­ჩიშ­ვი­ლი. ორი­ვეს კარ­გი ხედ­ვა და ხელი აქვთ. ეს პერ­სო­ნა­ჟიც გა­რეგ­ნუ­ლად ზუს­ტად "დას­ვეს". სიმ­ღე­რე­ბის ტექ­სტებს მე და ნიკა კა­კა­ბა­ძე (ბი­ძი­ნა ივა­ნიშ­ვი­ლის პა­რო­დის­ტი) ვწერთ. ამ სიმ­ღე­რის ტექ­სტი მე და ნიკა კა­კა­ბა­ძემ დავ­წე­რეთ და ასე­ვე ვა­ნოს კი­თხვე­ბიც, მაგ­რამ ჩა­წე­რის დროს ვა­ნოს ჩა­კი­თხე­ბე­ბის პრო­ცეს­ში იქვე რა­ღაც ახალს ვი­ფიქ­რებ­დით. თვი­თონ ვანო იყო ჩარ­თუ­ლი. მუ­სი­კა­საც ერ­თად ვარ­ჩევთ ხოლ­მე. რამ­დე­ნი­მე ვერ­სი­ას ვა­სა­ხე­ლებთ, მერე მო­ვუს­მენთ, რო­მე­ლი უკეთ გა­და­კეთ­დე­ბა. ამ შემ­თხვე­ვა­ში ვახ­სე­ნე, „პა­რო­ლე­ზე“ კარ­გი იქ­ნე­ბა-მეთ­ქი. შემ­დეგ „ვა­ნოს შოუს“ და­გეგ­მვი­სას ვა­ნომ თქვა, „პა­რო­ლე“ ხომ არ გა­ვა­კე­თოთ, მე ვიქ­ნე­ბი ნო­მერ­ში და მუ­სი­კა­ლუ­რი ინ­ტერ­ვიუ ჩავ­წე­რო­თო. ეს ფორ­მა უკვე ვა­ნომ მო­ი­ფიქ­რა.

- რამ­დე­ნად კომ­ფორ­ტუ­ლად გრძნობ­დი თავს ქალ­ბა­ტო­ნი ნი­ნოს ამ­პლუ­ა­ში?

- როცა გა­დავ­წყვი­ტეთ, რომ ვა­კე­თებ­დით მის პერ­სო­ნაჟს, მა­შინ­ვე და­ვი­წყე ლინ­ზე­ბის მო­ძებ­ნა, რად­გან მას აქვს ძა­ლი­ან ღია ფე­რის თვა­ლე­ბი და შე­სა­ბა­მი­სი ლინ­ზე­ბი ვი­პო­ვე. კა­მე­რა ბო­ლომ­დე კი­დევ კარ­გად ვერ აღიქ­ვამს ყვე­ლა­ფერს. ლინ­ზე­ბით ლა­ივ­ში რომ მნა­ხოთ, როცა მი­კე­თია, აბ­სო­ლუ­ტუ­რად ნინო წი­ლო­სა­ნის თვა­ლე­ბი მაქვს. სა­ერ­თოდ, როცა ამა თუ იმ პერ­სო­ნაჟს ვქმნი, როცა უკვე მაც­ვია მისი კოს­ტი­უ­მი, მისი მა­კი­ა­ჟი მაქვს და თმაც შე­სა­ფე­რი­სად, პა­რო­დი­ის გა­კე­თე­ბა უკვე ძა­ლი­ან მი­მარ­ტივ­დე­ბა. როლ­ში შევ­დი­ვარ და ყვე­ლა­ფერს იო­ლად ვქმნი...

- თუ იცი თა­ვად პა­რო­დი­ის ად­რე­სა­ტის, ქალ­ბა­ტო­ნი ნი­ნოს აზრი?

