მნიშვნელოვანი ინფორმაცია
19
მაისიდღის ზოგადი ასტროლოგიური პროგნოზი
ორშაბათი, მთვარის ოცდამეორე დღე დაიწყება 02:56-ზე, მთვარე მერწყულშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"უფროსი ბავშვები შემოვარდნენ ჩემთან, ყვიროდნენ, პატარები არიან შიგნით, უნდა გამოვიყვანოთო" - ზუგდიდში მომხდარი ხანძრის დეტალები, რომელსაც 6 წლის ტყუპი ძმა შეეწირა
10:22 / 13-08-2024
ტრაგედია მოხდა ღამით, ზუგდიდში. საერთო საცხოვრებლის ერთ-ერთ ბინაში გაჩენილი ხანძრის დროს 6 წლის ტყუპი ძმა დაიღუპა. უბედური შემთხვევა ბუკიას ქუჩაზე მოხდა. ხანძრის დროს ბინაში ოთხი მცირეწლოვანი იმყოფებოდა. უფროსებმა ბინიდან გამოსვლა მოასწრეს, ძლიერი დაკვამლიანებისა და ცეცხლის გამო, ბავშვები ადგილზე დაიღუპნენ.
მეზობლების ინფორმაციით, ბავშვები ბინაში მარტო იყვნენ და ეძინათ, რა დროსაც ცეცხლი გაჩნდა. მათი თქმით, ოჯახი სოციალურად დაუცველია და მცირეწლოვნები მინდობით აღზრდაში იმყოფებოდნენ, თუმცა სოციალურმა სააგენტომ ისინი დედას დაუბრუნა.
ადგილზე რამდენიმე სახანძრო-სამაშველო ჯგუფთან ერთად მობილიზებული იყო პოლიცია. ცეცხლის სხვა სართულებზე გავრცელების საფრთხე არსებობდა, თუმცა რამდენიმესაათიანი მუშაობის შედეგად მაშველებმა ხანძრის ლიკვიდირება შეძლეს.
ხანძრის გამომწვევი მიზეზი ჯერჯერობით უცნობია. ერთ-ერთი ვერსიით ბინას ელექტროენერგია არ მიეწოდებოდა გადაუხდელობის გამო, ამიტომ სანთელი ჰქონდათ ანთებული, საიდანაც გაჩნდა ხაბძარი. შსს-ს ინფორმაციით, მომხდარ ფაქტზე გამოძიება სსს-კოდექსის 188-ე მუხლის მესამე ნაწილით დაიწყო.
მეზობლები აცხადებენ, რომ უფროსებმა გამოსვლა საკუთარი ძალებით შეძლეს.
"ჩემთან შემოვარდნენ, კარი რომ გავაღე, ბავშვები კიოდნენ. ცეცხლი ლამის სახლში შემომივარდა, ორივე ბავშვი შიგნით შემოვაგდე და კარი მივხურე, ვუთხარი, ვერსად გაგიშვებთ, შენც დაიწვებით-მეთქი. უფროსი ბავშვები შემოვარდნენ ჩემთან, ყვიროდნენ, პატარები არიან შიგნით, უნდა გამოვიყვანოთო. ჩემთან კარზე მოაკაკუნეს, გვერდითი მეზობელი ვარ. იმ ბავშვებს, რომლებიც ჩემთან შემოვაგდე, არანაირი დამწვრობა არ აქვთ. რომ ნახოთ, სასწაული ამბავია. მე ვკითხე, - რა ქენით, გოგო, რას მოუკიდეთ ცეცხლი-მეთქი. ჩვენ არაფერი გვიქნია, ოთახში რომ ვიყავით, ცეცხლი შემოგვივარდაო. საიდან გაჩნდა, აზრზე არ ვარ. შუქი არ არის, გაზი არ არის. გამორთული ჰქონდათ სინათლე გადაუხდელობის გამო", - ამბობს ერთ-ერთი მეზობელი.
კიდევ ერთი მეზობლის თქმით, დედა ბავშვებს ხშირად ტოვებდა შინ მარტო:
"ცეცხლი ორის ნახევარზე გაჩნდა, დარეკეს, მაგრამ არაფერმა უშველა. ბავშვების დედა მუშაობდა, თხილზე დადიოდა. სოციალურ სამსახურს ჰყავდა წაყვანილი ბავშვები და მერე დაუბრუნეს. დედა ბავშვებს ხშირად ტოვებდა შინ მარტო, უფროსი გოგო მე-6 კლასელია, ძალიან ჭკვიანი ბავშვია, ყურადღებას აქცევდა და-ძმებს".:
"ღრმა ძილში იყო ხალხი, ხანდაზმული ბებო მეძახდა, - ხანძარიაო. რომ გამოვედი, ყველაფერი კვამლში იყო. არ ვიცნობ, ვის სახლშიც გაჩნდა ხანძარი. ოთხი შვილი ჰყავდათ და ქირით ცხოვრობდნენ. მათთან არანაირი კონტაქტი არ მქონია. უფროსი ბავშვები ჩემი თვალით დავინახე, რომ უვნებლად გამოვიდნენ", - აცხადებს საერთო საცხოვრებლის კიდევ ერთი მობინადრე.
იხილეთ ასევე:
00:00 / 00:00
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვოლოდიმირ ზელენსკი, რომში აშშ-ის ვიცე-პრეზიდენტს ჯეი დი ვენსს და სახელმწიფო მდივანს მარკო რუბიოს შეხვდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
