17
მარტიდღის ზოგადი ასტროლოგიური პროგნოზი
მეფემ ჩარლზმა, უელსის პრინცმა უილიამმა და პრინცესა ქეითმა პრინც ჰარის საჯაროდ მიულოცეს 40 წლის იუბილე, რაც ზოგიერთმა შეთანხმებულ სამშვიდობო შეთავაზებად აღიქვა.
მათ, რამდენიმე საათის ინტერვალით, თავიანთ სოციალურ მედიაარხებზე პოსტები გამოაქვეყნეს, ამასობაში კი სასექსის ჰერცოგი ზეიმისთვის კალიფორნიაში ემზადებოდა.
ეს იყო პირველი შემთხვევა ბოლო სამი წლის განმავლობაში, როდესაც სამეფო ოჯახმა მისი დაბადების დღე X-სა და Instagram-ზე აღნიშნა - ისე, როგორც ისინი ყველა მოქმედი სამეფო ოჯახის წევრის იუბილის დროს იქცევიან. ორი წელი გავიდა მას შემდეგ, რაც მათ ჰარი რაიმე კონტექსტში ახსენეს.
საინტერესოა, რომ ჰარის სურათი, რომელიც პოსტებში გამოქვეყნდა, 2018 წელს, მაშინაა გადაღებული, როდესაც ის სამეფო ოჯახის მოქმედი წევრი იყო და დუბლინში ვიზიტით მეგანთან ერთად იმყოფებოდა. მაგრამ ჰარის მეუღლე ფოტოდან, როგორც ჩანს, ფოტოგრაფმა ამოჭრა.
ამ ცოტა ხნის წინ გავრცელდა ინფორმაცია, რომ ჰარის გადაწყვეტილებით, მისი მემუარების შემდეგ გამოცემაში მისი ოჯახისგან გაუცხოებაზე ახალ თავს აღარ დაწერს. როგორც Mail-მა გაამჟღავნა, ეს მოულოდნელი, მაგრამ სასიამოვნო სიურპრიზი იყო ბუკინგემის სასახლისთვის.
ოფიციალური პირები ასევე ცდილობდნენ, თავი აერიდებინათ სასექსებთან დაკავშირებული ნებისმიერი საკითხის განხილვისგან და მეფისა და მისი გაუცხოებული ვაჟის გარშემო "სივრცე" შეექმნათ, რათა გამოჩენილიყო, შეიძლება თუ არა რაიმეს გადარჩენა მათი დაზიანებული ურთიერთობიდან.
არსებული ცნობებით, მიუხედავად იმისა, რომ ჩარლზი გაბრაზებულია და გადაწყვეტილი აქვს, ჰარის ზოგიერთ ბრალდებას არ აჰყვეს, ის მთლიანად არასდროს დახურავს კარს თავისი უმცროსი ვაჟისთვის.
მაგრამ მას სურს, დარწმუნდეს, რომ ჰარის მხრიდან ოჯახს შეტევა აღარ ემუქრება და თუ ისინი ისაუბრებენ, სასექსები ამას დაუყოვნებლივ არ გაასაჯაროებენ.
სასახლეს არ გაუკეთებია კომენტარი იმის შესახებ, ესაუბრა თუ არა მეფე თავის ვაჟს პირადად. ეს "პირად საკითხად" მიიჩნევა. მომდევნო კვირებში ჰარი შეიძლება, გაერთიანებულ სამეფოში გაემგზავროს, რათა საქველმოქმედო ორგანიზაცია Wellchild-ის დაჯილდოებას დაესწროს.
მეფე ამჟამად შოტლანდიაში ცხოვრობს, მაგრამ სამკურნალოდ მუდმივად ბრუნდება ხოლმე ლონდონში.