- ეთერ­ში რომ გა­ვი­და, დიდი ამ­ბა­ვი იყო ატე­ხი­ლი, ვი­დე­ოს ბევ­რი აზი­ა­რებ­და და მე მთა­გავ­დნენ... ეტყო­ბა, ვი­დეო მა­საც შეხ­ვდა სო­ცი­ა­ლურ ქსელ­ში და მერე სტა­ტუ­სი მოგ­ვი­ძღვნა - "ჩემ­მა პერ­სო­ნაჟ­მაც ვერ უშ­ვე­ლა ამ "ვა­ნოს შოუს" ხომ?"... ჩემ­თვის ეს ყვე­ლა­ფე­რი კი­დევ ერთი წარ­მა­ტე­ბაა. კი­დევ ერთი ნო­მე­რი და ერთი ახა­ლი სა­ხეა, რო­მელ­ზეც ბევ­რი ადა­მი­ა­ნი ლა­პა­რა­კობს. ამი­ტომ, რა თქმა უნდა, მი­ხა­რია.

- უკვე 18 წე­ლია "ვა­ნოს შოუ" ეთერ­შია. პირ­ვე­ლი­ვე გა­და­ცე­მი­დან შენც ამ შო­უ­ში ხარ და ბენ­დს ხელ­მძღვა­ნე­ლობ. ეს 18 წე­ლი­წა­დი რა არის შენ­თვის?

- "ვა­ნოს შოუ" ჩემი ცხოვ­რე­ბის ნა­წი­ლია. ცხა­დია, "შა­ბა­თის შოუც", მაგ­რამ "ვა­ნოს შოუ“ უფრო ახ­ლო­ბე­ლია. სულ ვამ­ბობ, ჩემი უფ­რო­სი შვი­ლია, ანუ ოთხი შვი­ლი-მეთ­ქი... ძა­ლი­ან მიყ­ვარს, მოკ­ლედ, მე­ო­თხე შვილს“ ვუ­წო­დებ და ამ სიყ­ვა­რულს ასე გა­მოვ­ხა­ტავ.

- ბენ­დის­თვის მუ­სი­კო­სებს თა­ვად არ­ჩევ და იმა­საც თვი­თონ წყვეტ, რა უნდა და­უკ­რათ?

- რა უნდა და­ვუკ­რათ, ამა­ში ჩარ­თუ­ლი ვარ, ხოლო - მუ­სი­კო­სე­ბის შეკ­რე­ბა, რე­პე­ტი­ცია, ამას ეთერს გა­რეთ კახა ხოშ­ტა­რია ხელ­მძღვა­ნე­ლობს. ზოგ­ჯერ ყო­ფი­ლა, რომ რა უნდა და­ვუკ­რათ, მუ­სი­კა იქვე, 10 წუთ­შიც მოგ­ვი­ფიქ­რე­ბია. ზო­გა­დად, ეს პრო­ცე­სიც თა­ვის მხრივ სა­ინ­ტე­რე­სოა.

- ისე, კონ­სერ­ვა­ტო­რი­ის კურსდამ­თავ­რე­ბუ­ლი, მუ­სი­კო­სი იუ­მო­რის სფე­რო­ში რო­გორ აღ­მოჩ­ნდი?

