მნიშვნელოვანი ინფორმაცია
18
მაისიდღის ზოგადი ასტროლოგიური პროგნოზი
ორშაბათი, მთვარის ოცდამეორე დღე დაიწყება 02:56-ზე, მთვარე მერწყულშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
კურსკის შემდეგ, რუსებმა ევაკუაცია ბელგოროდის ოლქშიც დაიწყეს - ISW - ის შეფასებით, უკრაინელები რუსეთის 40-მდე დასახლებულ პუნქტში მოქმედებენ
13:57 / 13-08-2024
უკრაინის სამხედრო ძალების ოპერაცია რუსეთის ტერიტორიაზე გრძელდება.
კურსკის ოლიქის შემდეგ, რუსებმა ევაკუცია ბელგოროდის ოლქშიც დაიწყეს
გუშინ, ბელგოროდის გუბერნატორმა ვიაჩესლავ გლადკოვმა კრასნოიარუჟსკის რაიონის მცხოვრებთა ევაკუაცია გამოაცხადა. აღნიშნული რაიონი რუსეთის კურსკის ოლქსა და უკრაინის სუმის ოლქს შორის მდებარეობს. მოგვიანებით, ადგილობრივმა ხელისუფლებამ ტერიტორიაზე შესასვლელი ჩაკეტა. დღევანდელი ცნობებით, ბელგოროდის ოლქის კრასნოიარუჟსკის რაიონი 11 ათასზე მეტმა მცხოვრებმა დატოვა.
"ახლა ათასამდე ადამიანი იმყოფება დროებითი განსახლების ცენტრებში, ისინი უზრუნველყოფილნი არიან კვებით, საწოლებით, პირველადი მოხმარების ნივთებით“, - განაცხადა გლადკოვმა.
სირსკის განცხადება
კურსკის ოლქში ოპერაციის შესახებ უკრაინის სამხედრო ხელმძღვანელობამ პირველი ოფიციალური განცხადება გააკეთა. როგორც უკრაინის შეიარაღებული ძალების მთავარსარდალმა, ალექსანდრ სირსკიმ უკრაინის პრეზიდენტს, ვოლოდიმირ ზელენსკის შტაბის სხდომაზე განუცხადა, რუსეთის ფედერაციის დაახლოებით 1000 კმ² უკრაინის კონტროლის ქვეშ არის.
"ამჟამად, რუსეთის ფედერაციის დაახლოებით 1000 კმ² ჩვენი კონტროლის ქვეშ არის. სიტუაცია ჩვენს კონტროლს ექვემდებარება“, - განაცხადა ალექსანდრ სირსკიმ.
"ომის შემსწავლელი ინსტიტუტის" შეფასება
ამერიკული ანალიტიკური ცენტრის, "ომის შემსწავლელი ინსტიტუტის" (ISW) შეფასებით, რეალობას არ ასახავს რუსეთის კურსკის ოლქის გუბერნატორის მოვალეობის შემსრულებლის, ალექსეი სმირნოვის განცხადება, რომ უკრაინის ჯარებმა კურსკის ოლქში დაიკავეს 28 დასახლებული პუნქტი და საზღვრის 40-კილომეტრიანი მონაკვეთის გასწვრივ, ოლქის სიღრმეში წინ წაიწიეს დაახლოებით 12 კილომეტრით. ეს მონაცემები სმირნოვმა 12 აგვისტოს წარუდგინა პრეზიდენტ ვლადიმირ პუტინს.
ISW-ის ექსპერტები საჯაროდ გავრცელებული ცნობების და გეოლოკაციური კადრების გაანალიზების საფუძველზე წერენ, რომ 11 აგვისტოს მდგომარეობით, უკრაინელი სამხედროები მოქმედებდნენ კურსკის ოლქის 29 დასახლებულ პუნქტში, ხოლო 12 აგვისტოს - 40-ში. ამერიკელი ანალიტიკოსების თანახმად, სულ ახლახან უკრაინის ძალები საზღვრიდან 24 კილომეტრის სიღრმეში იყვნენ.
