“შესაძლო ბრალდებებს შორისაა ტერორიზმი, ნარკოტიკები, პედოფილია...“ - დუროვის დაკავების დეტალები: რას წერს ფრანგული მედია მილიარდერზე, რომელიც დაზვერვის სამსახურმა აეროპორტში აიყვანა
Telegram-ის აღმასრულებელი დირექტორი, პაველ დუროვი საფრანგეთის პოლიციამ პარიზის აეროპორტში დააკავა. ფრანგული მედიის ცნობით, დუროვი მას შემდეგ დააკავეს, რაც მისი პირადი თვითმფრინავი ლე ბურჟეს აეროპორტში დაეშვა.
ოფიციალური პირების განცხადებით, 39 წლის მამაკაცი აპლიკაცია telegram-თან დაკავშირებული დანაშაულისთვის დააკავეს. ის დაზვერვის სამსახურის წარმომადგენლებმა თვითმფრინავიდან გადმოსვლისთანავე აიყვანეს.
ფრანგული TF1-ის ცნობით, დუროვს “ტელეგრამ“ პლატფორმის სამართალდამცავ ორგანოებთან თანამშრომლობაში და ქსელში მომხდარი უკანონო ქმედებების გამო ედავებიან. გავრცელებული ინფორმაციით, საქმე ნარკოტიკების, ბავშვთა პორნოგრაფიისა და თაღლითობის გავრცელებას ეხება.
ბიზნესმენი საფრანგეთში აზერბაიჯანიდან ჩავიდა. როგორც ფრანგული მედია წერს, დუროვს, რუსეთის გარდა, საფრანგეთის მოქალაქეობაც აქვს. მათივე თქმით, მან იცოდა, რომ ძებნილი იყო და თავს არიდებდა საფრანგეთში ჩასვლას.
Telegram-ს პაველ დუროვის დაკავებასთან დაკავშირებით ოფიციალური ინფორმაცია ჯერ არ გავრცელებია.
-
რა დეტალები ხდება ცნობილი
პაველ დუროვი საფრანგეთის დაზვერვის სამსახურებმა პარიზის ლე ბურჟეს აეროპორტში პირადი თვითმფრინავიდან ჩამოსვლის დროს დააკავეს. TF1-ის ცნობით, 39 წლის Telegram-ის დამფუძნებელს თან ახლდა მისი დაცვა და ქალი. დაკავებაში საჰაერო ტრანსპორტის ჟანდარმები მონაწილეობდნენ.
გავრცელებული ინფორმაციით, დუროვი ამჟამად წინასწარ პატიმრობაში იმყოფება, ბრალის დადასტურების შემთხვევაში კი 20 წლამდე თავისუფლების აღკვეთა ემუქრება. ის სასამართლოში წარსდგენა როგორც საფრანგეთის მოქალაქე.
-
შესაძლო ბრალდებებს შორის: ტერორიზმი, ნარკოტიკები, თაღლითობაში თანამონაწილეობა, ფულის გათეთრება და პედოფილიაა - იუწყება TF1.
“პაველ დუროვმა დაუშვა უამრავი დანაშაული“, - ავრცელებს მედია.
ფაქტს X-ის (Twitter) მფლობელი, მილიარდეი ილონ მასკიც გამოეხმაურა:
მისი თქმით, Telegram-ის შემქმნელს “არასდროს დაუწესებია ცენზურა და არ დაურევია სიტყვის თავისუფლება“
მან ასევე გამოაქვეყნა FreePavel ჰეშთეგი თავის X გვერდზე და დაურთო დუროვის ინტერვიუ რესპუბლიკელ ჟურნალისტ კარლსონთან.
პაველმა საფრანგეთის მოქალაქეობა 2021 წელს მიიღო, რასაც გაზეთმა Le Monde-მა "განსაკუთრებული და უაღრესად პოლიტიკური პროცედურა" უწოდა. მილიარდერი, რომელსაც “რუს მარ ცუკერბერგსაც“ უწოდებენ, 2017 წლიდან დუბაიში ცხოვრობს, სადაც Telegram-ის სათაო ოფისიც არის განთავსებული.
აპლიკაცია “ტელეგრამი“ რუსეთში 2018 წელს აიკრძალა, მას შემდეგ, რაც დუროვმა მომხმარებლის მონაცემების გადაცემაზე უარი თქვა, თუმცა აკრძალვა 2021 წელს გაუქმდა.
პაველ დუროვის ქონება, Forbes-ის შეფასებით, 15 მილიარდ დოლარს შეადგენს.
იხილეთ ასევე: