გამანადგურებლებით გაფერადებული პარიზის ცა, ნარინჯისფერი მზის ჩასვლა და ქართველები კონკორდის მოედანზე - საფრანგეთში პარაოლიმპიური თამაშები გაიხსნა (ფოტო/ვიდეო)
საფრანგეთის დედაქალაქის ცენტრში 2024 წლის პარაოლიმპიური თამაშების ოფიციალური გახსნის ცერემონია გაიმართა, რომელსაც 184 ქვეყნიდან და რეგიონიდან 4000-ზე მეტი სპორტსმენი დაესწრო.
მთავარი ოლიმპიადის გახსნის მსგავსად, ცერემონია პირველად თანამედროვე ოლიმპიური მოძრაობის ისტორიაში ჩატარდა არა სტადიონზე ან სხვა ოლიმპიურ ადგილებში, არამედ სწორედ თამაშების დედაქალაქის ცენტრში.
ამავდროულად, თუ პირველი ღონისძიება 26 ივლისს, საგრძნობლად გააფუჭა კოკისპირულმა წვიმამ, გუშინ პარიზში 32-გრადუსიანი სიცხის შემდეგ საღამოს ოდნავ აგრილდა. ცა უღრუბლო იყო.
თუმცა, მაყურებლებმა გახსნამდე რამდენიმე საათით ადრე დაიწყეს ადგილების დაკავება, ჯერ კიდევ მცხუნვარე მზის ქვეშ.
ცერემონია პრეზიდენტმა ემანუელ მაკრონმა და საერთაშორისო პარაოლიმპიური კომიტეტის ხელმძღვანელმა ენდრიუ პარსონსმა გახსნეს.
პარაოლიმპიური თამაშების გახსნისას პარიზის ცა საფრანგეთის ეროვნული დროშის ფერებმა - წითელმა, თეთრმა და ლურჯმა მოიცვა, რომლის კვალიც გამანადგურებელმა თვითმფრინავებმა დატოვეს და გუნდებმა დაიწყეს მოედანზე შესვლა, როგორც ყოველთვის, ანბანური თანმიმდევრობით.
<blockquote class="twitter-tweet" data-media-max-width="560"><p lang="qme" dir="ltr">💙🤍❤️<a href="https://twitter.com/hashtag/Paralympics?src=hash&ref_src=twsrc%5Etfw">#Paralympics</a> <a href="https://t.co/NI3X4c0P09">pic.twitter.com/NI3X4c0P09</a></p>— Paralympic Games (@Paralympics) <a href="https://twitter.com/Paralympics/status/1828865455915676032?ref_src=twsrc%5Etfw">August 28, 2024</a></blockquote> <script async src="https://platform.twitter.com/widgets.js" charset="utf-8"></script>ყველაზე წარმომადგენლობითი დელეგაცია ბრაზილიიდან არის - 250-ზე მეტი სპორტსმენი. ყველაზე მოკრძალებულია მიანმარის დელეგაცია, საიდანაც სამი პარაოლიმპიელი სპორტსმენი გამოვიდა.
ვიდრე შემსრულებლები სცენაზე გულშემატკივარს ართობდნენ, თამაშების მოხალისეები ცეკვავდნენ პარაოლიმპიელი სპორტსმენების გვერდით, ფრიალებდა ეროვნული დროშები, რომლებიც განსაკუთრებით ელეგანტურად გამოიყურებოდა ნარინჯისფერი მზის ჩასვლის ფონზე.
უკრაინის დელეგაციას შეკრებილები განსაკუთრებით ხმამაღლა მიესალმნენ.
ფრანგული დელეგაცია უკანასკნელი მივიდა კონკორდის მოედანზე, დამსწრეთა დიდი ოვაციების ფონზე, რომლებიც მღეროდნენ პოპულარულ ფრანგულ სიმღერებს.
მომდევნო კვირანახევრის განმავლობაში (8 სექტემბრამდე) შეზღუდული შესაძლებლობის მქონე სპორტსმენები სპორტის 22 სახეობაში იასპარეზებენ.
- წელს საქართველოს პარაოლიმპიადაზე რეკორდული რაოდენობის, 14 სპორტსმენი წარმოადგენს. მათ შორის არიან:
ანა ჯაფარიძე - პარატაეკვონდო,19 წლის ანა პარაოლიმპიური თამაშების ყველაზე ახალგაზრდა მონაწილეა. მან უკვე შეძლო ევროპის საკონტინენტო ტურნირის მოგება.
გიორგი ნიკოლაძე - პარატაეკვონდო, გიორგი ევროპის საკონტინენტო ტურნირისა და გრან-პრის ორგზის გამარჯვებულია.
ლია ჩაჩიბაია - პარატაეკვონდო, ლიას ევროპის ჩემპიონატზე ბრინჯაოს მედალი აქვს მოპოვებული.
ირმა ხეცურიანი - ეტლით ფარიკაობა, ირმა მსოფლიოსა და ევროპის ჩემპიონია, მას მსოფლიო თასი 21-ჯერ აქვს მოგებული.
ნინა თიბილაშვილი - ეტლით ფარიკაობა, ნინა პარაოლიმპიურ მედალს უკვე ფლობს - ის ტოკიოს ზაფხულის პარაოლიმპიური თამაშების ვიცე-ჩემპიონია. გარდა ამისა, თიბილაშვილი არის მსოფლიო ჩემპიონი გუნდურ თანრიგში და მსოფლიო თასის მრავალგზის გამარჯვებული.
გიგა ოჩხიკიძე - პარამძლეოსნობა (ბირთვის კვრა). გიგა მსოფლიოს მოქმედი ჩემპიონია. ამასთანავე, მას ეკუთვნის რეკორდი ევროპის მასშტაბით.
დავით ქავთარაძე - პარამძლეოსნობა (შუბის სტყორცნა), დავითი შუბის ტყორცნაში გრან-პრის გამარჯვებულია. მან ტოკიოს პარაოლიმპიადაზე ასპარეზობა მე-12 ადგილზე დაასრულა.
რევაზ ჩიკოიძე - პარაძიუდო, რევაზს ტოკიოს პარაოლიმპიურ თამაშებზე ვერცხლის მედალი აქვს მოპოვებული. გარდა ამისა, ის არის ევროპის ორგზის ჩემპიონი და მსოფლიოს ბრინჯაოს პრიზიორი.
გიორგი ქალდანი - პარაძიუდო, გიორგი ევროპის ორგზის ჩემპიონია. ამასთანავე, ის არის არაერთი საერთაშორისო ტურნირის გამარჯვებული.
ინა ქალდანი - პარაძიუდო, ინა ტოკიოს ზაფხულის პარაოლიმპიური თამაშების ვიცე-ჩემპიონი, ევროპის ჩემპიონი და მსოფლიო ჩემპიონატის ბრინჯაოს მედლის მფლობელია.
ლაშა ყიზილაშვილი - პარაძიუდო. ლაშას მსოფლიოსა და ევროპის ჩემპიონატებზე ბრინჯაოს მედალი აქვს მოპოვებული.
ზურაბ ზურაბიანი - პარაძიუდო. ზურაბი მსოფლიო ჩემპიონატის ბრინჯაოს მედალს ფლობს, ასევე არის ევროპის ვიცე-ჩემპიონი.
აკაკი ჯინჭარაძე - პარაწოლჭიმი. აკაკი ევროპის მოქმედი ჩემპიონი და მსოფლიო თასის მრავალგზის გამარჯვებულია.
ლადო ჭინჭარაული - პარასროლა. ლადო ევროპის მოქმედი ვიცე-ჩემპიონია.