გენო პეტრიაშვილი ოლიმპიადის ნახევარფინალშია - მისი მეტოქე აზერბაიჯანის სახელით მოასპარეზე ქართველი ფალავანი იქნება

თავისუფალი სტილით მოჭიდავე ქართველი გენო პეტრიაშვილი პარიზის 2024 წლის ოლიმპიადის 1/2-ფინალში გავიდა.

ქართველი ფალავნის მეტოქე 1/8-ფინალში უკრაინელი ოლეკსანდრ ხოციანივსკი იყო, რომელიც პეტრიაშვილმა პრობლემების გარეშე, 11:0 დაამარცხა.

მეოთხედფინალში გენოს მეტოქე პოლონელი რობერტ ბარანი იყო. პეტრიაშვილმა მოწინააღმდეგეს 9:2 მოუგო და ნახევარფინალში გავიდა.

გენოს მეტოქე 1/2-ფინალში აზერბაიჯანის სახელით მოასპარეზე გიორგი მეშვილდიშვილი იქნება. დღევანდელი დღის ფინალური ბლოკი ჭიდაობაში 20:30 საათიდან დაიწყება.

იხილეთ ასევე:

• გენო პეტრიაშვილი ფინალშია - მან ოლიმპიადის ქართულ ნახევარფინალში დამაჯერებლად გაიმარჯვა