მნიშვნელოვანი ინფორმაცია
16
მაისიდღის ზოგადი ასტროლოგიური პროგნოზი
პარასკევი, მთვარის მეცხრამეტე დღე დაიწყება 02:31-ზე, მთვარე თხის რქაშია
საშიში დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ დღეს, გადადეთ ნიშნობაც. განქორწინებაც კი სხვა დღეს დანიშნეთ. გაუფრთხილდით სახსრებსა და ხერხემალს, არ ამოიღოთ კბილი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
დიდი დინასტიის მემკვიდრე სასამართლოს მოულოდნელი გადაწყვეტილების შემდეგ ტაილანდის პრემიერი გახდა - ყველაზე ახალგაზრდა მეთაური მცირე გამოცდილებითა და რთული ამოცანებით
15:35 / 16-08-2024
37 წლის პეტონგტარნ შინავატრა თავისი ოჯახის მეოთხე წევრია, რომელიც ტაილანდს უდგას სათავეში, თუმცა მას ისეთი ქვეყნის მართვა უწევს, რომელიც ძალიან განსხვავდება მამიმისის ეპოქისგან.
პეტონგტარნ შინავატრა ტაილანდის პოლიტიკაში ერთ-ერთი ყველაზე გავლენიანი და წინააღმდეგობრივი ოჯახიდანაა. მამამისი თაქსინი ერთ დროს არჩევნებში დაუმარცხებლად ითვლებოდა, პეტონგტარნი კი ოჯახის მეოთხე წევრია, რომელიც ქვეყანას მართავს.
- თუმცა, მამამისის პოპულარობის პიკის შემდეგ ბევრი რამ შეიცვალა და ტაილანდის ყველაზე ახალგაზრდა პრემიერ-მინისტრს სავარაუდოდ, თანამდებობაზე ყოფნისას მძიმე ბრძოლა მოუწევს.
შინავატრას პარტია Pheu Thai გასული წლის არჩევნებში მეორე ადგილზე გავიდა, ხოლო პირველ ადგილზე გასული უფრო ახალი პარტია, Move Forward ამომრჩეველს დემოკრატიულ რეფორმებს დაჰპირდა. ძალაუფლების მოსაპოვებლად, Pheu Thai-მ სამხედრო-როიალისტურ ისტებლიშმენტში თავის ყოფილ მტრებთან საკამათო გარიგება დადო.
ამ შეთანხმებამ თაქსინს საშუალება მისცა, სამშობლოში დაბრუნებულიყო 15-წლიანი დევნილობის შემდეგ, რომელსაც ის პოლიტიკურად მოტივირებულს უწოდებდა, და Move Forward-ი ოპოზიციაში გადაესროლა. თუმცა, ბევრმა ამომრჩეველმა ეს ღალატად აღიქვა; Pheu Thai იმ პარტიებთან თანამშრომლობდა, რომლებიც დაკავშირებულნი იყვნენ მათ წინააღმდეგ მებრძოლებთან, მათ შორის, ფიგურებთან, რომლებმაც თაქსინის და, იინგლუქ შინავატრა 2014 წელს თანამდებობიდან გადააყენეს.
ახლა პეტონგტარნს, რომელსაც არასდროს უმსახურია მთავრობაში, ასეთი უჩვეულო კოალიციის შენარჩუნება და პარტიის იმიჯის აღდგენის მცდელობა უწევს.
პეტონგტარნის მამა ხელისუფლებაში 2001 წელს მოვიდა და ჩრდილოეთისა და ჩრდილო-აღმოსავლეთის სოფლის მოსახლეობაში ერთგული მიმდევრები ისეთი პოლიტიკის შეთავაზებით შეიძინა, როგორიცაა უნივერსალური ჯანდაცვა. თუმცა, მას ასევე ბრალად ედებოდა კორუმპირებულობა და ადამიანის უფლებების დარღვევა და სძულდა ტაილანდის სამხედრო ელიტას.
პეტონგტარნი ბანგკოკის ჩულალონგკორნის უნივერსიტეტის სტუდენტი იყო, ელიტურ კონსერვატიულ დაწესებულებაში, როდესაც 2006 წელს მამიმისის პრემიერობა კრიზისმა მოიცვა და ქვეყანა გაყო. ლექციებზე პროფესორები მამიმისის მიმართ თავიანთ ანტიპათიას არ მალავდნენ. კამპუსზე სტუდენტები პლაკატებს თაქსინის გადახაზული სახით აკრავდნენ; მისი მეგობრები ცდილობდნენ, სხვა გზით წაეყვანათ, რომ ამ ყველაფრისთვის გვერდზე არ ჩაევლო.
