ამერიკელი მილიარდერის შვილიშვილი, რომელიც თვითმარქვია ქართველმა თავადმა გააცურა - ბარბარა ჰატონის ტრაგიკული ისტორია, შვიდი ქორწინება და დაკარგული მილიონები
ამერიკელი ბარბარა ჰატონი თავისი დროის ოქროს ახალგაზრდობის წარმომადგენელი იყო. როგორც Woolworth-ის ქსელის დამფუძნებლების შვილიშვილმა, მან ადრეული ასაკიდან უდიდესი მემკვიდრეობა მიიღო. მის კოლექციაში მოხვდნენ მამაკაცები, რომლებსაც ფუფუნებაში ჩაძირვა სურდათ და მათ შორის აღმოჩნდა ქართველი კაციც - ალექსი მდივანი.
მდიდარი გოგო
ბარბარას ბაბუა, ფრენც ვუვლორტი შტატებში ცნობილი მეწარმე იყო, რომელმაც სავაჭრო იმპერია ნულიდან შექმნა. მისტერ ვუვლორტი იყო პირველი ქვეყანაში და, შესაძლოა, მსოფლიოშიც, ვინც ფასდაკლება მოიფიქრა. ის დიდი ხნის განმავლობაში ფიქრობდა, რა უნდა გაეკეთებინა საქონელისთვის, რომელსაც ვერ ყიდდა. გამოსავალი იპოვა, დაამზადა პატარა ყუთები და ჩაწოლილი საქონელი ჩაალაგა, ზედ კი დააწერა "ყველაფერი ხუთ ცენტად". გამოსავალი ბრწყინვალე იყო.
მას ორი ქალიშვილი ჰყავდა: ედნა და ელენე. მოგვიანებით ედნა გახდა საბროკერო კომპანიის E.F. Hutton & Company თანამფლობელის ცოლი. მათ მალე ქალიშვილი შეეძინათ. ბარბარას დაბადების დროს ბაბუას ანგარიშებზე მილიონები ჰქონდა.
ბარბარას მშობლები იდეალური წყვილი იყვნენ, დედა - ლამაზი, მამა ძალიან ჭკვიანი. მაგრამ ქორწინება უბედური აღმოჩნდა. გოგონას დედამ, როდესაც ბავშვი 5 წლის იყო, სიცოცხლე თვითმკვლელობით დაასრულა. ჭორების მიხედვით, მიზეზი ქმრის მუდმივი ღალატი გახდა. პატარა ბარბარამ პირველმა იპოვა დედის უსიცოცხლო სხეული.
ბავშვობის ტრავმამ გოგონა გაანადგურა. ის ჩაიკეტა, ზედმეტად ემოციური გახდა, ხშირად ვარდებოდა ისტერიკაში. ასაკთან ერთად, მისი მდგომარეობა გაუარესდა და ფსიქიატრიულ საავამდყოფოში მოხვდა. თუმცა განიკურნა.
ბევრი ფული და ცოტა სიყვარული
ბარბარა მამას ძალიან უყვარდა, მაგრამ კაცმა შვილის აღზრდა ნათესავებს მიანდო, რომლებიც ვერ გაუმკლავდნენ გოგონას რთულ ხასიათს და ბარბარე რთულ, 12 წლის ასაკში პანსიონში გაგზავნეს. ბავშვი არდადეგების დროსაც იქ რჩებოდა, რადგან მდიდარი მოზარდი უბრალოდ არავის სჭირდებოდა.
როდესაც გოგონას ბებია გარდაიცვალა, ის მაშინვე გამდიდრდა: ანგარიშზე 28 მილიონი დოლარი ჰქონდა. მამამ მისი ფულით ინვესტირება განახორციელა და როდესაც ბარბარა სრულწლოვანი გახდა, მსოფლიოში ერთ-ერთი უმდიდრესი ქალის ტიტული მიიღო.
ჟურნალისტები ბევრს წერდნენ ცისფერთვალება ქერაზე, როგორც ფუფუნების მოყვარულზე. მას უყვარდა ლამაზად ჩაცმა, სამკაულების ტარება და ძვირადღირებული მანქანების მართვა. ეს გასაკვირი არც იყო, რადგან ბავშვობა დახურულ სკოლა-ინტერნატში გაატარა.
18 წლის რომ გახდა, მისი დაბადების დღე 60 000 დოლარი დაჯდა, ეს იყო ზღაპრული თანხა დიდი დეპრესიის დროს. გაზეთებმა ბარბარა მფლანგველობაში დაადანაშაულეს. პრესის ყურადღებისგან დაღლილი გოგონა ევროპაში გაიქცა.