- იუ­მო­რის სფე­რო­ში აღ­მო­მა­ჩი­ნა და მო­მიყ­ვა­ნა დათო გო­გი­ჩა­იშ­ვილ­მა, რო­დე­საც ვმუ­შა­ობ­დი ჯერ კი­დევ „რა­დიო 105“-ში. რა­დი­ო­ში მუ­სი­კა­ლუ­რი კუ­თხით ვსაქ­მი­ა­ნობ­დი, მუ­სი­კა­ლურ რეკ­ლა­მებს ვა­კე­თებ­დი. ისე, სა­ნამ გო­გი­ჩა­იშ­ვი­ლი მნა­ხავ­და, მა­ნამ­დე ამ სფე­რო­ში ნიკა ქავ­თა­რა­ძემ აღ­მო­მა­ჩი­ნა. ნიკა ჩემი ბავ­შვო­ბის მე­გო­ბა­რია... ამას­თან, ძა­ლი­ან მიყ­ვარ­და "მან­სან­კა­ნი" და უნი­ვერ­სი­ტეტ­ში თა­მა­შებ­ზე სულ დავ­დი­ო­დი. ბავ­შვო­ბის მე­გობ­რე­ბი - მე და ნიკა, რა­დი­ოს პა­რა­ლე­ლუ­რად, "მან­სან­კა­ნის" თა­მა­შებ­ზეც გა­და­ვიკ­ვე­თეთ და დუ­ე­ტის „რა­ფერ მე­ვიქ­ცე მე“ ჩა­წე­რა გა­დავ­წყვი­ტეთ. ამ დუ­ეტ­მა მა­შინ ძა­ლი­ან „გა­ის­რო­ლა“. დათო მაგ პე­რი­ოდ­ში ამე­რი­კი­დან ახა­ლი ჩა­მო­სუ­ლი იყო, ეს სიმ­ღე­რა რომ მო­ის­მი­ნა, მო­ე­წო­ნა. მერე და­მი­რე­კეს, „რუს­თა­ვი 2“-ზე ახალ პრო­ექტს, იუ­მო­რის­ტულ შოუს ვი­წყებთ, ერთი გოგო გვჭირ­დე­ბა და შენ­ზე ვფიქ­რობ­თო. ცოტა შე­მე­შინ­და, რად­გან მსა­ხი­ო­ბო­ბა არას­დროს მდო­მე­ბია, არც მი­ფიქ­რია, რომ რამე მსგავ­სი მე­კე­თე­ბი­ნა. თა­ვი­დან ბო­ლომ­დე მუ­სი­კო­სი ვი­ყა­ვი. მოკ­ლედ, გავ­რის­კე, მი­ვე­დი და დავ­რჩი. უკვე ამ­დე­ნი წე­ლია, ამ სფე­რო­ში და ეკ­რან­ზე ვარ.

- რა არის იუ­მო­რი შენ­თვის, გარ­და იმი­სა, რომ ამ სფე­რო­ში საქ­მი­ა­ნობ და უკვე ცხოვ­რე­ბის ნა­წი­ლია? აქვე რას იტყვი იმე­რულ იუ­მორ­ზეც, რაკი ამ კუ­თხის წარ­მო­მად­გე­ნე­ლიც ხარ...

- მე ცოტა უც­ნა­უ­რი იუ­მო­რი მომ­წონს, რაც შე­იძ­ლე­ბა სა­ხალ­ხო არც იყოს, ცო­ტა­თი შავი იუ­მო­რის­კე­ნაც ვიხ­რე­ბი... იმე­რუ­ლი იუ­მო­რი კი არის სხარ­ტუ­ლი იუ­მო­რი. გა­მოთ­ქმა რომ არის "ამას ვერ მოვ­ყვე­ბი, იქ უნდა ყო­ფი­ლი­ყა­ვიო,“ - ასეა. სი­ტუ­ა­ცი­უ­რი იუ­მო­რია, რაც იმ მო­მენ­ტში მარ­თლა ძა­ლი­ან სა­სა­ცი­ლოა. კი, სხარ­ტუ­ლი, ენაკ­ვი­მა­ტუ­რი იუ­მო­რი ჰქვია მა­გას...

- ძა­ლი­ან ბევ­რი ქალი გყავს უკვე გან­სა­ხი­ე­რე­ბუ­ლი, მათ შო­რის, პო­ლი­ტი­კო­სე­ბიც...

- კი, უამ­რა­ვი და სხვა­დას­ხვა­ნა­ი­რი. თვი­თონ ხუმ­რო­ბე­ბი, სკეტ­ჩის მი­მარ­თუ­ლე­ბა გაძ­ლევს იმის სა­შუ­ა­ლე­ბას, რომ პერ­სო­ნა­ჟი შექ­მნა. ფიქ­რობ იმა­ზე, ამა თუ იმ ტექსტს რო­გორ იტყო­და. თვი­თონ ის კონ­კრე­ტუ­ლი ხუმ­რო­ბა გიხ­სნის ფან­ტა­ზი­ას, რო­გო­რი იყოს ესა თუ ის ქალი. რა ეც­ვას, რო­გო­რი და რა ფე­რის თმა ჰქონ­დეს, რო­გო­რი მა­კი­ა­ჟი. და­ახ­ლო­ე­ბით ასე იქ­მნე­ბა პერ­სო­ნა­ჟი.

