მნიშვნელოვანი ინფორმაცია
17
მაისიდღის ზოგადი ასტროლოგიური პროგნოზი
შაბათი, მთვარის მეოცე დღე დაიწყება 02:13-ზე, მთვარე თხის რქაშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რუსეთმა აფხაზეთს დაფინანსება შეუჩერა: რას ითხოვს კრემლი ოკუპირებული რეგიონისგან და როდემდე შეიძლება გაგრძელდეს სანქცია?
14:29 / 04-09-2024
რამდენიმე დღის წინ მედიაში გავრცელდა ინფორმაცია, რომ მოსკოვი აფხაზეთისთვის 1-ელი სექტემბრიდან ფინანსური დახმარების შეწყვეტას გეგმავდა მანამ, ვიდრე აფხაზური მხარე არ შეასრულებს გარკვეულ ვალდებულებებს - მათ შორის სასამართლო და საარბიტრაჟო გადაწყვეტილებების ურთიერთ აღიარების შესახებ შეთანხმების რატიფიცირებას, რუსი იურიდიული პირების მიერ აფხაზეთის ტერიტორიაზე საინვესტიციო პროექტების განხორციელების შესახებ შეთანხმების ძალაში შესვლას, კომერციული უძრავი ქონების (აპარტამენტების) ბაზარზე რუსი ინვესტორებისთვის შეზღუდვების მოხსნას. 3 სექტემბერს,. სერგეი შამბამ დაადასტურა, რომ, 1-ელი სექტემბრიდან რუსეთმა შეზღუდვების აღსრულება დაიწყო და გარკვეული სოციალური დაფინანსება უკვე შეჩერებულია. "1-ელი სექტემბრიდან მათი განხორციელება უკვე დაიწყო. გარკვეული სოციალური დაფინანსება უკვე შეჩერებულია, რომელიც ეხება ექიმებს, მასწავლებლებს, ძალოვან სტრუქტურებს და სხვა. ეს აშკარად პირველი ასეთი ნაბიჯია“, - ციტირებს აფხაზური მედია შამბას.
ოკუპირებული აფხაზეთის ე.წ. საგარეო საქმეთა მინისტრმა ჟურნალისტებს ასევე უთხრა - მოსკოვში იმყოფება"აფხაზეთის ლიდერი“ ასლან ბჟანია, რომელიც რამდენიმე შეხვედრას გამართავს შექმნილი ვითარებიდან გამოსავლის თაობაზეო.
ამ საკითხზე გვესაუბრება პოლიტოლოგი, პაატა ზაქარეიშვილი:
- რუსეთს იმედი ჰქონდა, რომ დღევანდელი დე ფაქტო პრეზიდენტი ასლან ბჟანია შეასრულებდა იმ პირობებს, რომელსაც ხელი მოაწერა 2020 წელს ნოემბერში. ხელშეკრულება სულ ჯამში 45 პუნქტისგან შედგებოდა, რომლიდანაც უმრავლესობა დღემდე შესრულებული არ არის. ამ საკითხს ამასობაში წამოეწია ბიჭვინთის აგარაკებისა და აპარტამენტების საკითხები, რომელიც შეთანხმებაში არ შედიოდა. როგორც ვხედავთ, ბჟანია ვერცერთ საკითხში ვერ უწევს სტრატეგიულ თანამშრომლობას მოსკოვს, ამიტომ ძალიან ცოტა დრო დარჩა... ის არაპოპულარულია აფხაზურ საზოგადოებაშიც, ბევრს აქვს უკვე ბჟანიას გადადგომის სურვილი, რაზეც მოსკოვი ნერვიულობს, რადგან ძნელია განსაზღვრო ვინ იქნება შემდეგი დე ფაქტო პრეზიდენტი თუ არა ბჟანია, ამიტომ მიმართეს შემდეგ ხერხებს, - აიძულონ ბჟანია, რომ რაღაც ნაბიჯები მაინც გადადგას მომავალი წლის მარტის დე ფაქტო საპრეზიდენტო არჩევნებამდე.
რუსეთმა მსგავსი პირობები ბლომად ჩადო იმ ხელშეკრულებაში, მაგრამ შეუსრულებლობის გამო დასჯის მიზნით არაფერი გაუკეთებია. ეს პირველი შემთხვევაა, რომ ხელშეკრულებაში გაწერილი ვალდებულების არ შესრულება აამუშავა რუსეთმა...
- რა მდგომარეობაში შეიძლება აღმოჩნდნენ აფხაზები?
- შეგვიძლია ვთქვათ, რომ წელს აფხაზეთში კარგად ჩაიარა საკურორტო სეზონმა, ბევრი რუსი ტურისტი იყო ჩასული, გარკვეული რაოდენობის თანხა შეიტანეს, რის გამოც მგონია, რომ შიმშილით არ მოკვდებიან. აფხაზების ამჟამინდელ განწყობას რაც შეეხება, რასაც ვუსმენ ოპოზიციურ არხებზე და ვკითხულობ გაზეთებს, იქ ამბობენ რომ უნდა მოითმინონ.
ეს თუ დიდ ხანს გაგრძელდა, მოსალოდნელია, რომ აფხაზეთში ანტირუსული განწყობა უფრო გაიზრდება, რაც რუსეთს არ აწყობს. ამიტომაც მგონია, რომ ყველაზე უარეს შემთხვევაში, ეს ყველაფერი შეიძლება გაგრძელდეს არჩევნებამდე, ხოლო უკეთეს შემთხვევაში მალევე მოხსნის რუსეთი ამ სანქციას. ხალხი სულ არ ანაღვლებთ, მაგრამ მათ არ სჭირდებათ ამ ეტაპზე აფხაზებთან დაპირისპირება.
ავტორი: ანასტასია შალიკაშვილი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