პრინცი საქართველოდან
ბარბარას სიყვარულის ძიება მისი პირველი ქორწინებით დასრულდა. მან ჯერ არ იცოდა, რომ ამ გზას 7-ჯერ გაივლიდა. მილიონერის პირველი ქმარი იყო თვითმარქვია ქართველი თავადი ალექსის მდივანი. მან ყველას უთხრა, რომ არისტოკრატი იყო და იძულებული გახდა საქართველოდან გაქცეულიყო. როდესაც ბარბარა გაიცნო, ჯერ კიდევ ოფიციალურად დაქორწინებული იყო. მაგრამ ალექსი დამ აიძულა, რომ ცოლს გაშორებოდა, რადგან მდიდარი სარძლოს გაშვება არ უნდოდა.
მდივანისა და ჰატონის შეხვედრა სწორედ მისმა დამ მოაწყო. როცა მდივანმა გულუბრყვილო მილიონერი აცდუნა, მომავალმა მულმა ისე მოაწყო, რომ ქალს დაემუქრა, მდივანის ცოლი თუ არ გახდებოდა, ამას პრესაში სკანდალი მოჰყვებოდა. ბარბარას ჟურნალისტების ეშინოდა, ამიტომ დათანხმდა. მამა უკმაყოფილო იყო, მაგრამ სხვა გზა არ ჰქონდა. გოგონამ მზითვად კიდევ 1 მილიონი მიიღო.
ქორწინება 2 წელი გაგრძელდა. ამ ხნის განმავლობაში ფსევდო-უფლისწულმა ცოლის მზითვი სრულად დახარჯა. იყიდა სახლი, შეიძინა ყველაზე ძვირადღირებული კოსტიუმები და სამკაულები. ბარბარამ ქმარს განქორწინება მოსთხოვა, რისთვისაც მდივანმა კომპენსაცია მოითხოვა და ყოფილ ცოლს ორი მილიონი გამოსძალა. ერთ დღეში ქალი მეორედ გათხოვდა.
გრაფი დანიიდან
როგორც ჩანს, ბარბარას მხოლოდ მდიდარი გოგონას იმიჯი არ მოსწონდა და სურდა არისტოკრატი გამხდარიყო. ამიტომ მეორე ქმარი ცისფერი სისხლით აირჩია. დანიელ გრაფ ჰაინრიხ ებერჰარდ ფონ ჰარდენბერგთან ქორწინება ყველაზე უბედური აღმოჩნდა. თუმცა ის ერთადერთი კაცია, ვისთანაც შვილი გააჩინა. გრაფი ცოლს სასტიკად სცემდა. ერთხელ ძლიერი ცემისას ქალი საავადმყოფოში მოხვდა და ქმარი დაიჭირეს.
ცნობილია, რომ სწორედ ამ ქორწინების დროს დაიწყო ბარბარას კვებითი აშლილობა, კერძოდ ანორექსია. სწორედ ამის გამო ვერ შეძლო მეორედ დაორსულება.
გრაფი მუდმივად ეუბნებოდა, რომ მსუქანი იყო და წონაში დაკლება სჭირდებოდა. წყვილი ქორწილიდან 3 წლის შემდეგ დაშორდა. მაგრამ მათი ამბავი ამით არ დასრულებულა: ყოფილმა მეუღლეებმა დაიწყეს ბრძოლა შვილის მეურვეობისთვის, სასამართლო პროცესები დიდხანს გაგრძელდა და საბოლოოდ გრაფმა 1,5 მილიონი დოლარი კომპენსაცია მიიღო.
კერი გრანტი
მდიდარი მემკვიდრის მესამე ქმარი იყო იმ დროის ერთ-ერთი ყველაზე პოპულარული და სასურველი მსახიობი - კერი გრანტი. სინამდვილეში, 7-ვე ქმრიდან ყველაზე მეტად სწორედ კერი გრანტს უყვარდა და ზრუნავდა ბარბარაზე, ის გამუდმებით მხარს უჭერდა მას, აშორებდა ადამიანებს, რომლებსაც მისგან სარგებელი სურდათ. სამწუხაროდ, მათი ქორწინებაც დიდხანს არ გაგრძელებულა. 3 წლის შემდეგ ისინი დაშორდნენ.
კერი გრანტმა დაამტკიცა, რომ ის იყო ნამდვილი მამაკაცი და ჯენტლმენი და არც ერთი ცენტი არ მოუთხოვია ბარბარასთვის. განქორწინების შემდეგ ჰატონმა განაცხადა, რომ აღარასოდეს დაქორწინდებოდა, მაგრამ 3 წლის შემდეგ მან პირობა დაარღვია.
რუსი პრინცი
ბარბარამ მეოთხე ქმარი ავტორბოლაზე გაიცნო. პრინცი იგორ ტრუბეცკოი, რუსი ემიგრანტი. 1948 წელს ისინი დაქორწინდნენ, უცნობი ღარიბი მრბოლელი მოულოდნელად გახდა ცნობილი სპორტსმენი: ცოლის ფულით მან საუკეთესო მანქანები იყიდა და მუდმივად იმარჯვებდა შეჯიბრებებში. ის ცოლის ფულს მიზნის მისაღწევად იყენებდა, მაგრამ კარგი ქმარი იყო. ბარბარას ვაჟისთვის საუკეთესო მამინაცვალი გახდა, მოზარდისთვის ის ნამდვილი კერპი იყო. ლენსი, ბარბარას ვაჟი, საბოლოოდ, იგორის მსგავსად, საკმაოდ წარმატებული მრბოლერი გახდა.
