ამერიკელი ასტრონავტების რისკიანი ექსპედიცია და "ჩარჩენა კოსმოსში" - რატომ ვერ ბრუნდებიან ისინი დედამიწაზე?
როდესაც სუნი უილიამსი და ბუჩ ვილმორი 5 ივნისს, Boeing-ის Starliner-ით საერთაშორისო კოსმოსური სადგურისკენ გაემართნენ, ისინი დედამიწაზე დაბრუნებას რვა დღის შემდეგ გეგმავდნენ. მოგვიანებით აღმოჩნდა, რომ რიგი პრობლემების გამო, ისინი დედამიწაზე რვა თვის შემდეგ დაბრუნდებოდნენ. თუმცა, NASA-მ გადაწყვეტილებას კვლავ გადახედა...
14 აგვისტოს გამართულ პრესკონფერენციაზე NASA-ს წარმომადგენლებმა კიდევ ერთხელ განაცხადეს, რომ ასტრონავტების დაბრუნება კიდევ გადაიდება. ზუსტად როდის დაბრუნდება ეკიპაჟი სამშობლოში, ჯერჯერობით უცნობია. თუმცა, NASA გვპირდება, რომ კონკრეტულ თარიღს აგვისტოს ბოლომდე დაასახელებს.
კერძოდ, ამერიკის კოსმოსური სააგენტოს სპეციალისტებმა განმარტეს, რომ Starliner-ის ეკიპაჟის კოსმოსური კოსტუმი სრულყოფილად არ არის თავსებადი სხვა გემთან, რომლითაც ასტრონავტებს დაბრუნება შეეძლოთ. თუ ინჟინრები გადაწყვეტენ, რომ Starliner-ზე ფრენა ჯერ კიდევ სახიფათოა, უილიამსი და ვილმორი შესაძლოა შემოდგომაზე დაბრუნდნენ Boeing-ის კერძო კოსმოსური კვლევის კონკურენტ, SpaceX-ზე.
NASA-ს წარმომადგენლების თქმით, ასტრონავტები თავიდანვე ხვდებოდნენ, რომ მათი ექსპედიცია სავსე იქნებოდა რისკით.
შეგახსენებთ, რომ თავდაპირველად ამერიკელი ასტრონავტები 5 ივნისს საერთაშორისო კოსმოსურ სადგურზე სატესტო მისიაზე გაფრინდნენ, რომელიც 8 დღე უნდა გაგრძელებულიყო, თუმცა ყველაფერი გეგმის მიხედვით არ წავიდა: ამერიკელი ასტრონავტები ბუტჩ უილმორი და სუნიტა უილიამსი საერთაშორისო კოსმოსურ სადგურზე ივნისის დასაწყისში Starliner-ის ხომალდით ჩაფრინდნენ, თუმცა ხომალდის ძრავების გაუმართაობის გამო, მაშინ კოსმოსურმა სააგენტომ განაცხადა, რომ ისინი 8 თვის განმავლობაში დარჩებოდნენ.
იხილეთ ასევე: