მამაკაცმა 2 წლის შვილი და ცოლი მე-16 სართულიდან გადააგდო - მოსკოვში მომხდარი უმძიმესი შემთხვევის დეტალები (ფოტო)

მოსკოვში, ლეფორტოვოს საცხოვრებელ კომპლექსში მამაკაცმა მისი მეუღლე და მცირეწლოვანი მე-16 სართულის ფანჯრიდან გადააგდო. როგორც ტელეგრამარხებზე ვრცელდება, მომხდარის შემდეგ, შიშველ მდგომარეობაში მყოფი მამაკაცი ფანჯრიდან იყურებოდა და სხვა ნივთების სროლას აგრძელებდა.

უმძიმესი შინაარსის გამო, ვიდეოს გავრცელებისგან თავს ვიკავებთ.

შემთხვევის ადგილზე პოლიციის თანამშრომლები მალევე მივიდნენ. თუმცა, მათ მოთხოვნას, გაეღო ბინის კარები და ჩაბარებოდა ძალოვან უწყებებს, მამაკაცი არ ემორჩილებოდა.

მოგვიანებით პოლიციამ ბინა ძალის გამოყენებით გააღო და მამაკაცი დააკავეს. შემთხვევის ადგილზე სამართალდამცავი ორგანოების მუშაობას კოორდინაციას უწევდა ლეფორტოვოს რაიონთაშორისი პროკურორი ზაფარ მახმუდოვი.

დადგინდა ბრალდებულის ვინაობა. ის 39 წლის ალექსანდრე ლიპატოვია.

თვითმხილველების თქმით, დაახლოებით დილის 9 საათზე ფანჯრიდან ორი წლის ბავშვი გადმოვარდა და მალე ქალიც დაეცა. გარდაცვლილს მილენა ლიპატოვა ერქვა.

სხვა დეტალები ზუსტდება. როგორც თვითმხილველები ვარაუდობენ, მამაკაცი ნასვამ მდგომარეობაში იმყოფებოდა.