ხარჯების დაზოგვის მიზნით, წყვილმა ქორწილში დაპატიჟებულ თითოეულ სტუმარს, 333 დოლარი გადაახდევინა
ნიუ -იორკელი წყვილი მედიის ყურადღების ცენტრში, მათი არაორდინალური გადაწყვეტილების გამო მოექცა.
იმის ფონზე, რომ საქორწინო ცერემონიის დაგეგმვა და სისრულეში მოყვანა მართლაც დიდ ბიუჯეტს ითხოვს, წყვილმა ორიგინალური გამოსავალი იპოვა.
- ხარჯების შესამცირებლად, ნოვამ და რემომ გადაწყვიტეს, საკუთარი ქორწილის ბილეთები გაეყიდათ. ბილეთის საფასური 333 დოლარს შეადგენდა, ისინი კი სტუმრებს დაუვიწყარ გართობას ჰპირდებოდნენ.
"მე ვუთხარი: ხალხი ირჩევს ბიონსეს კონცერტზე წასვლას, რადგან მათ იციან, რომ ექნებათ საუკეთესო გამოცდილება. მოდი, ჩვენც ავირიდოთ სტრესი და გავყიდოთ ბილეთები ქორწილისთვის. ვქციოთ ჩვენი ქორწილი შოუდ", - თქვა ნოვამ სიუჟეტში საუბრისას.
საქმრო შიშობდა, რომ ამ გზით მათთან არავინ მივიდოდა. თუმცა, როგორც აღმოჩნდა, მათ საახლობლოში თითქმის ყველას მოეწონა იდეა.
333$-ად ნაყიდმა ბილეთმა თითოეულ სტუმარს ორსართულიან ავტობუსში ადგილი და 12-საათიანი თავგადასავალი აჩუქა.
წყვილი კი აცხადებს, რომ მათმა სტრატეგიამ ქორწილის ხარჯების 70 000 დოლარი დააზოგინა.