19
მაისიდღის ზოგადი ასტროლოგიური პროგნოზი
22 აგვისტოს შუადღისას, უკრაინულმა და რუსულმა წყაროებმა გაავრცელეს ინფორმაცია სარაკეტო დარტყმების თაობაზე, რომლის სავარაუდო სამიზნე გახდა კრასნოდარის მხარის ანექსირებულ ყირიმთან დამაკავშირებელი საბორნე გადასასვლელი.
"ტელეგრამის“ რამდენიმე არხმა გამოაქვეყნა ვიდეო, რომელშიც ჩანს, საბორნე გადასასვლელის თავზე ავარდნილი კვამლი.
მოგვიანებით რუსეთის ხელისუფლებამ განაცხადა, რომ უკრაინის შეიარაღებული ძალების თავდასხმის შემდეგ, "კავკაზის“ პორტში სარკინიგზო ბორანი ჩაიძირა. მასზე 30 ავზი საწვავი იყო, ჯერ ხანძარი გაჩნდა, მალევე კი გემი ფსკერისკენ წავიდა. გავრცელებული ინფორმაციით, ეკიპაჟის 17 წევრი გადაარჩინეს, 2- ს კი ეძებენ. უკრაინას ამ თავდასხმაზე ოფიციალური კომენტარი არ გაუკეთებია.
ერთ-ერთი გადაუმოწმებელი ცნობით, პორტში მდგარ ხომალდს უკრაინული რაკეტა "ნეპტუნი“ მოხვდა.
ხუთშაბათს, დღის მეორე ნახევარში, დროებით შეწყდა მანქანების მოძრაობა ქერჩის ხიდზე და წყლის სამგზავრო ტრანსპორტისა - სევასტოპოლის ყურეში.
შეგახსენებთ, უკრაინელი სამხედროები რეგულარულად ახორციელებენ სარაკეტო დარტყმებს ყირიმში მდებარე სამხედრო სამიზნეების წინააღმდეგ. ბოლო პერიოდში დაიბომბა საბორნე გადასასვლელი, რომელიც ოკუპირებულ ყირიმში, სავარაუდოდ, სამხედრო ტვირთების ტრანსპორტირებისთვის გამოიყენება.
მოწოდება ევაკუაციისკენ
რუსეთის ხელისუფლებამ ასევე გაავრცელა ცნობა კურსკის რეგიონის სასაზღვრო რაიონებიდან 133 ათასი ადამიანის ევაკუაციის შესახებ. პუტინთან შეხვედრაზე გადაწყდა საბრძოლო ზონის დატოვების შემდეგ მოქალაქეებს15 ათასი რუბლს (დაახლოებით $160) გადასცემენ.
კურსკის ოლქის ხელმძღვანელის მრჩეველმა რომან ალიოხინმა ევაკუაციისკენ მოუწოდა ქალაქ რილსკის მოსახლეობას. "ვიდრე არსებობს ამის შესაძლებლობა და ეს უსაფრთხოა", - განაცხადა მან. ქალაქი უკრაინის საზღვრიდან 40 კილომეტრში მდებარეობს.
"არ დაიცადოთ ბოლომდე, როგორც სუჯა, კორენევი, გლუშკოვო, თქვენი და თქვენი ნათესავების სიცოცხლე ძაღლის სიცოცხლეზე ძვირფასია“, - დაწერა ალიოხინმა თავის "ტელეგრამის“ არხზე და დაამატა, თითქოს უკრაინელი სამხედროები "გერმანელი ფაშისტებივით იქცევიან და მშვიდობიან [მოქალაქეებს] ხვრეტენ მხოლოდ გასართობად“, "სისხლიანი სატანისტური რიტუალებისთვის“.
ალიოხინმა დაამატა ისიც, რომ რასაც წერს, ყველაფერი მისი პირადი მოსაზრებაა, როგორც "მოხალისის და ადამიანის, რომელიც ამ ომს უყურებს თავიდანვე და არა, როგორც გუბერნატორის მრჩევლის“.
