"მიხალკოვის ქალიშვილი მამის ნების საწინააღმდეგოდ გათხოვდა, ახლა კი ყოფილმა ქართველმა ქმარმა ვაჟი თბილისში წაიყვანა" - ვის ჰგავს ივანე და რას წერს რუსული მედია?
როდესაც რეზო გიგინეიშვილმა რამდენიმეთვიანი ურთიერთობის შემდეგ ცნობილ მამის ქალიშვილს ნადეჟდა მიხალკოვას ხელი სთხოვა, ნიკიტა მიხალკოვმა ქალიშვილის ქორწინება "უთანასწოროდ" მიიჩნია. შეიძლება იმიტომ, რომ შეყვარებულები განსხვავებული ტიპის ადამიანები იყვნენ - ნადეჟდა მოკრძალებული და მშვიდი იყო, რეზო კი წვეულებების მოყვარული, ენერგიული და კომუნიკაბელური. თუმცა რუსული მედია წერს, რომ შეიძლება მიზეზი სხვა რამეც იყო... ქორწილი შედგა, მაგრამ შვიდი წლის შემდეგ წყვილი დაშორდა, თუმცა ამბობენ, რომ მეგობრული ურთიერთობა შეინარჩუნეს. 2022 წელს კი გიგინეიშვილმა შვილი საქართველოში წაიყვანა...
რეზო გიგინეიშვილი - კაცი, რომელსაც ოჯახი ჰყავდა
ნადეჟდა მიხალკოვასთან გაცნობის დროს რეზო დაქორწინებული იყო მომღერალ ნასტია კოჩეტკოვაზე, რომელმაც მას ქალიშვილი გაუჩინა. მაგრამ ამ ფაქტს ხელი არ შეუშლია წყვილისთვის. გიგინეიშვილს ნადია სერიალის გადაღებებზე შეუყვარდა. თუმცა თავდაპირველად ქალმა მის გრძნობებს არ უპასუხა.
თავად რეზო ნადიას გარეშე ვეღარ ძლებდა. ყველანაირად ცდილობდა მისი გულის მოგებას. მიუხედავად იმისა, რომ პირველი პაემანი ჩაიშალა, ეს იყო გამოფენა, სადაც გიგინეიშვილმა მიხალკოვა მიიწვია - ეს მაინც მათი ურთიერთობის დასაწყისი აღმოჩნდა. რამდენიმე თვის შემდეგ რეზო რუსული კინოს ლეგენდა ნიკიტა მიხალკოვთან უმცროსი ქალიშვილის ხელის სათხოვნელად მივიდა.
გიგინეიშვილი ჯერ კოჩეტკოვას დაშორდა, შემდეგ კი რეზოს და ნადიას ქორწილის დროც მოვიდა. წყვილმა 2010 წელს 300 სტუმრით გრანდიოზული ქორწილი საქართველოში გადაიხადა. კახეთში, ბოდბის მონასტერში ერთმანეთს სამუდამო ერთგულება შეჰფიცეს. ორი წლის შემდეგ კი მათ ორი შვილი - ქალიშვილი ნინა და ვაჟი ივანე ჰყავდათ.
განქორწინება, მეგობრობა, შვილები
2017 წელს ნადეჟდა მიხალკოვამ განქორწინება მოითხოვა. რუსული მედია წერდა, რომ განქორწინების მიზეზი რეჟისორის ახალი გატაცება, ნადეჟდა ობოლენცევა იყო. თავად ყოფილ მეუღლეებს გაშორების გადაწყვეტილებაზე კომენტარი არ გაუკეთებიათ. უფრო მეტიც, ნადია მიხალკოვამ და რეზო გიგინეიშვილმა განქორწინების შემდეგ მეგობრული ურთიერთობა შეინარჩუნეს.
მიხალკოვის უმცროსმა ქალიშვილმა აღიარა, რომ მომხდარის მიუხედავად, შვილები მამასთან ურთიერთობას შეინარჩუნებდნენ - ”... ბავშვებს ჰყავთ მამა და მე ყველაფერს გავაკეთებ, რომ უყვარდეთ და პატივი სცენ მას” - ამბობდა ნადია. წყვილი თანაბარ მონაწილეობას იღებდა ნინასა და ივანეს აღზრდაში.
რეზომ მესამედ იქორწინა, ამჯერად ნადეჟდა ობოლენცევაზე, მაგრამ ერთი წლის შემდეგ მასაც დაშორდა. ნადეჟდა მიხალკოვა არ დაოჯახებულა, ის ორიენტირებული იყო ბავშვებზე და სამსახურზე.
რეზო გიგინეიშვილმა რუსეთი შვილთან ერთად დატოვა
საინტერესოა, რომ 2020 წლიდან რეზო გიგინეიშვილი თავისუფალია, მიუხედავად იმისა, რომ იყო ჭორები მისი ურთიერთობის შესახებ მსახიობ ქსენია რაპოპორტთან. 2022 წელს რეჟისორი საცხოვრებლად საქართველოში გადავიდა. მეტიც, თან წაიყვანა ვაჟი ივანე.
"სამშობლოში რეზო თავის მემკვიდრეს ქვეყნის ტრადიციებს აცნობს", - წერს რუსული მედია. გიგინეიშვილმა სოციალურ ქსელში 10 წლის ივანეს ფოტო გაუზიარა თავის თაყვანისმცემლებს. გიგინეიშვილი წერს, რომ ივანე ძალიან ჰგავს დედას.
"მიხალკოვების გენები ჩანს", – წერენ კომენტარებში ინტერნეტმომხმარებლები.
ნიკიტა მიხალკოვის შვილიშვილის საქართველოში გადასვლით თაყვანისმცემლები გაოცებულები არიან, განსაკუთრებულად, ცნობილი ოჯახის პატრიოტული შეხედულებების გათვალისწინებით. ნიკიტა მიხალკოვი ცნობილი პუტინისტია. თავად ნადეჟდა მიხალკოვა ამ თემაზე კომენტარს აკეთებს - "ივანე და მამა სამუდამოდ წავიდნენ საქართველოში, თუ ეს დროებითი ნაბიჯია, ამას დრო გვიჩვენებს, - წერს მედია.
წაიკითხეთ ასევე:
- "მოსკოვში ყოველთვის ვეძებდი თბილისს... ვცხოვრობდით ილუზიაში" - რუსეთში მოღვაწე ქართველი რეჟისორი ომზე, საქართველოში ჩამოსულ რუსებსა და პუტინის მომხრე ექსსიმამრზე
- "ნადიას გადაწყვეტილება მისაღები არ იყო, მაგრამ ვხვდებოდი, რომ ქართველის ხიბლი ჩემს ყველა სიტყვას გადაწონიდა" - რას ამბობს მიხალკოვი ქალიშვილისა და რეზო გიგინეიშვილის დანგრეულ ოჯახზე