იმავე წლის 19 სექტემბერს პეტონგტარნის დედამ დაურეკა და უთხრა, რომ ქუჩებში ტანკები იდგა. სახლში ვერ წავიდოდა, პირდაპირ უსაფრთხო ადგილას უნდა წასულიყო; მამამისი, რომელიც გაეროს გენერალურ ასამბლეაზე დასასწრებად საზღვარგარეთ იმყოფებოდა, გადაყენებული იყო. "ძალიან შემეშინდა. ჯერ კიდევ ფორმა მეცვა", - უთხრა პეტონგტარნმა მოგვიანებით ტაილანდურ მედიას.
თაქსინის ცოლისძმა, სომჩაი ვონგსავატი პრემიერ-მინისტრი 2008 წელს, მოკლე ხნით იყო, მაგრამ სასამართლოს გადაწყვეტილებით იძულებული გახდა, თანამდებობა დაეტოვებინა.
2014 წელს პეტონგტარნის დეიდა იინგლაკი ასევე სასამართლოს გადაწყვეტილებით გადააყენეს თანამდებობიდან - და შემდეგ სამხედროებმა კვლავ ჩაიგდეს ძალაუფლება ხელში.
უნივერსიტეტის დამთავრების შემდეგ პეტონგტარნმა სასტუმროს მენეჯმენტი ინგლისში, სარის უნივერსიტეტში შეისწავლა, შემდეგ ტაილანდში დაბრუნდა, რათა თავისი ოჯახის ბიზნეს იმპერიაში ემუშავა. 2021 წელს ის Pheu Thai-ს მთავარ მრჩევლად დაინიშნა მონაწილეობისა და ინოვაციების საკითხებში და გასული წლის არჩევნებზე პარტიის სამი პრემიერ-მინისტრობის კანდიდატიდან ერთ-ერთი იყო.
ის Pheu Thai-ს საარჩევნო კამპანიის წინა ხაზზე იდგა, როდესაც პარტია მამიმისის ერთგულ ამომრჩევლებში მხარდაჭერის გაზრდას ცდილობდა. საარჩევნო კამპანიის დროს ფეხმძიმედ იყო, მაგრამ როდესაც ქვეყანაში მოგზაურობას ვერ ახერხებდა, აქციებზე ვიდეო კავშირით ერთვებოდა. ბავშვი არჩევნებამდე ორი კვირით ადრე გააჩინა.
თუმცა, გასული წლის არჩევნებმა ხაზი გაუსვა იმას, თუ როგორ შემცირდა თაქსინის პოპულარობა. მძიმეწონოსანი Pheu Thai ახალგაზრდული Move Forward-ის წინაშე ჩრდილში მოექცა, რომელმაც რეფორმებისა და პოლიტიკაში დომინირებული სამხედრო გადატრიალებების ციკლიდან თავის დაღწევის მცდელობის დაპირებით, ყველაზე მეტი ხმა მიიღო.
Pheu Thai-ს გარიგებამ სამხედროებთან დაკავშირებულ პარტიებთან, რამაც Move Forward ოპოზიციაში გადაისროლა, ბევრი ამომრჩეველი გააბრაზა, მათ შორის - თაქსინის ზოგიერთი ერთგული მხარდამჭერიც. პარტიის ქმედებების საწინააღმდეგო პროტესტის ნიშნად ონლაინ სივრცეში გაჩნდა მოწოდებები პიტნის არომატიანი შოკოლადის ნაყინის ბოიკოტზეც კი, რომელიც პეტონგტარნის საყვარელ დესერტად ითვლება.
პეტონგტარნი საბოლოოდ, გასულ წელს პარტიის პრემიერ-მინისტრობის კანდიდატი არ გამხდარა. თუმცა, ოთხშაბათს მოულოდნელმა სასამართლო გადაწყვეტილებამ, რომელმაც პრემიერ-მინისტრ სრეტა თავიზინს ეთიკის დარღვევების გამო თანამდებობის დატოვება მოსთხოვა, პარტიას მცირე არჩევანი დაუტოვა.
პეტონგტარნს მცირე პოლიტიკური გამოცდილება აქვს, მაგრამ ახლა ტაილანდის მღელვარე პოლიტიკის მართვა და ქვეყნის დაბალი ეკონომიკური ზრდის აღდგენა მოუწევს. და მაშინ, როცა თაქსინთან დაკავშირებული პარტიები ოდესღაც ყველაზე პოპულარული იყო, ბევრი ამომრჩეველი ახლა დარწმუნებულია, რომ ცვლილებები სხვაგან უნდა ეძებონ.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს - დუშეთში, ერთ-ერთ სასტუმროში სავარაუდოდ, მოწყობილი იყო ე.წ. ქოლცენტრი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