უკრაინის შეიარაღებული ძალების საჰაერო ძალებმა ტელეგრამის არხზე გამოაქვეყნეს ვიდეო, რომელშიც, მათი თქმით, ჩანს, ამერიკული GBU-39 ბომბების თავდასხმები კურსკის რეგიონში რუსეთის საყრდენ პუნქტზე.
თავდასხმა აეროდრომზე
ვოლგოგრადის მახლობლად მარინოვკას აეროდრომის ბოლო სატელიტური სურათები აჩვენებს აფეთქებების და ხანძრის კვალს. როგორც უკვე გავრცელდა ინფორმაცია, 22 აგვისტოს ღამით, ამ აეროდრომს, სავარაუდოდ, უკრაინული დრონები დაესხნენ თავს.
ვოლგოგრადის რეგიონის ხელისუფლებამ განაცხადა, რომ დრონის თავდასხმის შემდეგ სამხედრო ობიექტში ხანძარი გაჩნდა. ერთი დღით ადრე მურმანსკის რაიონში, ოლენას სტრატეგიული ბომბდამშენის ბაზასთან, უკრაინული დრონი ჩამოაგდეს. ეს არის 1750 კმ უკრაინის საზღვრის უახლოესი წერტილიდან.
ვოლგოგრადის აეროპორტმა დრონის თავდასხმის საფრთხის გამო მუშაობა შეაჩერა.
შეგახსენებთ, როსტოვის ოლქში, პროლეტარსკში, ნავთობის საცავი უკვე ხუთი დღეა იწვის და მისი ჩაქრობა ჯერჯერობით ვერ ხერხდება. ნავთობის შესანახ ობიექტს ცეცხლი კვირას უკრაინული თვითმფრინავების თავდასხმის შემდეგ გაუჩნდა.
თავის მხრივ გრძელდება რუსეთის თავდასხმები უკრაინაზე
ხერსონის რაიონში ხუთშაბათს ღამით განხორციელდა რაკეტების და თვითმფრინავების მასობრივი თავდასხმა, შედაგად 87 წლის ქალი გარდაიცვალა, ქალაქის ნაწილი კი წყლისა და ელექტროენერგიის გარეშე დარჩა.
უკრაინელი სამხედროების ინფორმაციით, შაჰიდის ტიპის უპილოტო თვითმფრინავების ჯგუფი სუმის რაიონში დააფიქსირეს და ის პოლტავის რეგიონისკენ მოძრაობდა. კერძოდ, უკრაინის შეიარაღებული ძალები მირგოროდში დარტყმების საშიშროებაზე საუბრობენ.
გარდა ამისა, ხერსონის რეგიონიდან ნიკოლაევსკის მიმართულებითაც შენიშნეს დრონები.
ასევე არის დარტყმების საშიშროება კიროვოგრადისა და ჩერკასის რაიონებში, - წერს უკრაინის საჰაერო ძალების "ტელეგრამის“ არხი.
ასევე ხუთშაბათს რუსეთის ჯარებმა განახორციელეს 88 თავდასხმა სუმის რეგიონის სასაზღვრო ტერიტორიებსა და დასახლებებზე, რის შესახებაც იტყობინება რეგიონალური ადმინისტრაცია. მათივე ინფორმაციით, დიღუპა 2, გლუხივის თემის დაბომბვისას კი, კიდევ ერთი ადგილობრივი მცხოვრები დაშავდა.
- შეგახსენებთ, 6 აგვისტოდან გრძელდება უკრაინის არმიის შეტევა და ბრძოლები კურსკის რაიონში. უკრაინის ხელისუფლება აცხადებს, რომ უკრაინის შეიარაღებული ძალების კონტროლქვეშაა ოთხმოცდაათზე მეტი დასახლება და წინსვლა გრძელდება, თუმცა რუსეთის სამხედრო სარდლობა რეგულარულად იუწყება, რომ უკრაინის არმიის შეტევა "შეჩერებულია".
