"სვანეთის ყველა სოფელს ორ წელში უახლესი წიგნებით მოვამარაგებთ" - გიორგი კეკელიძისა და "ბიბლუსის" მორიგი საჩუქარი და ფოტოები სვანეთის რეგიონიდან
"ბიბლუსის" შემოქმედებითი დირექტორი, მწერალი გიორგი კეკელიძე "ბიბლუსთან" ერთად რეგიონებში ვიზიტსა და საჯარო სკოლების ბიბლიოთეკების წიგნებით მომარაგებას აგრძელებს.
გუშინ ის ლატალისა და წვირმის ტერიტორიულ ერთეულში იმყოფებოდა, სადაც ახალი წიგნებით მოამარაგა საჯარო სკოლის ბიბლიოთეკები. ამის შესახებ კეკელიძე სოციალურ ქსელში დაწერა და ადგილზე გადაღებული ფოტოებიც გამოაქვეყნა.
"სვანეთი. დღეს. ლატალის შემდეგ წვირმში ავედით და ახლა ამ ფანტასტიკური სოფლის სკოლას ახალი ბიბლიოთეკა აქვს.
სვანეთის ყველა სოფელს ორ წელიწადში უახლესი წიგნებით მოვამარაგებთ" - დაწერა გიორგი კეკელიძემ.
ცნობისთვის, 2024 წლის იანვარში “ბიბლუსმა” და გიორგი კეკელიძემ ერთობლივად დააფუძნეს "წიგნიერების გამავრცელებელი საზოგადოება". საზოგადოება ქართული ქალაქებისა და სოფლების სკოლებსა და ბიბლიოთეკებს წიგნებითა და კომპიუტერებით ამარაგებს, ასევე საზღვარგარეთ ქართული წიგნის კუთხეების მოწყობას, ლექცია-სემინარებს და სხვა საგანმანათლებლო პროექტებს ემსახურება.