განქორწინების შესახებ გადაწყვეტილება ტრუბეცკოიმ მიიღო, რის შემდეგაც ჰეტონმა თვითმკვლელობა სცადა. სწორედ მაშინ დაარქვა პრესამ შეურაცხმყოფელი მეტსახელი "საბრალო პატარა მდიდარი გოგონა".
დომინიკელი დიპლომატი
პორფირიო რუბიროსი, დომინიკელი დიპლომატი, ბარბარას მეხუთე ქმარი გახდა. ის ასევე ავტორბოლაზე გაიცნო.
ეს იყო ძალიან მოკლე ქორწინება, რომელიც 54 დღის განმავლობაში გაგრძელდა. თუმცა რუბიროსამ ყოველი დღე სრულად გამოიყენა: მდიდარი მეუღლის ფულით იყიდა სტადიონი, რამდენიმე კერძო თვითმფრინავი და ჯიშიანი ცხენების თავლა.
შემდეგ კი ქმარი სასამართლოში გაიქცა და განაცხადა, რომ ცოლი მას ღალატობდა, რის გამოც, განქორწინება მოითხოვა.
ჰატონმა, რომელიც ყველაფრით დაღლილი იყო, განაცხადა, რომ 2 მილიონ დოლარს გაიხდიდა, თუ ყველაფერი მალე დამთავრდებოდა. მას სურდა კიდევ ერთი მათხოვარი მალე მოეშორებინა თავიდან.
ჩოგბურთელი გერმანიიდან
ბარბარას მეექვსე ქმარი, გოტფრიდ ფონ კრამი, მილიონერის ძველი მეგობარი იყო. ისინი 30-იანი წლებიდან მეგობრობდნენ, მაგრამ ურთიერთობა არ გამოუვიდა, რადგან მაშინ ქალს სხვა მამაკაცები აინტერესებდა. 18 წლის შემდეგ ძველი მეგობრები დაქორწინდნენ. ისინი სხვადასხვა ქვეყანებში ცხოვრობდნენ. ქმარი ამტკიცებდა, რომ შეერთებულ შტატებში ვერ ჩავიდა, რადგან ვიზა ვერ აიღო. სინამდვილეში, ის საერთოდ არ ცდილობდა წასვლას და რეალურად დროს საყვარლებთან ატარებდა. ბარბარა კი ალკოჰოლმა და ნარკოტიკებმა გაიტაცა.
2 წლის შემდეგ ქორწინება დასრულდა. დიდი ხნის მეგობარმა სასამართლოში იბრძოლა, მაგრამ მხოლოდ 600 000 დოლარი მიიღო.
პრინცი ლაოსიდან
ბარბარას მეშვიდე და ბოლო ქმარი კიდევ ერთი არისტოკრატი, სახელად პიერ რაიმონდ დოანი გახდა. მათი ქორწინება ასევე დიდხანს არ გაგრძელებულა. ორი წლის შემდეგ პრინცმაც მოითხოვა კომპენსაცია. როდესაც ფული მიიღო, ის სამუდამოდ გაქრა მისი ცხოვრებიდან.
სევდიანი დასასრული
ბარბარას ყოველთვის უყვარდა მდიდრულად ცხოვრება, სხვანაირად არ შეეძლო. მან არ იცოდა ფულის ღირებულება, რადგან თავად არასოდეს გამოიმუშავებდა მას, ამიტომ ადვილად იშორებდა მას. ჰატონი ძალიან გულუხვი იყო და სიცოცხლის ბოლოს გაირკვა, რომ ბარბარა ქმრებთან ერთად მილიონებს კარგავდა. ასევე ყიდულობდა ძვირადღირებულ სამკაულებს, სამოსს, ჩინურ ფაიფურს და ანტიკვარიატს. და რაღაც მომენტში ის პრაქტიკულად უფულოდ დარჩა, ამიტომ ფასიანი ქაღალდებიც გაყიდა.
1972 წელს ტრაგედია მოხდა: მისი შვილი ავტოკატასტროფაში დაიღუპა, რამაც ქალის ემოციური მდგომარეობა სამუდამოდ შეარყია და უცნაური რაღაცების კეთება დაიწყო. მაგალითად, მან ამერიკის მთავრობას შესწირა თავისი სახლი რეჯენტ პარკში.
ჰატონმა სიცოცხლის ბოლო დღეები ლოს-ანჯელესის სასტუმრო ბევერლი უილშირში გაატარა. 1979 წლის გაზაფხულზე კი გულის შეტევა დაემართა, რამაც მისი სიცოცხლე შეიწირა. ის 66 წლის იყო.