- არა­პო­ლი­ტი­კო­სი ქალ­ბა­ტო­ნე­ბი­დან რე­ჟი­სორ ქეთი დო­ლი­ძის პა­რო­დია, ვფიქ­რობ, რომ კი­დევ სხვა რა­ღა­ცაა...

- ქეთი დო­ლი­ძის ნაც­ნო­ბებს, ახ­ლობ­ლებს უთ­ქვამთ, ძა­ლი­ან სწო­რედ გაქვს მისი პორ­ტრე­ტის­თვის ნი­უ­ან­სე­ბი და­ჭე­რი­ლიო...

- შენი შვი­ლე­ბი რო­გორ გა­ფა­სე­ბენ? რას გე­უბ­ნე­ბი­ან?

- ჩემი შვი­ლე­ბი ჩემი მა­ყუ­რებ­ლე­ბი არ არი­ან. სხვა რა­ღა­ცე­ბით არი­ან და­ინ­ტე­რე­სე­ბუ­ლი, ტე­ლე­ვი­ზორს სა­ერ­თოდ არ უყუ­რე­ბენ. ინ­ტერ­ნე­ტის თა­ო­ბაა, ინ­ტერ­ნე­ტის ბავ­შვე­ბი არი­ან. ქარ­თულ კონ­ტენტს არა­ფერს უყუ­რე­ბენ. უცხო­ურ ვი­დე­ო­ე­ბის მა­ყუ­რებ­ლე­ბი არი­ან. თუ ერ­თად ვართ სად­მე, მა­გა­ლი­თად, კა­ფე­ში, გზა­ში, მა­ღა­ზი­ა­ში, ქუ­ჩა­ში, უცხო ბავ­შვე­ბი რომ მო­დი­ან და ჩემ­თან სუ­რათს იღე­ბენ, ეს უხა­რი­ათ. მოს­წონთ მათ დე­დი­კოს ადა­მი­ა­ნე­ბი რომ ცნო­ბენ... ზო­გა­დად კი იცი­ან, რომ „ვა­ნოს შო­უ­ში“ ვუკ­რავ, მსა­ხი­ო­ბი ვარ, სკეტ­ჩებ­ში ვმო­ნა­წი­ლე­ობ.

- რას ურ­ჩევ­დი ახალ­გაზ­რდებს?

- პირ­ველ რიგ­ში იყ­ვნენ შრო­მის­მოყ­ვა­რე­ე­ბი. ზარ­მა­ცი ადა­მი­ა­ნი ვე­რას­დროს ვე­რა­ფერს მი­აღ­წევს. შრო­მის­მოყ­ვა­რე­ო­ბა და მი­ზან­და­სა­ხუ­ლე­ბა უმ­თავ­რე­სი რა­მაა. ნი­ჭი­ე­რი თუ ხარ და გინ­და, რა­ი­მეს მი­აღ­წიო, ამის­თვის თავი არ უნდა და­ზო­გო. შრო­მის­მოყ­ვა­რე­ო­ბით და მიზ­ნის ერ­თგუ­ლე­ბით შე­იძ­ლე­ბა ნაკ­ლე­ბად ნი­ჭი­ე­რი ადა­მი­ა­ნი წარ­მა­ტე­ბუ­ლი გახ­დეს.

- რას ეტყო­დი შენს მა­ყუ­რე­ბელს და ჩვენს მკი­თხველს?

- იყ­ვნენ „ვა­ნოს შოუს“ მა­ყუ­რებ­ლე­ბი იმი­ტომ, რომ ჩვე­ნი თავი ჯერ არ ამოგ­ვი­წუ­რავს. კი­დევ ბევ­რი სი­ახ­ლე ელით, სა­ინ­ტე­რე­სო გა­და­ცე­მა­სა და პერ­სო­ნაჟს შევ­ქმნით. იუ­მო­რის ამო­წურ­ვა გა­მო­რი­ცხუ­ლია, თან ჩვენ გარ­შე­მო, სამ­ყა­რო­ში ბევ­რი რამ იც­ვლე­ბა. ახალ-ახა­ლი თე­მე­ბი მუდ­მი­ვად მო­დის და ერ­თმა­ნეთს ენაც­ვლე­ბა.