ISW-ს ეჭვი ეპარება უკრაინის შეიარაღებული ძალების მთავარსარდლის, გენერალ ოლექსანდრ სირსკის განცხადებაშიც, რომ კურსკის ოლქში აკონტროლებენ დაახლოებით 1000 კმ²-ს. ამერიკელი ანალიტიკოსები არ მიიჩნევენ, რომ უკრაინის ძალები წინსვლის გაცხადებული მასშტაბის ფარგლებში მთელ ტერიტორიას აკონტროლებენ.
უკრაინელები სუჯაში
უკრაინელმა სამხედროებმა გამოაქვეყნეს ვიდეო, რომლის გეოლოკაციად კურსკის რეგიონის ქალაქ სუჯის ცენტრი, კარლ მარქსის ქუჩაა დაფიქსირებული. ვიდეოს გადაღების თარიღი უცნობია. ვიდეოზე გამოსახული უკრაინის შეიარაღებული ძალების ჯარისკაცი ირწმუნება, რომ ქალაქის ცენტრში რუსი ჯარისკაცები არ უნახავს.
რუსი სამხედრო ბლოგერები წერენ, რომ კურსკის ოლქის ქალაქი სუჯა, დიდი ალბათობით, უკრაინის სამხედრო ძალების კონტროლის ქვეშ არის.
12 აგვისტოს გავრცელდა ინფორმაცია, რომ უკრაინული სამხედრო ტექნიკა კურსკის რეგიონში, ქალაქ სუჯის აღმოსავლეთ გარეუბანში დააფიქსირეს. ეს შესაძლოა მიუთითებდეს იმაზე, რომ უკრაინის შეიარაღებულ ძალებს სრული კონტროლი აქვთ დამყარებული ქალაქზე.
ქალაქი სუჯა გახდა კურსკის რეგიონში უკრაინის არმიის 6 აგვისტოდან დაწყებული შეტევის მთავარი სამიზნე. როგორც სამხედრო ანალიტიკოსები და მოქმედი სამხედროები ამბობენ, ქალაქის აღება უკრაინელებს საშუალებას მისცემს, ერთდროულად რამდენიმე მიმართულებით გააგრძელონ შეტევა.
ჯონ კირბის განცხადება
თეთრი სახლის ეროვნული უშიშროების საბჭოს სტრატეგიული კომუნიკაციების კოორდინატორის, ჯონ კირბის განცხადებით, რუსი ოფიციალური პირების ბოლოდროინდელი განცხადებები იმის შესახებ, რომ კურსკის ოლქში შესვლა კოორდინირებულია დასავლეთის მიერ, არის პუტინის პროპაგანდის სასაცილო ნაწილი, რომელსაც ის უკრაინაში შეჭრის დაწყებიდან მოყოლებული ებღაუჭება.
"ერთადერთი, ვინც უკრაინასთან ომშია, რუსები არიან. ისინი შეიჭრნენ უკრაინაში და უკრაინა იცავს თავს აგრესიისგან. ეს არის რუსეთის აგრესიული ომი უკრაინის წინააღმდეგ - არც მეტი, არც ნაკლები და ასე იყო თავიდანვე. ეს არის პუტინის ომი უკრაინის წინააღმდეგ და თუ მას ეს არ მოსწონს, თუ ეს მას დისკომფორტს უქმნის, მაშინ არსებობს მარტივი გამოსავალი: შეუძლია უბრალოდ გამოვიდეს უკრაინიდან და შეწყვიტოს ის“, - აღნიშნა ჯონ კირბიმ.
შეგახსენებთ, უკრაინის შეიარაღებული ძალების ქვედანაყოფები რუსეთის კურსკის ოლქში 6 აგვისტოდან მოქმედებენ.
იხილეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
