მნიშვნელოვანი ინფორმაცია
18
მაისიდღის ზოგადი ასტროლოგიური პროგნოზი
ორშაბათი, მთვარის ოცდამეორე დღე დაიწყება 02:56-ზე, მთვარე მერწყულშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ავტოკატასტროფას ირანში 28 პაკისტანელი მომლოცველი ემსხვერპლა - ავტობუსი გზიდან გადავიდა და გადაბრუნდა
13:51 / 21-08-2024
ირანში გადაბრუნდა ავტობუსი, რომელშიც პაკისტანელი მომლოცველები იმყოფებოდნენ. ირანული სახელმწიფო მედიის ცნობით, 28 მგზავრი დაიღუპა. "როიტერის" ინფორმაციით, რომელიც პოლიციის წინასწარ გამოძიებას ეყრდნობა, ავარია სამშაბათ ღამით, ირანის ცენტრალურ პროვინცია იაზდში მოხდა და მისი მიზეზი გაუმართავი სამუხრუჭე სისტემა გახდა. პროვინციის კრიზისების მართვის დირექტორის განცხადებით, რომელიც ირანის სახელმწიფო ტელევიზიას ესაუბრა, კიდევ 23 მგზავრი დაშავდა, რომელთაგან შვიდი კრიტიკულ მდგომარეობაშია.
მომლოცველები პაკისტანის სინდჰის პროვინციიდან ერაყის წმინდა ქალაქ კარბალაში მიემგზავრებოდნენ, რათა შიიტური კალენდრის ერთ-ერთი უდიდესი მოვლენა აღენიშნათ. როგორც პაკისტანური მედია Dawn News იუწყება, ავტობუსში დაახლოებით 53 ადამიანი იმყოფებოდა, მათ შორის მომლოცველები ლარკანადან, გჰოტკიდან და სხვა ქალაქებიდან. კრიზისების მართვის დირექტორის, ალი მალაქზადეს ცნობით, ავარიის შედეგად 11 ქალი და 17 მამაკაცი გარდაიცვალა.
ადგილობრივი მედიის ცნობით, ავტობუსს ცეცხლი ირანში, დეჰშირ-ტაფტის გამშვებ პუნქტთან გაუჩნდა, რომელიც თეირანიდან სამხრეთით, დაახლოებით 681 კმ მანძილზე მდებარეობს. მალაქზადე განმარტავს, რომ ავტობუსი გზიდან "მძღოლის მიერ ავტოსატრანსპორტო საშუალების კონტროლის დაკარგვის, უცნობი გზის, მაღალი სიჩქარისა და ტექნიკური პრობლემების“ გამო გადავარდა.
პაკისტანის პრეზიდენტმა ასიფ ალი ზარდარიმ განაცხადა, რომ ის საგარეო საქმეთა სამინისტროს ავარიაში დაღუპულთა ცხედრების დასაბრუნებლად და დაშავებულთათვის დახმარების გასაწევად იმუშავებს.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
