“1000-ზე მე სამხედრო მოსამსახურეს გადაეცემა ბინები ახლად აშენებულ კორპუსებში“ - ირაკლი კობახიძე
პრემიერ-მინისტრ ირაკლი კობახიძის განცხადებით, 1000-მდე სამხედრო მოსამსახურეს ახლად აშენებულ კორპუსებში ბინები გადაეცემა. აღნიშნულის შესახებ კობახიძემ მთავრობის ხდომაზე განაცხადა.
როგორც პრემიერმა აღნიშნა, მომავალი წლიდან ბიუჯეტში შესაბამისი თანხები იქნება გათვალისწინებული, რათა საცხოვრებელი ფართები კიდევ უფრო მეტ სამხედრო მოსამსახურეს გადაეცეს.
“ქართულ ჯარზე ზრუნვა საქართველოს მთავრობის განსაკუთრებული პრიორიტეტია და ამ კუთხით, რა თქმა უნდა, განსაკუთრებული მნიშვნელობა ენიჭება ჩვენი სამხედრო მოსამსახურეების დაფასებას. გვაქვს ძალიან მნიშვნელოვანი პროგრამა, რაზეც მინდა კიდევ ერთხელ ყურადღება გავამახვილო. 1000-ზე მე სამხედრო მოსამსახურეს გადაეცემა ბინები ახლად აშენებულ კორპუსებში. მადლობა თავდაცვის სამინისტროს, თავდაცვის მინისტრს იმისთვის, რომ ეს პროგრამა წარმატებით მივიდა ბოლომდე. მინდა, თავდაცვის მინისტრს ვთხოვო, შემდეგი ეტაპის გეგმა მოამზადოს, რომელიც საშუალებას მოგვცემს, კიდევ უფრო მეტ სამხედრო მოსამსახურეს გადავცეთ ბინები ახლად აშენებულ კორპუსებში. რა თქმა უნდა, ბიუჯეტში შესაბამისი თანხები იქნება გათვალისწინებული მომავალი წლიდანაც“, - განაცხადა კობახიძემ.