16
მარტიდღის ზოგადი ასტროლოგიური პროგნოზი
სვერდლოვსკის რაიონულმა სასამართლომ ორმაგი მოქალაქეობის მქონე (რუსეთისა და აშშ-ის) ქსენია ხავანა უკრაინულ საქველმოქმედო ფონდში 51,8 დოლარის გადარიცხვის გამო “სამშობლოს ღალატის“ მუხლით გაასამართლა და ის დამნაშავედ ცნო.
საქმის განხილვა დახურულ კარს მიღმა მიმდინარეობდა. რაიონული სასამართლოს დასკვნაში ნათქვამია, რომ ქსენიას 12 წლით თავისუფლების აღკვეთა მიესაჯა. სასჯელს ზოგადი რეჟიმის კოლონიაში მოიხდის.
როგორც მისმა ადვოკატმა განაცხადა, სახელმწიფო პროკურატურა ხავანასთვის 15 წლით თავისუფლების აღკვეთას ითხოვდა.
საქმე მოსამართლე ანდრეი მინეევმა განიხილა, რომელმაც მანამდე აშშ-ის კიდევ ერთ მოქალაქეს, ჟურნალისტ ევან გერშკოვიჩს ჯაშუშობისთვის 16 წლით თავისუფლების აღკვეთა მიუსაჯა.
- FSB-ის გამოძიების თანახმად, ქსენია ხავანამ (კარელინა მისი ქალიშვილობის გვარია) “2022 წლის თებერვლიდან (...) პროაქტიულად გადარიცხა თანხები ერთ-ერთი უკრაინული ორგანიზაციის ანგარიშზე, რომელიც შემდეგ უკრაინის შეიარაღებული ძალებისთვის ტაქტიკური ნივთების, მედიკამენტების, აღჭურვილობის, იარაღისა და საბრძოლო მასალის შესაძენად გამოიყენეს“.
უფლებადამცველების თქმით, ბრალდებულმა 51,8 დოლარი გადაურიცხა აშშ-ში დაარსებულ ჰუმანიტარული დახმარების ფონდს Razom for Ukraine. ამავდროულად, გამოცემა RBC გოგონას ადვოკატზე დაყრდნობით იუწყება, რომ ქსენიამ აღიარა დანაშაული.
რუსეთ-ამერიკის 32 წლის მოქალაქის დაკავების შესახებ 2024 წლის 20 თებერვალს გახდა ცნობილი. ეს მოხდა ეკატერინბურგში, სადაც იგი ლოს-ანჯელესიდან ნათესავების მოსანახულებლად გაფრინდა. სავარაუდოდ, ხავანამ აშშ-ს მოქალაქეობა 2021 წლის ბოლოს მიიღო.
Razom for Ukraine
როგორც ვებსაიტზე არსებული ინფორმაციიდან ირკვევა, Razom for Ukraine ამერიკაში მცხოვრებმა უკრაინელებმა შექმნეს. ის ოფიციალურად დარეგისტრირდა აშშ-ში 2014 წლის დასაწყისში. ფონდი "მიისწრაფვის მხარი დაუჭიროს ღირსების რევოლუციის (მაიდანის) პრინციპებს და აქტიური წვლილი შეიტანოს უსაფრთხო, აყვავებული და დემოკრატიული უკრაინის შექმნაში“.
ფუნქციონირების პირველ თვეებში ფონდმა 130 ათას დოლარზე მეტი შეაგროვა, ასევე გაუგზავნეს ჰუმანიტარული დახმარება უკრაინულ ლტოლვილთა ცენტრებს, ბავშვთა სახლებს, მოაწყვეს საგანმანათლებლო ღონისძიებები აშშ-ში...
ვინ არის ქსენია ხავანა?
VKontakte-ზე ქსენია ხავანას გვერდზე ნათქვამია, რომ იგი სწავლობდა ეკატერინბურგში სერგეი დიაგილევის ქორეოგრაფიულ ლიცეუმში და დაამთავრა ურალის ფედერალური უნივერსიტეტი, 2013 წელს. ამერიკის მოქალაქეობა მან 2021 წელს მიიღო.
მედიის ცნობით, ხავანა ბალტიმორის მერილენდის უნივერსიტეტშიც სწავლობდა, ბოლოს კი ცხოვრობდა ლოს-ანჯელესში და მუშაობდა Ciel Spa-ში, სასტუმრო ბევერლი ჰილზში.
იხილეთ ასევე:
