მნიშვნელოვანი ინფორმაცია
18
მაისიდღის ზოგადი ასტროლოგიური პროგნოზი
ორშაბათი, მთვარის ოცდამეორე დღე დაიწყება 02:56-ზე, მთვარე მერწყულშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
უკრაინის მორიგი მასშტაბური თავდასხმა რუსეთზე დრონებით, მოსკოვის ოლქში დაიღუპა ერთი და დაშავდა რამდენიმე ადამიანი, აეროპორტებში კი შეზღუდვები შემოიღეს - რა ხდება ცნობილი?
10:51 / 10-09-2024
რუსეთის თავდაცვის სამინისტროს დილით გამოქვეყნებული ინფორმაციის მიხედვით, 10 სექტემბერს, შუაღამის შემდეგ უკრაინამ რუსეთზე დრონებით ერთ-ერთი ყველაზე მასშტაბური იერიში მიიტანა.
უწყების თანახმად, საჰაერო თავდაცვის საშუალებებით გაანადგურეს 144 უკრაინული უპილოტო საფრენი აპარატი, მათგან 72 - ბრიანსკის ოლქში, 20 - მოსკოვის ოლქში, 14 - კურსკში, 13 - ტულის ოლქში, 8 - ბელგოროდში, 7 - კალუგის ოლქში, 5 - ვორონეჟში, 4 - ლიპეცკის ოლქში და 1 - ორიოლში.
რუსეთის ამ რეგიონებიდან მხოლოდ მოსკოვის ოლქის გუბერნატორმა ანდრეი ვორობიოვმა განაცხადა, რომ დრონებით შეტევას მსხვერპლი და ნგრევა მოჰყვა. მისი ინფორმაციით, ქალაქ რამენსკოეში დრონები მოხვდა ორ მრავალბინიან სახლს, დაიღუპა ერთი და დაშავდა ოთხი ადამიანი.
აეროპორტებში "ვნუკოვო", "დომოდედოვო" და "ჟუკოვსკი" მოსკოვის რეგიონზე უპილოტო საფრენი აპარატების მასობრივი თავდასხმის გამო, მოსკოვის დროით, 1:30 საათიდან შემოიღეს დროებითი შეზღუდვები ავიარეისების მიღებასა და გაგზავნაზე. აეროპორტებმა მოსკოვის დროით დილის 8 საათიდან შეძლეს მუშაობის განახლება.
თავის მხრივ უკრაინის საჰაერო ძალების მიერ დილით გამოქვეყნებული მონაცემებით, ღამის განმავლობაში რუსეთის საოკუაციო ძალებმა უკრაინაზე იერიში მიიტანეს 2 რაკეტით და 46 უპილოტო საფრენი აპარატით.
მათი ცნობით, უკრაინელმა სამხედროებმა ჩამოაგდეს 38 დრონი, 3 უკრაინის მიერ კონტროლირებული ტერიტორიიდან გავიდა რუსეთის და ოკუპირებული ლუგანსკის ოლქის მიმართულებით, 3 კი "ლოკალურად დაიკარგა“.
რუსეთის მორიგი შეტევის გამო საჰაერო თავდაცვის სისტემა ამოქმედებული იყო კიევის, ვინიცის, ჩერნიგოვის, კიროვოგრადის, ნიკოლაევის, ოდესის, ხერსონის, ჩერკასის, სუმის, დნეპროპეტროვსკის, ხარკოვის, ზაპოროჟიეს და პოლტავის ოლქებში.
ჩერკასის საოლქო-სამხედრო ადმინისტრაციის ინფორმაციით, უკრაინის საჰაერო ძალების მიერ მოუგერიებელმა დრონებმა დააზიანა ინფრასტრუქტურის ობიექტი და რამდენიმე სახლი, დაშავდა 2 ადამიანი.
იხილეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
