Starliner-ის კოსმოსური ხომალდი დედამიწაზე დაბრუნდა, თუმცა ასტრონავტების გარეშე - რა ინფორმაცია ხდება ცნობილი?
Boeing-ის Starliner-ის კოსმოსური ხომალდი დედამიწაზე დაბრუნდა, თუმცა ასტრონავტები, რომლებიც თან უნდა წამოეყვანა, საერთაშორისო კოსმოსურ სადგურზე რჩებიან. ცარიელი ხომალდი ავტონომიურ რეჟიმში მოგზაურობდა ორბიტალური ლაბორატორიიდან განბლოკვის შემდეგ.
ხომალდი ნიუ-მექსიკოში მდებარე White Sands Space Harbor-ში შაბათს ადგილობრივი დროით 23:01 საათზე დაეშვა. NASA-ს სპიკერმა თქვა, რომ კმაყოფილი იყო წარმატებული დაშვებით.
შეგახსენებთ, რომ ასტრონავტები კოსმოსში 5 ივნისს 8 დღიანი მისიით გაუშვეს, მაგრამ მთლიანობაში ორბიტაზე 8 თვე გაჩერება მოუწევთ. სუნ უილიამსი და ბუჩ ვილმორი ახლა საერთაშორისო კოსმოსურ სადგურზე (ISS) არიან.
სამწუხაროდ, მისიის პერიოდში, საფრენ აპარატს (Boeing Starliner) ბევრი პრობლემა შეექმნა, რამდენიმე ძრავა ექსპლუატაციიდან გამოვიდა და მოხდა საწვავის გაჟონვაც. დედამიწაზე დაბრუნების ერთ-ერთი ალტერნატიული გზა SpaceX-ის ხომალდის გამოყენება იყო. ამისთვის კი, ასტრონავტებს სპეციალური ეკიპირება დასჭირდებათ.
ორ ასტრონავტს ასეთი ეკიპირება არ აქვს და სწორედ ამიტომ გადაიწია დაბრუნებამ. NASA-ში განაცხადეს, რომ ასტრონავტები კოსმოსში ხანგრძლივად გაჩერებისთვის მომზადებულები არიან და ეს მათ ჯანმრთელობას პრობლემას არ შეუქმნის.
წაიკითხეთ ასევე: