29
მარტიდღის ზოგადი ასტროლოგიური პროგნოზი
ინდოეთში, 20 წლის ახალგაზრდა ბიჭმა ცოცხალი კობრა პირში ჩაიდო, რათა ვირუსული ვიდეო გადაეღო და სოციალურ ქსელში გამოექვეყნებინა. ნახვების დასაგროვებლად ეს ცნობილი ხერხია, რომელსაც ინდოეთში მიმართავენ. ახალგაზრდა მამაკაცს კობრამ უკბინა და გარდაიცვალა.
- შოკისმომგვრელი შემთხვევა თელანგანას სოფელ დესიპეტში მოხდა. გავრცელებული ინფორმაციით, გარდაცვლილის სახელი შივრაჯი იყო. ის და მამამისი გველების დახოცვით შოულობდნენ ფულს. კობრა, რომელმაც ბიჭს უკბინა, თავად დაიჭირეს. შივრაჯის მამამ სთხოვა საბედისწერო ნომერი შეესრულებინა და კობრას თავი პირში ჩაედო უცნაური ვიდეოს გადასაღებად.
გავრცელებულ კადრებში შივრაჯი შუა გზაზე დგას, კამერას უყურებს. ერთი ხელით თმას უკან იწევს, მეორეთი კი გველი უჭირავს და ცდილობს, მისი თავი პირში ჩაიდოს. ვიდეოს ბოლოს ბიჭის მამა მაღლა აწეულ თითს აჩვენებს, რადგან გადაღება თითქოს კარგად დასრულდა. ამის შემდეგ ბიჭი გარდაიცვალა.
სოციალური მედია ვიდეომ შოკში ჩააგდო. მომხმარებლები წერენ, რომ ნახვების დასაგროვებლად, დღეს ადამიანები საკუტარ სიცოცხლეს რისკავენ. შემზარავი სისწრაფით იზრდება იმ შემთხვევების რიცხვი, როდესაც მომხმარებლები საკუთარ სიცოცხლეს საფრთხეში აყენებენ სოციალური ქსელისთვის გამოსაქვეყნებელი ვიდეოს გადაღების გამო.
