მნიშვნელოვანი ინფორმაცია
11
მაისიდღის ზოგადი ასტროლოგიური პროგნოზი
კვირა, მთვარის მეთხუთმეტე დღე დაიწყება 20:34-ზე, მთვარე მორიელშია
კრიტიკული დღეა. არ იჩხუბოთ. ეცადეთ, ეს დღე მშვიდად განვლოთ. არ დაიწყოთ ახალი საქმეები; მოერიდეთ მნიშვნელოვანი გადაწყვეტილებების მიღებას; ფინანსური საკითხების მოგვარება სხვა დღისთვის გადადეთ; ვაჭრობისთვის არახელსაყრელი დღეა, უძრავ ქონებასთან დაკავშირებული საკითხები სხვა დღეს მოაგვარეთ. აკონტროლეთ ემოციები. არასასურველია კამათი, ჩხუბი, საქმეების გარჩევა. არ გირჩევთ სამსახურის, საქმიანობის შეცვლას. სხვა დღისთვის გადადეთ მგზავრობა და მივლინება. კარგია შემოქმედებითი საქმიანობა, საოჯახო საქმეების შესრულება. ცუდი დღეა ქორწინებისა და ნიშნობისათვის. მატულობს ვენერიული დაავადებების რისკი. მოსალოდნელია ტრავმები, ქირურგიული ჩარევის ალბათობა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
როგორ აიძულა ნენსი პელოსიმ ბაიდენი, საპრეზიდენტო არჩევნებიდან კანდიდატურა მოეხსნა? - "ულტიმატუმი, რომელმაც 50-წლიანი მეგობრობა დააზიანა"
11:09 / 17-08-2024
ზუსტი გარემოებები, რომლებმაც პრეზიდენტ ჯო ბაიდენის აშშ-ის საპრეზიდენტო არჩევნებიდან კანდიდატურის მოხსნა გამოიწვია, კვირების განმავლობაში ცხარე განხილვების თემა იყო.
- მას შემდეგ, რაც ბაიდენმა 21 ივნისს თავისი გადაწყვეტილების შესახებ Twitter-ზე ციფრულად ხელმოწერილი წერილი გამოაქვეყნა, თეთრი სახლის პოზიცია ნათელი იყო: "პრეზიდენტზე ზეწოლა არ მოუხდენიათ. ეს მისი არჩევანი იყო".
თუმცა, Daily Mail-ის ინსაიდერებმა პრეზიდენტის უქმეები აღწერეს - როდესაც მას ახლახან დაუდგინდა კოვიდი და მეუღლე ჯილთან და რამდენიმე სანდო თანაშემწესთან ერთად ბაიდენების ოჯახურ სახლში, დელავერის შტატში იზოლაციაში იმყოფებოდა.
როგორც ბაიდენთან დაახლოებულმა პირებმა განაცხადეს, კვირების განმავლობაში მტკიცების ფონზე, რომ კენჭს კვლავ იყრიდა, რაღაც "შეიცვალა". პრეზიდენტმა თავის უახლოეს მრჩევლებს სთხოვა, წერილის შედგენა დაეწყოთ. უცებ ყველაფერი დამთავრდა.
ეს შეიძლება მართალია. მაგრამ ამ ინსაიდერებს მნიშვნელოვანი ნაწილი გამორჩენიათ, რომელიც ხსნის, თუ რატომ შეიცვალა ბაიდენის აზრი ასე სწრაფად და რომელიც Mail-მა ახლა ექსკლუზიურად გამოაქვეყნა.
- როდესაც ბაიდენი იმ შაბათს კოვიდ ინფექციას ებრძოდა, წარმომადგენელთა პალატის ყოფილმა სპიკერმა, ნენსი პელოსიმ პრეზიდენტს გადაუდებელი შეტყობინება გაუგზავნა: იგი მზად იყო, საჯაროდ გამოეთქვა თავისი შეშფოთება იმის თაობაზე, რომ ბაიდენს ნოემბერში დონალდ ტრამპის დამარცხება არ შეეძლო.
ულტიმატუმი ნათელი იყო: “გამოეთიშე ახლა”, წინააღმდეგ შემთხვევაში, პელოსი თავის პოლიტიკურ მოკავშირეს და 50 წელზე მეტი ხნის მეგობარს გლობალურ არენაზე გააკრიტიკებდა.
ვითარების შესახებ ინფორმაციის მქონე ოთხმა წყარომ დამოუკიდებლად განაცხადა, რომ ასეთი შეტყობინება არსებობდა, ერთმა განსაკუთრებით კარგად ინფორმირებულმა წყარომ კი თქვა, რომ სატელეფონო საუბარი შედგა, რომლის დროსაც პელოსიმ ბაიდენს უთხრა, რომ იგი თავისი აზრის გასამყარებლად რეიტინგების გამოკითხვის შედეგებს გამოაქვეყნებდა.
ნებისმიერ შემთხვევაში, მისი მოთხოვნა იმდენად ძლიერი იყო, რომ პრეზიდენტმა მხოლოდ ამის შემდეგ დაიწყო წერილის შედგენა თავისი კანდიდატურის მოხსნის შესახებ.
პელოსის ოფისმაც და თეთრმა სახლმაც ოფიციალურად უარყვეს, რომ მათ ტელეფონით ისაუბრეს.
ეს სენსაციური ახალი ამბავი იმის ფონზე გავრცელდა, რომ პელოსისა და ბაიდენის საჯარო დაპირისპირება, სულ უფრო და უფრო სერიოზულ ფორმებს იღებს.
პელოსიმ თავისი ახალი მემუარები გამოსცა, რომლის ფარგლებშიც ინტერვიუებს ატარებს და ცდილობს, პრეზიდენტთან მისი დაძაბული ურთიერთობის შესახებ კითხვებს თავი აარიდოს.
4 აგვისტოს, CBS-ის წამყვანმა, ლესლი შტალმა ყოფილ სპიკერს კითხვები დაუსვა:
"ბევრს წერდნენ იმაზე, რომ თქვენ ზეწოლის კამპანიის ლიდერი იყავით (რათა ბაიდენი გვერდზე გადგომაში დაგერწმუნებინათ)?" - ჰკითხა შტალმა.
- "არა, არანაირი ზეწოლის ლიდერი არ ვიყავი", - უპასუხა პელოსიმ, - "მოდით, ვთქვათ ის, რაც არ გამიკეთებია: არცერთი ადამიანისთვის არ დამირეკავს".
გასულ კვირას, New Yorker-ისთვის მიცემულ ინტერვიუში, პელოსიმ აღიარა, რომ პრეზიდენტთან განხეთქილების გამო უძილობა დასჩემდა და "ლოცულობდა", მათი მეგობრობა გადარჩენილიყო.
"მან იცის, რომ მიყვარს," - უთხრა მან CNN-ს გასულ ხუთშაბათს.
თავის მხრივ, ბაიდენი კვლავ გაბრაზებულია იმის გამო, თუ როგორ განვითარდა მოვლენები.
"ის უკმაყოფილო იყო იმით, თუ როგორ წარიმართა ყველაფერი, როდესაც მას მოუწოდებდნენ, კანდიდატურა მოეხსნა, მაგრამ ამაზე ბევრ ფიქრში დროს არ ატარებს", - განაცხადა ერთ-ერთმა წყარომ.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
