მნიშვნელოვანი ინფორმაცია
18
მაისიდღის ზოგადი ასტროლოგიური პროგნოზი
კვირა, მთვარის ოცდამეერთე დღე დაიწყება 02:39-ზე, მთვარე მერწყულში იქნება 09:27-დან
კარგი დღეა ფინანსური საკითხების მოსაგვარებლად; გუნდური მუშაობისთვის; ვაჭრობისთვის. კარგია საერთო მიზნისთვის გაერთიანება, მომავლის დასახვა. კარგია მგზავრობა, მივლინება; საქმიანობის შეცვლა. მოაგვარეთ საოჯახო საქმეები; დაისვენეთ. კარგი დღეა ქორწინებისა და ნიშნობისათვის. ერთგულების ფიცის დასადებად; მავნე ჩვევებისგან გასათავისუფლებლად. ნუ გადატვირთავთ ღვიძლს. გაისეირნეთ სუფთა ჰაერზე. არ დაძაბოთ და გადაღალოთ თვალები. კარგი დღეა დასვენებისთვის, შიმშილისთვის.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
დრონებით მასობრივი თავდასხმა რუსეთზე: მოსკოვის მახლობლად ცეცხლი გაუჩნდა ელექტროსადგურსა და ნავთობბაზას, შეჩერდა ფრენები, აფეთქებები ისმოდა ბელგოროდში - ღამის ქრონიკა
11:06 / 02-09-2024
რუსეთის თავდაცვის სამინისტრო ამტკიცებს, რომ 1-ელ სექტემბრის ღამეს, სულ ცოტა, 158 უკრაინული უპილოტო საფრენი აპარატი გაანადგურეს ქვეყნის 15 რეგიონში, რაც რეკორდული რიცხვია.
დრონებით თავდასხმის შედეგად, ხანძარი გაჩნდა მოსკოვის ჩრდილოეთით, ტვერის რეგიონში არსებულ კონაკოვსკის ჰიდროელექტრო სადგურზე.
რუსეთის ხელისუფლების განცხადებით, ხანძარი უკვე ჩააქრეს, თუმცა უცნობია, რა ზიანი მიადგა ჰიდროელექტრო სადგურს.
ხანძრის ამსახველი ფოტო და ვიდეო მასალა ტვერის მცხოვრებლებმა ატვირთეს "ტელეგრამში“.
გამოცემა "ბაზას“ ცნობით, დრონი კაპოტნაში, მოსკოვის ნავთობგადამამუშავებელი ქარხნის ერთ-ერთ შენობას დაეჯახა, სადაცა ასევე ხანძარი გაჩნდა, რომელსაც ამ წუთებშიც აქრობენ. გავრცელდა ინფორმაცია, რომ თავდაპირველად ხანძარს მიენიჭა სირთულის უმაღლესი ხარისხი. მოსკოვის მერმა სერგეი სობიანინმა განაცხადა, რომ ხანძარი "ლოკალიზებულია" და ნავთობგადამამუშავებელი ქარხნის მუშაობას საფრთხე არ ემუქრება.
მოსკოვის ხელისუფლების განცხადებით, ქალაქთან მიახლოებისას რამდენიმე უპილოტო თვითმფრინავი ჩამოაგდეს. სოფელ სპარტაკში (ჟუკოვსკის ქალაქის რაიონი) დრონის ჩამოვარდნის შედეგად კერძო სახლი დაზიანდა,
დრონების თავდასხმის გამო მუშაობა დროებით შეაჩერეს მოსკოვის ვნუკოვოს, დომოდედოვოსა და ჟუკოვსკის აეროპორტებმა. 43 თვითმფრინავი კი ავარიულად დაეშვა ალტერნატიულ აეროდრომებზე.
გავრცელებული ინფორმაციით, ეს არის დრონებით ერთ-ერთი ყველაზე მასობრივი თავდასხმა მოსკოვზე უკრაინაში რუსეთის შეჭრის დაწყებიდან. უკრაინულ მხარს ამაზე კომენტარი ჯერ არ გაუკეთებია.
აფეთქებების ხმა ისმოდა ბელგოროდში. ქალაქსა და მის სამხრეთ-დასავლეთით მდებარე სოფელ მაისკში, კვირას, დაბომბვის შედეგად 12 ადამიანი დაშავდა, განაცხადა გუბერნატორმა ვიაჩესლავ გლადკოვმა. "ტელეგრამარხი" "ბაზა" აქვეყნებს თავდასხმის ამსახველ ფოტო და ვიდეომასალას.
- შეტევა კიევზე
რუსულმა ძალებმა კიევს 10-ზე მეტი ფრთოსანი რაკეტით, ათამდე ბალისტიკური რაკეტით და დრონებით დაარტყეს, - ინფორმაციას უკრაინული მედია კიევის საქალაქო-სამხედრო ადმინისტრაციის ხელმძღვანელზე, სერგეი პოპკოზე დაყრდნობით ავრცელებს.
"წარმოუდგენლად დიდი რაოდენობით ბალისტიკური რაკეტები! ქალაქში სარაკეტო დარტყმის შედეგად ნამსხვრევები ჩამოვარდა გოლოშეევსკის, სვიატოშინსკის, დნეპრისა და შევჩენკოვსკის რაიონებში. წინასწარი ინფორმაციით, ავტომობილებს ცეცხლი გაუჩნდა და არასაცხოვრებელი ფართები დაზიანდა“, - აღნიშნა პოპკომ.
მისი თქმით, საჰაერო თავდაცვის ძალებმა დედაქალაქის საჰაერო სივრცეში ათზე მეტი ფრთოსანი რაკეტა, 10-მდე ბალისტიკური რაკეტა და თავდასხმის დრონი გაანადგურეს.
ბარბაროსული თავდასხმა
რუსული ძალები სუმის ბავშვთა სოციალურ-ფსიქოლოგიური რეაბილიტაციის ცენტრსა და ბავშვთა სახლს რაკეტებით დაესხნენ თავს. შედეგად 13 ადამიანი, მათ შორის ოთხი ბავშვი, დაშავდა, - ინფორმაციას უკრაინული მედია სუმის ოლქის პოლიციის კომუნიკაციის განყოფილებაზე დაყრდნობით ავრცელებს.
მათივე ინფორმაციით, თავდასხმის შედეგად განადგურდა საგანმანათლებლო დაწესებულება და დაზიანდა, სულ მცირე, 5 მაღალსართულიანი შენობა.
ეროვნულ პოლიციაში განმარტავენ, რომ გამომძიებლები აღრიცხავენ ზარალს და აგროვებენ მტკიცებულებებს აგრესორი სახელმწიფოს არმიის მიერ ჩადენილი ომის დანაშაულის შესახებ.
"აღნიშნულ ფაქტზე სისხლის სამართლის საქმე აღიძრა უკრაინის სისხლის სამართლის კოდექსის 438-ე მუხლით: "ომის კანონებისა და წეს-ჩვეულებების დარღვევა“, - აცხადებენ სუმის ოლქის პოლიციაში.
იხილეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
