მნიშვნელოვანი ინფორმაცია
19
მაისიდღის ზოგადი ასტროლოგიური პროგნოზი
ორშაბათი, მთვარის ოცდამეორე დღე დაიწყება 02:56-ზე, მთვარე მერწყულშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ღამით რუსებმა კიევს დრონებითა და რაკეტებით შეუტიეს - თუმცა, უკრაინა კურსკში წინ მიიწევს: დრამატული ცვლილებები რუსეთ - უკრაინის ომში
10:22 / 20-08-2024
უახლესი მონაცემებით, უკრაინა ამჟამად რუსეთის ტერიტორიის 1250 კვადრატულ კილომეტრზე მეტსა და 92 დასახლებას აკონტროლებს. ამის შესახებ უკრაინის პრეზიდენტმა, ვოლოდიმირ ზელენსკიმ ელჩებთან შეხვედრისას, ანგარიშის წარდგენისას განაცხადა.
“რამდენიმე თვის წინ რომ გაეგოთ, ჩვენ ვგეგმავდით ოპერაციას, კურსკის ოლქში ოპერაციის მსგავსს, ბევრი ადამიანი იტყოდა, რომ ეს არარეალური იყო და ყველაზე წითელ ხაზს კვეთდა იმ წითელ ხაზებს შორის, რომელიც რუსეთს აქვს. რუსეთის ე.წ. წითელი ხაზების ყველა ცნება ამ დღეებში სადღაც სუჯას მახლობლად დაინგრა“, - აღნიშნა ზელენსკიმ.
მისი თქმით, “რუსეთთან დაკავშირებით წითელი ხაზების კონცეფცია სუჯას დროს დაინგრა“.
“მსოფლიო ხედავს, რომ ამ ომში ყველაფერი მხოლოდ გამბედაობაზეა დამოკიდებული - ჩვენს გამბედაობაზე, ჩვენი პარტნიორების გამბედაობაზე. მნიშვნელოვანია, რომ ჩვენი პარტნიორები სინქრონიზდნენ ჩვენთან ამ გადაწყვეტილებაში და მაშინ რუსეთს არ დარჩება სხვა ნაბიჯი, გარდა სამართლიანი მშვიდობის დამყარებისა“, - აღნიშნა ზელენსკიმ.
თუმცა, ღამის განმავლობაში უკრაინაში ვითარება დაიძაბა. როგორც უკრაინული მედია წერს, რუსეთმა კიევს რაკეტებითა და თვითმფრინავებით დაარტყა.
უკრაინის დედაქალაქს ღამით დრონებით შეუტიეს, დილით კი უკრაინის მიმართულებით რაკეტები გაუშვეს.
“უკრაინის დედაქალაქის პერიმეტრზე საჰაერო თავდაცვის სისტემები მოქმედებდა“,- განაცხადა ქალაქის სამხედრო ადმინისტრაციის ხელმძღვანელმა სერგეი პოპკომ. “რეგიონში, კიევის მისადგომებზე, საჰაერო თავდაცვა მოქმედებს. დარჩით თავშესაფრებში, სანამ საჰაერო თავდასხმის გაფრთხილება არ გაქრება“, - წერს ის.
არსებული ინფორმაციით, მტერმა ქალაქს ჩრდილოეთიდან, სავარაუდოდ, ისკანდერ-K საკრუიზო რაკეტებით დაარტყა. ხელისუფლების ცნობით, თავდასხმის შედეგად დედაქალაქში მსხვერპლი და ნგრევა არ ყოფილა.
მთლიანობაში, ღამის განმავლობაში უკრაინელებმა რუსების მიერ გაშვებული 25 დრონი და 3 რაკეტა გაანადგურეს. აღსანიშნავია, რომ ეს იყო 41-ე საჰაერო თავდასხმის გაფრთხილება კიევისთვის და მეხუთე სარაკეტო შეტევა აგვისტოს დასაწყისიდან.
რუსეთ უკრაინის ომი - 20 აგვისტოს მონაცემები
უკრაინის უმეტეს რეგიონში ღამით საჰაერო განგაში გამოცხადდა.
მოსახლეობას თავშესაფრებში დამალვისკენ მოუწოდებდნენ ჩერნიგოვის, პოლტავას, დნეპროპეტროვსკის, ვინიცის რაიონებში, ასევე ვინიცისა და ხმელნიცკის რეგიონების საზღვარზე.
საყოველთაო განგაში გამოცხადდა კიევის რეგიონშიც. აფეთქებები იყო ხმელნიცკის რაიონში.
ვითარება კურსკის რეგიონში
კურსკის რეგიონში არსებულ მდგომარეობა, სადაც 6 აგვისტოს უკრაინის შეიარაღებული ძალები შეიჭრნენ, მეტნაკლებად სტაბილურია.
- “ჩვენ ჯერ არ ვაპირებთ კურსკის რეგიონის დატოვებას. მაგრამ, ვფიქრობ, ეს ყველაფერი დროებითია, ომის დასრულებამდე“, - განაცხადა უკრაინელმა სამხედრომ The Washington Post- თან, სადაც მას “ბოქსიორად“ მოიხსენიებენ.
კურსკისა და სუმის რეგიონებს შორის საზღვარზე მდებარე სასაზღვრო გამშვები პუნქტი "სუჯა" თითქმის განადგურებულია, მაგრამ ქალაქის ცენტრი ხელუხლებელია, ხალხი მაღაზიაში მშვიდად ყიდულობს სასურსათო პროდუქტებს.
"ჩვენ გვითხრეს, რომ არ შეგვაწუხებენ - იცხოვრეთ მშვიდად, ყველაფერი კარგადაა" - განუცხადეს სუჯას მცხოვრებლებმა უკრაინელ ჟურნალისტებს.
იხილეთ ასევე:
00:00 / 00:00
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
